ଉତ୍ତର ପ୍ରଦେଶର ଜୌନପୁରରେ ବିଜେପି ନେତା ପ୍ରମୋଦ ଯାଦବଙ୍କୁ ଦୁର୍ବୃତ୍ତ ଗୁଳି କରି ହତ୍ୟା କରିଛନ୍ତି । ଚିକିତ୍ସା ଚାଲିଥିବା ସମୟରେ ହସ୍ପିଟାଲରେ ତାଙ୍କର ମୃତ୍ୟୁ ଘଟିଛି । ପ୍ରମୋଦ ଯାଦବଙ୍କୁ ବିଜେପି ୨୦୧୨ ବିଧାନସଭା ନିର୍ବାଚନରେ ପ୍ରାର୍ଥୀ କରିଥିଲା । ଏହି ନିର୍ବାଚନରେ ମଲହନୀରୁ ସମାଜବାଦୀ ପାର୍ଟି ପ୍ରାର୍ଥୀ ପାରସ୍ ନାଥ ଯାଦବ ନିର୍ବାଚନ ଜିତିଥିଲେ । ଯେତେବେଳେ କି, ଧନଞ୍ଜୟ ସିଂଙ୍କ ପତ୍ନୀ ଜାଗୃତି ସିଂ ଦ୍ୱିତୀୟ ସ୍ଥାନରେ ରହିଥିଲେ । ତେବେ ଏହି ମାମଲାରେ ଏ ପର୍ଯ୍ୟନ୍ତ କାହା ବିରୋଧରେ ଅଭିଯୋଗ କରାଯାଇ ନାହିଁ ।
ମିଳିଥିବା ସୂଚନା ମୁତାବକ, ଏହି ଘଟଣା ଜୌନପୁରର ବକ୍ସା ଥାନା ଅଧୀନ ବୋଧାପୁର ମୋଡର । ଏଠାରେ ଅଜଣା ଦୁର୍ବୃତ୍ତ ବିଜେପି ନେତା ପ୍ରମୋଦ ଯାଦବଙ୍କୁ ଗୁଳି କରିଛନ୍ତି । ତାଙ୍କୁ ଗୁରୁତର ଅବସ୍ଥାରେ ଜିଲ୍ଲା ହସ୍ପିଟାଲ ନିଆଯାଇଥିଲା, ହେଲେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଏପଟେ ଘଟଣାସ୍ଥଳରେ ପହଞ୍ଚିଥିବା ପୋଲିସ ମାମଲାର ତଦନ୍ତ ଆରମ୍ଭ କରିଛି ।
କହି ରଖୁଛୁ, ଗତକାଲି ପୂର୍ବତନ ସାଂସଦ ଧନଞ୍ଜୟ ସିଂଙ୍କୁ ଅପହରଣ ଏବଂ ଟଙ୍କା ଦାବି ମାମଲାରେ ୭ ବର୍ଷ ଜେଲ୍ ଦଣ୍ଡ ମିଳିଛି । ଏହା ସହିତ ଏମ୍ପି-ଏମ୍ଏଲ୍ଏ କୋର୍ଟ ତାଙ୍କ ଉପରେ ୫୦ ହଜାର ଟଙ୍କାର ଜରିମାନା ଲଗାଇଛନ୍ତି । ଧନଞ୍ଜୟ ସିଂଙ୍କୁ ମଙ୍ଗଳବାର କୋର୍ଟ ଦୋଷୀ ସାବ୍ୟସ୍ତ କରିଥିଲେ ।
୨୦୨୦ ମେ’ ୧୦ରେ ଜୌନପୁରର ଲାଇନ୍ ବଜାର ଥାନାରେ ମୁଜଫର୍ନଗର ନିବାସୀ ତଥା ନମାମି ଗଙ୍ଗେର ପ୍ରୋଜେକ୍ଟ ମ୍ୟାନେଜର ଅଭିନବ ସିଙ୍ଘଲ ଧନଞ୍ଜୟ ସିଂଙ୍କ ବିରୋଧରେ ମାମଲା ରୁଜୁ କରାଇଥିଲେ । ଅପହରଣ ଏବଂ ଟଙ୍କା ଦାବି ଅଭିଯୋଗ ଆଣି ଧନଞ୍ଜୟ ଓ ତାଙ୍କ ସାଥୀ ବିକ୍ରମଙ୍କ ବିରୋଧରେ ମାମଲା ରୁଜୁ କରାଯାଇଥିଲା । ପୋଲିସ ନିକଟରେ ଦାଖଲ ଅଭିଯୋଗରେ କୁହାଯାଇଥିଲା କି, ବିକ୍ରମ ଅଭିନବ ସିଙ୍ଘଲଙ୍କ ଅପହରଣ କରି ପୂର୍ବତନ ସାଂସଦଙ୍କ ବାସଭବନକୁ ନେଇ ଯାଇଥିଲେ ।
କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…