ଦେଶରେ କିଛି ଦିନ ହେବ ଟମାଟୋ ଫ୍ଲୁର ବିପଦ ଲଗାତାର ବଢ଼ି ଚାଲିଛି। ତଥ୍ୟ ମୁତାବକ, ଏହି ରୋଗ ସବୁଠାରୁ ଅଧିକ ଛୋଟ ଛୁଆଙ୍କଠାରେ ଦେଖିବାକୁ ମିଳୁଛି। ସାରା ଦେଶରେ ଟମାଟୋ ଫ୍ଲୁକୁ ନେଇ ହାଇ ଆଲର୍ଟ ଜାରି କରି ଦିଆଯାଇଛି। ଏଥି ସହିତ ନିଜ ପିଲାମାନଙ୍କୁ ସଂକ୍ରମଣ କବଳରୁ ରକ୍ଷା କରିବା ପାଇଁ ବାପା, ମା’ମାନଙ୍କୁ ଖାସ୍ ପରାମର୍ଶ ଦିଆଯାଇଛି। ରିପୋର୍ଟ ମୁତାବକ, ଏ ପର୍ଯ୍ୟନ୍ତ ଦକ୍ଷିଣ ଭାରତରେ ୮୨ରୁ ଅଧିକ ପିଲା ଟମୋଟୋ ଫ୍ଲୁର ଶିକାର ହୋଇ ସାରିଲେଣି। ସେଥି ମଧ୍ୟରୁ କେରଳରେ ଏହି ସଂଖ୍ୟା ସବୁଠୁ ଅଧିକ ରହିଛି। ସେହିପରି ଓଡ଼ିଶାରେ ୨୬ରୁ ଅଧିକ ପିଲାଙ୍କୁ ଏହି ଫ୍ଲୁ ନିଜ କବଳକୁ ନେଇଛି।
ଟମୋଟୋ ଫ୍ଲୁ ଏମିତି ଏକ ରୋଗ, ଯେଉଁଥିରେ ଶରୀରେ ବଡ଼ ବଡ଼ ଫୋଟକା ସଦୃଶ ବାହାରି ପଡ଼ିଥାଏ। ଏହି ଫୋଟକା ଭିତରେ ପୂଜ ମଧ୍ୟ ଜମା ରହିଥାଏ ଏବଂ ଏହାକୁ ଫୁଟାଯାଇ ନ ଥାଏ। ଫୋଟକାର ଆକାର ଓ ରଙ୍ଗ ବିଲ୍କୁଲ ଟମାଟୋ ବରାବର ହୋଇଥାଏ। ଏହି କାରଣରୁ ଏହାର ନାମ ଟମାଟୋ ଫ୍ଲୁ ଦିଆଯାଇଛି। ଏହି ଭାଇରସ୍ ଦ୍ରୁତ ଗତିରେ ସଂକ୍ରମଣ ବିସ୍ତାର କରୁଛି। ଟମାଟୋ ଫ୍ଲୁର ବିପଦ ନର୍ସରୀ ଏବଂ ଡେ କେୟାର ପିଲାଙ୍କ କ୍ଷେତ୍ରରେ ସର୍ବାଧିକ ରହିଛି।
ଏହି ଭାଇରାଲ ସଂମ୍ରକଣକୁ ନେଇ କେନ୍ଦ୍ର ଗାଇଡ୍ଲାଇନ ଜାରି କରିଛି। ଗାଇଡ୍ଲାଇନ ଅନୁସାରେ, ଏହି ସଂକ୍ରମଣ ହାତ, ଗୋଡ଼ ଓ ମୁହଁ ରୋଗର ହିଁ ଏକ କ୍ଲିନିକାଲ୍ ଭ୍ୟାରିଏଣ୍ଟ, ଯାହାକି ସ୍କୁଲ ଯାଉଥିବା ପିଲାଙ୍କଠାରେ ସାଧାରଣ ରୂପେ ବ୍ୟାପୁଥିବାର ଦେଖାଯାଇଛି। ନବଜାତ ଶିଶୁମାନେ ଅଧିକ ଭାବେ ନାପକିନ୍ ବ୍ୟବହାର କରିବା, ଅସ୍ୱଚ୍ଛ ଚଟାଣକୁ ଛୁଇଁବା ଏବଂ କୌଣସି ବି ଜିନିଷକୁ ସିଧା ମୁହଁରେ ପୂରାଇବା ଦ୍ୱାରା ଏହି ସଂକ୍ରମଣ ବ୍ୟାପୁଛି। ଟମାଟୋ ଫ୍ଲୁ ପ୍ରାୟତଃ ପିଲାମାନଙ୍କଠାରେ ଦେଖିବାକୁ ମିଳୁଛି, କିନ୍ତୁ ଏହା ବୟସ୍କମାନଙ୍କୁ ମଧ୍ୟ ନିଜ କବଳକୁ ନେଇଯିବାର ସମ୍ଭାବନା ରହିଛି।
କହି ରଖୁଛୁ, ଟମାଟୋ ଫ୍ଲୁକୁ ନେଇ କୌଣସି ନିଶ୍ଚିତ ଔଷଧ କିମ୍ବା ଚିକିତ୍ସା ନାହିଁ। କିନ୍ତୁ ଏହାକୁ ଭାଇରାଲ ସଂକ୍ରମଣ ରୂପେ ହିଁ ଦେଖାଯାଇ ପାରିବ। ତେଣୁ ସମସ୍ତଙ୍କଠୁ ଦୂରତା ବଜାୟ ରଖିବା, ଗରମ ପାଣିରେ ରାସେଜ୍ ସଫା କରିବା ଏବଂ ତରଳ ପଦାର୍ଥ ସେବନ କରିବାକୁ କୁହାଯାଇଛି। ଏଥି ସହିତ ଟମାଟୋ ଫ୍ଲୁ ହେଲେ ଅତି କମ୍ରେ ୭ରୁ ୧୦ ଦିନ ପର୍ଯ୍ୟନ୍ତ ଘରେ ରହିବାକୁ ପରାମର୍ଶ ଦିଆଯାଇଛି। ଏହି ସମୟ ସୁଦ୍ଧା ଟମାଟୋ ଫ୍ଲୁ ଆପେ ଭଲ ହେବାକୁ ଲାଗିବ।
ତେବେ ସତର୍କତା ପାଇଁ ଯଦି ଅନ୍ୟ କୌଣସି ପିଲାକୁ ଜ୍ୱର କିମ୍ବା କୌଣସି ପ୍ରକାର ସଂକ୍ରମଣ ଅଛି, ତା’ ହେଲେ ତାଙ୍କଠାରୁ ଦୂରତା ବଜାୟ ରଖିବାକୁ ନିଜ ପିଲାମାନଙ୍କୁ ବୁଝାନ୍ତୁ। ଖାସ୍ କରି ତାଙ୍କୁ ଆଲିଙ୍ଗନ ନ କରିବାକୁ ପରାମର୍ଶ ଦିଅନ୍ତୁ। ଏହା ବ୍ୟତୀତ ରୁମାଲ ଧରି ସ୍କୁଲ ଯିବା, କୌଣସି ବି ଜିନିଷକୁ ପାଟିରେ ନ ପୂରାଇବା ଏବଂ ସଫାସୁତରା ପ୍ରତି ଧ୍ୟାନ ଦେବାକୁ ପିଲାମାନଙ୍କୁ କୁହନ୍ତୁ।
ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପର ସଂଯୋଜକ ଅରବିନ୍ଦ କେଜ୍ରିଓ୍ଵାଲ ତିହାର ଜେଲରେ ସରେଣ୍ଡର କରିଛନ୍ତି । ସୁପ୍ରିମ କୋର୍ଟ ତାଙ୍କୁ…
ଆଳି : କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ଠାକୁରପାଟଣା ଗାଁରେ ନିର୍ବାଚନୀ ପରବର୍ତ୍ତୀ ହିଂସା । ଦୁଇ ପରିବାର…
ନୂଆଗଡ : ଯୁବକ ଜଣକ ନୂଆଗଡ ଗାଁର କୈଳାଶ ସୁବୁଦ୍ଧିଙ୍କ ପୁଅ ନାରାୟଣ ସୁବୁଦ୍ଧି ବୋଲି ଜଣାପଡିଛି । ମୃତ୍ୟୁର…
ଭାରତୀୟ ଟିମ୍ର ଖେଳାଳି ତଥା କୋଲକାତା ନାଇଟ୍ ରାଇଡର୍ସ(KKR)ର ଷ୍ଟାର୍ ଅଲରାଉଣ୍ଡର ଭେଙ୍କଟେଶ ଆୟର ବିବାହ ବନ୍ଧନରେ ବାନ୍ଧି ହୋଇଛନ୍ତି…
ଗ୍ରୀଷ୍ମ ଋତୁ ଆସିବା ସହିତ ଇଲେକ୍ଟ୍ରୋନିକ୍ ଡିଭାଇସରେ ଅଗ୍ନି ଏବଂ ବିସ୍ଫୋରଣ ଘଟଣା ମଧ୍ୟ ବଢ଼ିବାରେ ଲାଗିଛି । ଶୀତ…
ଭୁବନେଶ୍ୱର : ଅମାନିଆଙ୍କୁ କମିସନରେଟ ପୋଲିସର ଆକ୍ସନ । ଗାଡ଼ି ଚଲାଇବା ସମୟରେ ମୋବାଇଲରେ କଥା ହେଉଥିବା ବେଳେ ଗାଡ଼ି…