p.c : TV9varatvarsh
ନୂଆଦିଲ୍ଲୀ : ପ୍ରକାଶ ପାଇଛି ୩ ଲୋକସଭା ଓ ୨୯ ଟି ବିଧାନସଭା ଉପ ନିର୍ବାଚନ ଫଳାଫଳ । ହରିଆଣା ଓ ହିମାଚଳରେ ଫୁଟିଲାନି ପଦ୍ମ । ତେବେ ଆସାମରେ ବିଜେପିର କ୍ଲିନ ସୁଇପ ହୋଇଛି । ହିମାଚଳରେ ବାଜି ମାରିନେଲା କଂଗ୍ରେସ । ୩ ବିଧାନସଭା ଆସନ ଓ ଗୋଟିଏ ଲୋକସଭା ଆସନରେ କଂଗ୍ରେସ କଲା ବାଜିମାତ । ଫଳାଫଳ ପାଇଁ ନିଜକୁ ଦାୟୀ କରିଛନ୍ତି ମୁଖ୍ୟମନ୍ତ୍ରୀ ଜୟୀରାମ ଠାକୁର । ହରିଆଣାରେ ମଧ୍ୟ ବିଜେପିକୁ ଝଟ୍କା ଲାଗିଛି । ଗୋଟିଏ ଆସନରେ ଉପନିର୍ବାଚନ ହୋଇଥିବା ବେଳେ ଆଇଏନଏଲଡି ହାତକୁ ଯାଇଛି ଏହି ସିଟ୍ । ଏହାକୁ ଚାଷୀଙ୍କ ବିଜୟ ବୋଲି କହିଛି ଦଳ।
ତେବେ ଆସାମରେ ବିଜେପିର ଦବଦବା ବଜାୟ ରହିଛି। ପ୍ରାର୍ଥୀ ଦେଇଥିବା ୩କୁ ୩ ଆସନ ଜିତି ନେଇଛି ବିଜେପି । ସହଯୋଗୀ UPPL ଗୋଟିକରେ ଜିତିଥିବା ବେଳେ ଗୋଟିଏ ସିଟ୍ରେ ଆଗରେ ରହିଛି । ମଧ୍ୟ ପ୍ରଦେଶରେ ସମ୍ମାନ ରଖି ପାରିଛି ବିଜେପି। ୩ ବିଧାନସଭା ଆସନରୁ ୨ଟିରେ ବିଜେପି ବାଜିମାତ କରିଥିବା ବେଳେ କଂଗ୍ରେସ ଖାତାକୁ ଯାଇଛି ଗୋଟିଏ । ଖଣ୍ଡଓ୍ଵା ଲୋକସଭା ଆସନରେ ମଧ୍ୟ ବିଜେପି ଆଗରେ। ତେଲେଙ୍ଗାନାରେ ସରପ୍ରାଇଜ୍ ଦେଇଛି ଗୈରିକ ଦଳ । ଗୋଟିଏ ବିଧାନସଭା ଆସନରେ ଉପନିର୍ବାଚନ ହୋଇଥିବା ବେଳେ ଏଠି ପଦ୍ମ ଫୁଟିଛି । ରାଜସ୍ଥାନରେ ୨ ରୁ ୨ ଆସନ ଜିତି ନେଇଛି କଂଗ୍ରେସ ।
ପଶ୍ଚିମବଙ୍ଗରେ ଦିଦିଙ୍କ କ୍ଲିନ୍ ସୁଇପ୍ । ନିର୍ବାଚନ ପରେ ଉପନିର୍ବାଚନ । ୪ କୁ ୪ ବିଧାନସଭା ଆସନ ପୋଛି ନେଇଛି ଟିଏମ୍ସି। ଅମାନତ ହରାଇଛନ୍ତି ବିଜେପି ପ୍ରାର୍ଥୀ । ଏହାକୁ ଜନତାଙ୍କ ବିଜୟ ବୋଲି କହିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ। ବିହାରରେ ଲାଲୁଙ୍କ ନିର୍ବାଚନୀ ପ୍ରଚାର ଫେଲ ମାରିଛି। ଆରଜେଡି କଂଗ୍ରେସ କଳିର ଫାଇଦା ନେଇଛି ନୀତିଶଙ୍କ ଦଳ । ୨ଟି ଆସନରେ ଆଗରେ ଜେଡିୟୁ ପ୍ରାର୍ଥୀ । ଅନ୍ୟପଟେ ପ୍ରଥମ ଥର ପାଇଁ ମହାରାଷ୍ଟ୍ର ବାହାରେ ଆକାଉଣ୍ଟ ଖୋଲିଛି ଶିବସେନା । ଦାଦ୍ରା ଓ ନଗର ହାବେଲୀ ଲୋକସଭା ଆସନ ଜିତି ନେଇଛି ଉଦ୍ଧବ ଠାକରେଙ୍କ ଦଳ । ୩ ଲୋକସଭା ୨୯ଟି ବିଧାନସଭା ଆସନରେ ଉପନିର୍ବାଚନ ହୋଇଥିଲା ।
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…
ଆପଣ ପ୍ରତ୍ୟେକ ଦିନ ଅନେକ ରିଲ୍ସ ନିଶ୍ଚିତ ଦେଖୁଥିବେ । ଲୋକମାନେ ରିଲ୍ସ କରିବା ପାଇଁ ନିଜ ଜୀବନକୁ ବାଜି…
ପିପିଲି : ପାଣିରେ ଭାସୁଛନ୍ତି କୁଢ଼ କୁଢ଼ ମାଛ । ରାଜୁଆ ନଦୀରେ ମରି ପଡିଛନ୍ତି ମଲା ମାଛ ।…
ବିବାହ ସମାରୋହରେ ହେଲା ମହାଭାରତ । ବର ବାହା ହେବ କଣ ଗଣ୍ଡଗୋଳରେ ମାତିଗଲା । ଯିଏ ଯାହାକୁ ପାରିଲା…
ବାଲେଶ୍ୱର : ବାଲେଶ୍ଵରରେ ସ୍ଵାଭାବିକ ହେଉଛି ସ୍ଥିତି । ଆଜିଠୁ ଆହୁରି କୋହଳ ହୋଇଛି କଟକଣା । ଟାଉନ୍ ଥାନା…