ଉତ୍ତରପ୍ରଦେଶର ବାଲିଆ ଜିଲ୍ଲାରେ ଭୀଷଣ ଗରମ ଏବଂ ଗୁଳୁଗୁଳି ଯୋଗୁଁ ଗତ ୪ ଦିନରେ ୫୭ ଲୋକଙ୍କର ମୃତ୍ୟୁ ହୋଇଛି । ଏହା ଭିତରେ ଜିଲ୍ଲା ହସପିଟାଲର ମୁଖ୍ୟ ଚିକିତ୍ସା ଅଧିକ୍ଷକଙ୍କୁ ବିଦା କରାଯାଇଛି । ଦାୟିତ୍ବହୀନ ମନ୍ତବ୍ୟ ଦେବା ପରେ ତାଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ନିଆଯାଇଛି ବୋଲି ସ୍ବାସ୍ଥ୍ୟମନ୍ତ୍ରୀ ବ୍ରିଜେଶ ପାଠକ କହିଛନ୍ତି ।
ଗତ ତିନି ଦିନ ମଧ୍ୟରେ ତାପମାତ୍ରା ବୃଦ୍ଧି ଲାଗି ଜିଲ୍ଲା ଡାକ୍ତରଖାନାରେ ୫୭ ଜଣଙ୍କର ମୃତ୍ୟୁ ଘଟିଛି ଏବଂ ପ୍ରାୟ ୪୦୦ ଜଣ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ପ୍ରବଳ ଉତ୍ତାପ ଯୋଗୁଁ ଡାକ୍ତରଖାନାରେ ଭର୍ତ୍ତି ହୋଇଥିବା ଲୋକଙ୍କ ସଂଖ୍ୟା ବଢ଼ିବାରେ ଲାଗିଛି। ଏହି ମାମଲାକୁ ନେଇ ସରକାର ସ୍ବାସ୍ଥ୍ୟ ବିଭାଗର ଅଧିକାରୀଙ୍କ ଟିମ୍ ଯାଞ୍ଚ ଆରମ୍ଭ କରିଛନ୍ତି ।
ବାଲିଆ ଜିଲ୍ଲା ହସ୍ପିଟାଲର ମୁଖ୍ୟ ସ୍ବାସ୍ଥ୍ୟ ଅଧିକାର ଡ. ଜୟନ୍ତ କୁମାର କହିଛନ୍ତି, ବାଲିଆ ଜିଲ୍ଲାରେ ହିଟ୍ ଷ୍ଟ୍ରୋକ ଯୋଗୁଁ ଏପର୍ଯ୍ୟନ୍ତ କେବଳ ୨ ଜଣଙ୍କର ମୃତ୍ୟୁ ହୋଇଛି । ହସପିଟାଲରେ ୪୦ ପ୍ରତିଶତ ଲୋକ ଜ୍ବର ଏବଂ ୬୦ ପ୍ରତିଶତ ଲୋକଙ୍କର ମୃତ୍ୟୁ ଅନ୍ୟ ରୋଗ ଯୋଗୁଁ ହୋଇଛି ।
ହସପିଟାଲରେ ରୋଗୀଙ୍କୁ କୌଣସି ଅସୁବିଧା ଯେପରି ନ ହୁଏ, ସେଥିପାଇଁ ସମସ୍ତ ପ୍ରକାରର ସୁବିଧା କରାଯାଇଛି । ୧୫ ବେଡ୍ ଅଧିକ ବଢାଯିବା ସହିତ କୁଲର, ପଙ୍ଖା ଏବଂ ଏୟାର କଣ୍ଡିସନର ଲଗାଯାଇଛି ।
ଆଜମଗଡ ସର୍କଲର ଅତିରିକ୍ତ ସ୍ୱାସ୍ଥ୍ୟ ନିର୍ଦ୍ଦେଶକ ଡକ୍ଟର ବିପି ତିୱାରୀ କହିଛନ୍ତି ଯେ, ଏପରି ରୋଗ ଅଛି କି ନାହିଁ ତାହା ଯାଞ୍ଚ କରିବା ପାଇଁ ଲକ୍ଷ୍ନୌରୁ ଏକ ଟିମ୍ ଆସୁଛନ୍ତି । ଅତ୍ୟଧିକ ଉତ୍ତାପ କିମ୍ବା ଥଣ୍ଡା ହେତୁ ଶ୍ୱାସ ରୋଗୀ, ମଧୁମେହ ରୋଗୀ ଏବଂ ରକ୍ତଚାପ ରୋଗୀଙ୍କର ବିପଦ ଅଧିକ ଥାଏ। ଡକ୍ଟର ତିୱାରୀ ଅନୁମାନ କରିଛନ୍ତି ଯେ, ମର୍କୁର ସାମାନ୍ୟ ବୃଦ୍ଧି ହେତୁ ତାଙ୍କର ମୃତ୍ୟୁ ହୋଇଥାଇପାରେ।
ତେବେ ହପିଟାଲରେ ୧୫ ଜୁନରେ ୧୫୪ ରୋଗୀ ଭର୍ତ୍ତି ହୋଇଥିଲେ । ଯାହା ମଧ୍ୟରେ ୨୩ ଜଣ ରୋଗୀଙ୍କ ମୃତ୍ୟୁ ବିଭିନ୍ନ କାରଣରୁ ମୃତ୍ୟୁ ହୋଇଥିବା ଡା ଏକକେ ଯାଦବ କହିଛନ୍ତି । ଏହାଛଡା ୧୬ ଜୁନରେ ୨୦ ଜଣ ରୋଗୀ, ୧୭ ଜୁନରେ ୧୧ ଜଣ ରୋଗୀଙ୍କର ମୃତ୍ୟୁ ହୋଇଛି । ଏମାନଙ୍କ ମଧ୍ୟରେ ୬୦ ବର୍ଷରୁ ଅଧିକ ବୟସର ଲୋକ ରହିଛନ୍ତି ।
ମୋହନା : ଗଜପତି ଜିଲ୍ଲା ମୋହନା ଖାରୀଗୁଡା- ଲେକାପଦର ଗାଁ ନିକଟରୁ ୧୫ ଫୁଟର ଅଜଗର ସାପ ଉଦ୍ଧାର କରିଛନ୍ତି…
ମହାରାଷ୍ଟ୍ରର ନାଗପୁରରେ ରବିବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏଠାରେ କହ୍ନାନ ନଦୀ ବ୍ରିଜ୍ରେ ଏକ ଦ୍ରୁତଗାମୀ…
ଉଦଳା(କେନ୍ୟୁଜ): ମୋ ଭାଇର ଇଚ୍ଛା ହେଇଛି ସେ ବଜାର ବୁଲିଯିବ । ତେଣୁ ତାକୁ ନେଇ ଚାଲିଆସିଛି ଟିକେ ବୁଲେଇ ନେବା…
ପଶ୍ଚିମବଙ୍ଗ ଦାର୍ଜିଲିଂରେ କାଞ୍ଚନଜଙ୍ଗା ଏକ୍ସପ୍ରେସ ମାଲବାହୀ ଟ୍ରେନ ଦୁର୍ଘଟଣା ପରେ ହେଲ୍ପଲାଇନ ନମ୍ବର ଜାରି କରାଯାଇଛି । ନିଖୋଜ ବା…
ଉତ୍ତର ପ୍ରଦେଶର ଶାହାଜହାଁପୁରରେ ଏକ ସିନେମା ହଲ୍ରେ ଭୟାବହ ଅଗ୍ନିକାଣ୍ଡ ଘଟିଛି । ହଲ୍ ଭିତରେ ନିଆଁ ଦେଖି ଲୋକମାନେ…
ଗୁଗଲର ସବୁଠାରୁ ବଡ ଭିଡିଓ ଷ୍ଟ୍ରିମିଂ ପ୍ଲାଟଫର୍ମ ହେଉଛି ୟୁଟ୍ୟୁବ୍ । ପ୍ରତ୍ୟେକ ଦିନ ବିଶ୍ୱର କୋଟି କୋଟି ଲୋକ…