photo credit: Zee News Hindi
ଆଫ୍ରିକୀୟ ଦେଶ ଘାନାର ଜଣେ ଅଭିନେତ୍ରୀଙ୍କୁ ନିଜ ପୁଅ ସହିତ ନ୍ୟୁଡ୍ ଫଟୋ କରେଇବା ଭାରି ପଡ଼ିଛି। କୋର୍ଟ ଏହି ମାମଲାରେ ଅଭିନେତ୍ରୀଙ୍କୁ ୩ ମାସର ଜେଲ୍ ଦଣ୍ଡାଦେଶ ଶୁଣାଇଛନ୍ତି। ହେଲେ ସେପଟେ କୋର୍ଟଙ୍କ ଏହି ନିଷ୍ପତ୍ତିକୁ ବିଭିନ୍ନ ଆଡ଼ୁ ବିରୋଧ କରାଯାଇଛି।
ଆମେରିକୀୟ ର୍ୟାପ୍ ଷ୍ଟାର୍ କାର୍ଡି ବିଙ୍କ ସମେତ କିଛି ସେଲିବ୍ରିଟି ଏହି ଦଣ୍ଡକୁ ବହୁତ କଠୋର ବୋଲି କହିଛନ୍ତି। ଟ୍ଵିଟରରେ ୧୮ ମିଲିୟନ ଫଲୋୟର୍ସ ଥିବା ର୍ୟାପ୍ ଷ୍ଟାର କାର୍ଡି କୋର୍ଟଙ୍କ ନିଷ୍ପତ୍ତିକୁ ବିରୋଧ କରିଛନ୍ତି। ଏ ନେଇ ସେ ନିଜ ଟ୍ଵିଟ୍ରେ ଆପତ୍ତି ଉଠାଇଛନ୍ତି। ସେହିପରି ଅନ୍ୟ ୟୁଜରମାନେ ମଧ୍ୟ #FreeAkuapemPoloo ସହିତ ଅଭିନେତ୍ରୀଙ୍କୁ ମୁକ୍ତ କରିଦେବାକୁ ଅପିଲ କରିଛନ୍ତି।
ଅଭିନେତ୍ରୀଙ୍କ ନାଁ ରୋସ୍ମୋଣ୍ଡ ବ୍ରାଉନ, ଯାହାଙ୍କୁ ଅକୁପମ୍ ପୋଲୋ ନାଁରେ ବି ଜଣାଯାଇଥାଏ। ସେ ନିଜ ପୁଅର ଜନ୍ମଦିନ ଅବସରରେ ନ୍ୟୁଡ୍ ଫଟୋଶୁଟ କରେଇ ତାହାକୁ ସୋସିଆଲ ମିଡିଆରେ ଶେୟାର କରିଥିଲେ। ରିପୋର୍ଟ ମୁତାବକ, ଅକୁପମ ଜଣେ ସିଙ୍ଗଲ ମଦର। ଗତବର୍ଷ ଜୁନ୍ରେ ନିଜ ପୁଅର ୭ମ ଜନ୍ମଦିନ ପାଳିଥିଲେ। ଏହିଦିନ ସେ ଏକ ନ୍ୟୁଡ୍ ଫଟୋ ଉଠାଇଥିଲେ, ଯେଉଁଥିରେ ସେ ପୁଅର ହାତ ଧରି ବସିଥିବାର ନଜର ଆସିଥିଲେ। ତେବେ ଫଟୋଟି ବିବାଦ ଘେରକୁ ଆସିବା ପରେ ମାମଲା କୋର୍ଟରେ ପହଞ୍ଚିଥିଲା।
କୋର୍ଟ କହିଥିଲେ, ଅଭିନେତ୍ରୀ ଜଣକ ଯାହା କରିଥିଲେ, ତାହା ଘରୋଇ ହିଂସା ଶ୍ରେଣୀରେ ଆସିଥାଏ, ଯେଉଁଠି କୌଣସି ବ୍ୟକ୍ତିର ଗୋପନୀୟତା ଓ ସମ୍ମାନକୁ କ୍ଷତି ପହଞ୍ଚା ଯାଇଥାଏ। ଏହି ବାବଦରେ ନ୍ୟାୟାଧୀଶ କ୍ରିଷ୍ଟିଆନା କ୍ୟାନ ଅକୁପମଙ୍କୁ ପ୍ରଶ୍ନ କରିଥିଲେ କି, ‘କ’ଣ ଆପଣ ନ୍ୟୁଡ୍ ଫଟୋ ପୋଷ୍ଟ କରିବା ପୂର୍ବରୁ ପୁଅଠାରୁ ଅନୁମତି ମାଗିଥିଲେ? ନିଜ ପିଲାର ଅଧିକାରକୁ କ’ଣ ଆପଣ ସମ୍ମାନ କରିଥିଲେ? ନ୍ୟାୟାଧୀଶ କହିଥିଲେ ଯେ ଅକୁପମ ନିଜ ପୁଅର ରାୟ ନ ନେଇ ନ୍ୟୁଡ୍ ଫଟୋ ପୋଷ୍ଟ କରିଥିଲେ, ଯାହାକି ଅପରାଧ।
ତେବେ କୋର୍ଟଙ୍କ କହିବା ହେଲା, ଅଭିନେତ୍ରୀ ସିଙ୍ଗଲ ମଦର ହୋଇଥିବାରୁ ସେ ଜେଲ୍ ଯିବାରେ ତାଙ୍କ ପୁଅକୁ ବହୁତ ଅସୁବିଧା ହୋଇପାରେ। କିନ୍ତୁ ଏଭଳି ମାମଲାରେ ଦଣ୍ଡ ଦେବା ବହୁତ ଜରୁରୀ, ଯେପରି ଅନ୍ୟମାନେ ବି ଏଥିରୁ ଶିକ୍ଷା ପାଇପାରିବେ। ସେପଟେ ଅଭିନେତ୍ରୀଙ୍କ ଓକିଲ ଏହି ନିଷ୍ପତ୍ତି ବିରୋଧରେ ଉପରିସ୍ଥ କୋର୍ଟରେ ଅପିଲ କରାଯିବ ବୋଲି କହିଛନ୍ତି।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…