ସଜବାଜ ହୋଇ ବରଯାତ୍ରୀଙ୍କୁ ଅପେକ୍ଷା କରିଥିଲା ଝିଅ । ଫୋନ କରିବାରୁ ପୁଅର ବାପା କହିଲେ, ଆମେ ବାହାଘର ତାରିଖ ଭୁଲିଯାଇଛୁ । ଏମିତି ଏକ ଘଟଣା ଉତ୍ତରାଖଣ୍ଡର ହଲଦଓ୍ଵାନୀରେ ଦେଖିବାକୁ ମିଳିଛି । ଏହାକୁ ନେଇ ଥାନାରେ ମାମଲା ରୁଜୁ ହୋଇଛି ।
ଖବର ମୁତାବକ, ଉତ୍ତରାଖଣ୍ଡର ହଲଦଓ୍ଵାନୀରେ ମାର୍ଚ୍ଚ ୧ ତାରିଖରେ ବିବାହ ତାରିଖ ଧାର୍ଯ୍ୟ ହୋଇଥିଲା । କନ୍ୟା ପକ୍ଷରୁ ସବୁକିଛି ପ୍ରସ୍ତୁତି ସରିଥିଲା । କନ୍ୟା ସଜବାଜ ହୋଇ ବରକୁ ଅପେକ୍ଷା କରି ରହିଥିଲା। ହେଲେ ବରଯାତ୍ରୀ ଅଧିକ ସମୟ ଧରି ନ ଆସିବାରୁ କନ୍ୟାଙ୍କ ଭାଇ ବରଙ୍କ ବାପାଙ୍କୁ କଲ୍ କରିଥିଲେ । ଆଉ ଫୋନରେ ବରଙ୍କ ବାପା କହିଥିଲେ, ଆମେ ବାହାଘର ତାରିଖ ଭୁଲି ଯାଇଛୁ । ୧୦ ମାର୍ଚ୍ଚରେ ବରଯାତ୍ରୀ ନେଇ ଆସିବୁ । ଏହା ପୂର୍ବରୁ ସ୍ୱିଟ ଡିଜାୟର କାର ଦେବାକୁ ପଡିବ । ତେବେ ବରପକ୍ଷରୁ ଏମିତି ଉତ୍ତର ମିଳିବା ପରେ କନ୍ୟା ପକ୍ଷ ପୋଲିସରେ ଅଭିଯୋଗ କରିଛନ୍ତି ।
ମାମଲାଟି ହଲଦଓ୍ଵାନୀର ବନଭୁଲପୁରା ଥାନା ଅଞ୍ଚଳରେ ଘଟିଛି । ଦୁଇ ପରିବାର ମଧ୍ୟରେ ନିର୍ବନ୍ଧ ଗତବର୍ଷ ଅଗଷ୍ଟରେ ହୋଇଥିଲା । ନିର୍ବନ୍ଧ ସମୟରେ ୨୦୨୩ ମାର୍ଚ୍ଚ ୧ ତାରିଖରେ ବିବାହ ତାରିଖ ଧାର୍ଯ୍ୟ କରାଯାଇଥିଲା। ବରପକ୍ଷରୁ ୧୫୦ ବରଯାତ୍ରୀ ଆସିବେ ବୋଲି ମଧ୍ୟ କୁହାଯାଇଥିଲା ।
କନ୍ୟାଙ୍କ ଭାଇ ଏକ ଲକ୍ଷ ଟଙ୍କା ଖର୍ଚ୍ଚ କରି ହଲ୍ ମଧ୍ୟ ବୁକ୍ କରିଥିଲେ । ବରଯାତ୍ରୀଙ୍କ ଖାଇବା-ପିଇବା ବ୍ୟବସ୍ଥା ମଧ୍ୟ ହୋଇଥିଲା । ସବୁକିଛି ସରିଥିବା ସତ୍ତ୍ୱେ ବର ପକ୍ଷରୁ କାର ନେବା ପାଇଁ କହିଥିଲେ । କିନ୍ତୁ କନ୍ୟା ପକ୍ଷରୁ ଆର୍ଥିକ ସ୍ଥିତି ଭଲ ନ ଥିଲା ଏବଂ କାର ଦେବାକୁ ମନା କରିଦେଇଥିଲେ । ପରେ ସେମାନେ ବାହାଘର କରିବାକୁ ରାଜି ହୋଇଥିଲେ । ହେଲେ ବାହାଘର ଦିନ ବରଯାତ୍ରୀ ନ ଆସିବାରୁ କନ୍ୟାର ଭାଇ ଫୋନ କରିବାକୁ ବରର ବାପା ଅଜବ ଉତ୍ତର ଦେଇଥିଲେ । ଯାହା ଫଳରେ କନ୍ୟା ପକ୍ଷରୁ ଥାନାରେ ମାମଲା ରୁଜୁ କରାଯାଇଛି । ପୋଲିସ ଏହି ମାମଲାରେ ଯାଞ୍ଚ କରୁଛି ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…