Photo: kalinga tv
ଆସିଗଲା ଶୀତଦିନ, ଗାଧେଇବା ପାଇଁ ଦରକାର ଗରମ ପାଣି । ତେଣୁ ଘରେ ସମସ୍ତେ ବ୍ୟବହାର କରିବେ ଗିଜର । ଆପଣ ବି କରୁଛନ୍ତି କି ବ୍ୟବହାର? ତେବେ ହୋଇଯାନ୍ତୁ ସାବଧାନ । ଦର୍ଶକବନ୍ଧୁ ଆମର ଏ କଥା କହିବା ପଛରେ ରହିଛି ଏକ ବିଶେଷ କାରଣ । ଯାହା ଜାଣିଲେ ଆପଣ ବି ମୁଣ୍ଡରେ ହାତ ଦେବେ । କାରଣ ଏହି ଗିଜରକୁ ନେଇ ଘଟିଛି ଏକ ଏଭଳି ଘଟଣା ଯାହା ଏକ ପରିବାରର ଦୀପାବଳିକୁ କରିଛି ଦୁଃଖମୟ । ତେବେ ଆସନ୍ତୁ ଜାଣିବା କଣ ଏହି ଘଟଣା ।
ହାଇଦ୍ରାବାଦର ନଲ୍ଲାଗଣ୍ଡଲା ସ୍ଥିତ ଅପର୍ନା ସରୋବର ସୋସାଇଟିର ଏକ ଫ୍ୟାମିଲି ସବୁଦିନ ପରି ଗାଧୁଆ ପାଧୁଆ କରିବା ପାଇଁ ଅନ କରିଥିଲେ ଗିଜର ଏବଂ ତାପରେ ରେଡି ହୋଇ ଚାଲିଯାଇଥିଲେ ଦୀପାବଳି ସପିଂ କରିବାକୁ । କିନ୍ତୁ ଗିଜର ଅଫ କରିବାକୁ ଭୁଲିଗଲେ ଆଉ ତାପରେ ସର୍ଟ ସର୍କିଟ ହୋଇ ହୋଇଥିଲା ଏକ ଭୟଙ୍କର ବିସ୍ଫୋରଣ । ଯେଉଁଥିରେ ଆପାର୍ଟମେଣ୍ଟର ଦୁଇଟି ରୁମ ସମ୍ପୂର୍ଣ୍ଣ ରୂପେ ଜଳି ନଷ୍ଟ ହୋଇଯାଇଥିଲା । ଥରେ ଭାବନ୍ତୁ ଯଦି ସେତେବେଳେ ରୁମରେ କେହି ଥାନ୍ତା, ତେବେ?
ଏହି ଘଟଣାର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏହି ଭିଡିଓକୁ ‘X’ ର କ୍ରିଷ୍ଣମୂର୍ଥୀ ନାମକ ଜଣେ ୟୁଜର ସେୟାର କରିଛନ୍ତି । ଏହାକୁ ସେୟାର କରି ସେ ଲେଖିଛନ୍ତି ଯେ, ‘ ଏକ ଭଲ ସୋସାଇଟିରେ ରହିବାକୁ ହେଲେ କିଛି ଜିନିଷ ମାନିବାକୁ ପଡିଥାଏ । ଗୋଟିଏ ପରିବାର ଗିଜର ସୁଇଚ୍ କରି ଦୀପାବଳି ସପିଂ ପାଇଁ ବାହାରକୁ ଯାଇଥିଲେ । ସର୍ଟ ସର୍କିଟ ଯୋଗୁଁ ଦୁଇଟି ରୁମ ଜଳି ଯାଇଥିଲା ।’
ବର୍ତ୍ତମାନ ଆହତଙ୍କ ସମ୍ପର୍କରେ କୌଣସି ସୂଚନା ଆସିନାହିଁ । କୁହାଯାଇଥିଲା ଯେ ଏହି ଦୁର୍ଘଟଣା କାରଣ ହେଉଛି ଗୋଟିଏ ପରିବାର ଦୀପାବଳି ସପିଂ ପାଇଁ ଅଜାଣତରେ ଗିଜର ଅନ କରି ଚାଲିଯାଇଥିଲେ । ଦୀପାବଳି ଅବସରରେ ସୋସାଇଟିରେ ଅଧିକ ମାତ୍ରାର ବିଦ୍ୟୁତ ବ୍ୟବହାର ହେଉଥିବାରୁ, ଏହି ସର୍ଟ ସର୍କିଟ ଘଟିଥିଲା । ଏହି ଭିଡିଓ ଅପଲୋଡ୍ ହେବା ପରଠାରୁ ୬.୪୭ ଲକ୍ଷରୁ ଅଧିକ ଥର ଦେଖାଯାଇଛି ।
ଏଭଳି ଦୁର୍ଘଟଣାରୁ ବଞ୍ଚିବା ପାଇଁ ସର୍ବଦା ଗିଜରର ବ୍ୟବହାର ଠିକ ଭାବରେ କରନ୍ତୁ । ଗିଜର ୟୁଜ ପରେ ଏହାକୁ ବନ୍ଦ କରିବାକୁ ଭୁଲନ୍ତୁ ନାହିଁ । ନିଜେ ସତର୍କ ରୁହନ୍ତୁ, ଅନ୍ୟକୁ ସତର୍କ କରାନ୍ତୁ ଏବଂ ନିରାପଦ ରୁହନ୍ତୁ ।
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…
Windows ଏବଂ Split ACରେ ଅଗ୍ନିକାଣ୍ଡ ଏବଂ ବିସ୍ଫୋରଣର ଅନେକ ଘଟଣା ଗତ କିଛି ଦିନ ମଧ୍ୟରେ ସାମ୍ନାକୁ ଆସିଛି…