ଦେଶ ବିଦେଶ

କିଛିଦିନ ତଳେ କଂଗ୍ରେସ ଛାଡିଥିଲେ ଅରବିନ୍ଦର ସିଂ ଲଭଲି, ବିଜେପିରେ ହେଲେ ସାମିଲ

କଂଗ୍ରେସ ନେତା ଅରବିନ୍ଦର ସିଂ ଲଭଲି ବିଜେପିରେ ସାମିଲ ହୋଇଛନ୍ତି । ଏହି ସପ୍ତାହରେ ଦିଲ୍ଲୀ କଂଗ୍ରେସ ପ୍ରମୁଖ ପଦରୁ ଇସ୍ତଫା ଦେଇଥିଲେ । ଦିଲ୍ଲୀ ସ୍ଥିତ ବିଜେପି କାର୍ଯ୍ୟାଳୟକୁ ଯାଇ ବିଧିବଦ୍ଧ ଭାବେ ବିଜେପିରେ ସାମିଲ ହୋଇଛନ୍ତି ।

ଦିଲ୍ଲୀରେ ଆପ୍ ସହ କଂଗ୍ରେସର ମେଣ୍ଟକୁ ନେଇ ଅରବିନ୍ଦର ସିଂହ ଲଭଲି ଅସନ୍ତୁଷ୍ଟ ଥିଲେ । ଏହାପରେ ସେ କଂଗ୍ରେସ ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ । ତେବେ ଏହାପରେ ସେ କେଉଁ ଦଳରେ ସାମିଲ ହେବେ, ତାହାକୁ ନେଇ ଚର୍ଚ୍ଚା ଚାଲିଥିଲା । ଏହି ଚର୍ଚ୍ଚା ମଧ୍ୟରେ ସେ କେବଳ ପଦବୀରୁ ଇସ୍ତଫା ଦେଇଛନ୍ତି କିନ୍ତୁ କଂଗ୍ରେସ ସହିତ ରହିଛନ୍ତି ବୋଲି କହିଥିଲେ । ଶେଷରେ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇଛନ୍ତି ଲଭଲୀ ।

ଅରବିନ୍ଦର ସିଂହଙ୍କ ସମେତ କଂଗ୍ରେସ ନେତା ରାଜକୁମାର ଚୌହାନ, ଅମିତ ମଲିକ, ତିନି ଥରର ବିଧାୟକ ଥିବା ନସିବ ସିଂହ ଓ ନୀରଜ ବସୋୟା ମଧ୍ୟ ବିଜେପିରେ ସାମିଲ ହୋଇଛନ୍ତି । ଏମାନେ ସମସ୍ତେ ଆପ୍ ସହ କଂଗ୍ରେସର ମେଣ୍ଟକୁ ନେଇ ଅସନୋଷ ଥିଲେ ।

ଇସ୍ତଫା ଦେବା ପରେ ଅରବିନ୍ଦର ସିଂ ଲଭଲି ମିଡିଆକୁ ସମ୍ବୋଧିତ ସମୟରେ କହିଥିଲେ କି, ମୁଁ କଂଗ୍ରେସ କାର୍ଯ୍ୟକର୍ତ୍ତାଙ୍କ ପାଇଁ ଇସ୍ତଫା ଦେଇଛି । ସେ କହିଥିଲେ ଯେ, ଯଦି ମୋର ଇସ୍ତଫା ଗ୍ରହଣ କରାଯିବ, ତେବେ ବାବରିୟାଙ୍କୁ ଧନ୍ୟବାଦ । ଅନ୍ୟ କୌଣସି ଦଳରେ ଯୋଗଦେବା ବିଷୟରେ ସେ କହିଥିଲେ ଯେ, ମ୍ୟୁ ଅନ୍ୟ କୌଣସି ଦଳରେ ଯୋଗଦେବି ନାହିଁ । ବର୍ତ୍ତମାନର କେଜ୍ରିୱାଲ ସରକାରଙ୍କୁ ଆମେ ଏକ ସ୍ୱଚ୍ଛତା ପ୍ରଦାନ କରିଛୁ ବୋଲି କଂଗ୍ରେସ କର୍ମୀମାନେ କହି ନାହାଁନ୍ତି । ସେ କହିଛନ୍ତି ଯେ ମୁଁ ମୋ ମନର ପୀଡା ଏବଂ ଦିଲ୍ଲୀର ସମସ୍ତ କଂଗ୍ରେସ କର୍ମୀଙ୍କ ଯନ୍ତ୍ରଣା କଂଗ୍ରେସ ଦଳର ରାଷ୍ଟ୍ରୀୟ ସଭାପତିଙ୍କ ନିକଟକୁ ପଠାଇଛି ।

ଅରବିନ୍ଦର ସିଂ ଲଭଲି ବିଜେପିରେ ଯୋଗଦେବା ଉପରେ ଦିଲ୍ଲୀ କଂଗ୍ରେସର ଅନ୍ତରୀଣ ଅଧ୍ୟକ୍ଷ ଦେବେନ୍ଦ୍ର ଯାଦବ କହିଛନ୍ତି, “କିଛି ଲୋକଙ୍କ ପ୍ରକୃତି ଏପରି ଯେ ଯେତେବେଳେ ପିତାଙ୍କୁ ଅଧିକ ଆବଶ୍ୟକ ହୁଏ, ପୁଅ ତାଙ୍କୁ ଅଧିକ ଅସୁବିଧାରେ ପକାଇଥାଏ ।

ସୂଚନାଯୋଗ୍ୟ,  ଇସ୍ତଫା ପତ୍ରରେ ଅରବିନ୍ଦର ସିଂ ଲଭଲି କହି ଥିଲେ, ମୋତେ ଏବେ ପଙ୍ଗୁ ଭଳି ଅନୁଭବ ହେଉଛି ଏବଂ ଆଗକୁ ଦିଲ୍ଲୀ ଅଧ୍ୟକ୍ଷ ଭାବେ ଦାୟିତ୍ୱ ସମ୍ପାଦନ କରିବାରେ ମୁଁ ଅସମର୍ଥ । ଦିଲ୍ଲୀରେ ଆପ୍‌ ସହ କଂଗ୍ରେସର ମେଣ୍ଟ ବିଷୟରେ ଉଲ୍ଲେଖ କରିଥିଲେ । ସେ କହି ଥିଲେ, କଂଗ୍ରେସ ବିରୁଦ୍ଧରେ ଏକାଧିକ ଅଭିଯୋଗ ଉଠାଇ ଆପ୍ ଗଠନ ହୋଇଥିଲା, ସେହି ଦଳ ସହ କଂଗ୍ରେସ କିପରି ଗଠବନ୍ଧନ କରିପାରିବ ?

Swagatika

Recent Posts

ଅନୁଷ୍ଠିତ ହେଲା ହନୁମାନ ମନ୍ଦିର ପ୍ରତିଷ୍ଠା ଉତ୍ସବ, ସୃଷ୍ଟି ହୋଇଛି ଖୁବ ଭକ୍ତିମୟ ପରିବେଶ

କଥାରେ ଅଛି ବିଶ୍ୱାସେ ମିଳଇ ହରି, ତର୍କେ ବହୁଦୂର । ଯେଉଁଠି ବିଶ୍ୱାସ ଅଛି ସେଠି ଭଗବାନ ଅଛନ୍ତି ,…

5 mins ago

ବାରବାଟୀରେ ଖେଳାଯିବ ଓ୍ଵାନ-ଡେ ମ୍ୟାଚ୍‌, ଫେବ୍ରୁଆରୀ ୯ରେ ହେବ ଖେଳ

କେନ୍ୟୁଜ(ବ୍ୟୁରୋ) : ବାରବାଟୀରେ ଖେଳାଯିବ ଭାରତ-ଇଂଲଣ୍ଡ ଓ୍ଵାନ ଡେ ମ୍ୟାଚ୍‌ । ୨୦୨୫ ଫେବ୍ରୁଆରୀ ୯ ତାରିଖ ରବିବାରରେ ଖେଳାଯିବ…

7 mins ago

୭୫ ବର୍ଷ ବୟସରେ ତିନିଚକିଆ ଗାଡିରେ ଘର ଘର ବୁଲି ପରିବା ବିକୁଛନ୍ତି ଦିବ୍ୟାଙ୍ଗ

ସୋରଡା (କେନ୍ୟୁଜ) : ଏଇ ବୋଧେ ଜୀବନ । ଆଉ ଏ ଜୀବନରେ ଇଏ ବୋଧେ ସଂଘର୍ଷ । ତିନି…

21 mins ago

ତାତି ନେଉଛି ଜୀବନ, ଗ୍ରୀଷ୍ମ ପ୍ରବାହ ଯୋଗୁଁ ଦିଲ୍ଲୀରେ ୧୯୨ ଜଣଙ୍କ ମୃତ୍ୟୁ

ନୂଆଦିଲ୍ଲୀ : ତାତି ନେଉଛି ଜୀବନ । ପ୍ରବଳ ଗ୍ରୀଷ୍ମ ପ୍ରବାହ ଯୋଗୁଁ ଦିଲ୍ଲୀରେ ୧୯୨ ଜଣଙ୍କ ମୃତ୍ୟୁ ହୋଇଥିବା…

22 mins ago

ତିନି ଦିନ ମଧ୍ୟରେ ୩ ଜଣଙ୍କୁ ମାରିଦେଲା ନାବାଳକ

ଭଦ୍ରକ: ତିନି ଦିନରେ ନେଇଛି ୩ ଜୀବନ । ଗୋଟିଏ ପରେ ଗୋଟିଏ ଜୀବନ ନେଇଛି ଅଭିଯୁକ୍ତ ନାବାଳକ ।…

1 hour ago

ବନ୍ଦ ହେଲା ପ୍ରିୟଙ୍କା ଚୋପ୍ରାଙ୍କ ରେଷ୍ଟୁରାଣ୍ଟ, ପାର୍ଟନରସିପ୍ ସରିବା ପରେ ହେଲା ଖରାପ ଅବସ୍ଥା

ପ୍ରିୟଙ୍କା ଚୋପ୍ରା କେବଳ ଜଣେ ମହାନ ଅଭିନେତ୍ରୀ, ଗାୟକ ଏବଂ ଲେଖକ ନୁହଁନ୍ତି, ସେ ଜଣେ ଭଲ ବ୍ୟବସାୟୀ ମଧ୍ୟ…

1 hour ago