ବାପରେ ଏ ମହିଳାଙ୍କ ସାହସକୁ ତ ଦେଖନ୍ତୁ । କେମିତି ଅନ୍ୟ ୩ ଜଣ ମହିଳାଙ୍କୁ ମାରୁଛନ୍ତି ବିଧା, ଗୋଇଠା, ଚାପୁଡା । କଥା ଶୁଣିବାକୁ ହିଁ ନାରାଜ୍ ବାସ୍ ଦେଖାଇଚାଲିଛନ୍ତି ନିଜର ଗୁଣ୍ଡାରାଜ୍ ଦବଙ୍ଗଗିରି । ନମ୍ରତା ହେଉଛି ଏକ ନାରୀର ପରିଚୟ । ଜଣେ ନାରୀ ଆଉ ଜଣେ ନାରୀକୁ ସମ୍ମାନ ଓ ସହଯୋଗ କରିବା ହେଉଛି ନାରୀ ସମାଜର ଏକ ବଡ଼ ଦାଇତ୍ୱ । ଯେତେବେଳେ ଜଣେ ନାରୀକୁ ପୁରୁଷ ସମାଜ ଖରାପ ଦୃଷ୍ଟିରେ ଦେଖିଥାଏ ସେତେବେଳେ ଜଣେ ନାରୀ ହିଁ ଆଉ ଜଣେ ନାରୀର ଅଧିକ ସହାୟତା ନେଇଥାଏ । ଏମିତିରେ ଅନେକ କିଛି କଥା ଥାଏ ଯାହା କେବଳ ଗୋଟିଏ ନାରୀ ଅନ୍ୟ ଏକ ନାରୀକୁ ହିଁ କହିପାରେ । ହେଲେ ଯଦି ଗୋଟେ ନାରୀ ଅନ୍ୟ ନାରୀକୁ ସମ୍ମାନ ଦେବା ବଦଳରେ ତାକୁ ଆକ୍ରମଣ କରେ ସେତେବେଳେ ନାରୀଟିଏ ସମ୍ପୁର୍ଣ୍ଣ ନିରାଶ୍ରୟୀ ପାଲଟିଯାଏ । ତେବେ ଏଭଳି ଏକ ଅଭାବନୀୟ ଘଟଣା ଦେଖା ଦେଇଛି ଯାହାକୁ ନେଇ ସମ୍ପୂର୍ଣ୍ଣ ନାରୀ ସମାଜର ମୁଣ୍ଡ ତଳକୁ ନଇଁ ଯିବ ।
ଭାଇରାଲ ହେଉଛି ଏହି ଚିତ୍ର । ଯେଉଁଥିରେ ଦେଖିବାକୁ ମିଳୁଛି ଜଣେ ଯୁବତୀଙ୍କ ଦବଙ୍ଗଗିରି । ଜଣେ ମହିଳା ହୋଇ କେମିତି ଆଉ ୩ ଜଣ ମହିଳାଙ୍କ ସହ କରୁଛନ୍ତି ଖରାପ ବ୍ୟବହାର ଆପଣ ଦେଖିପାରୁଥିବେ । ସୋସିଆଲ ମିଡିଆରେ ଭାଇରାଲ ହୋଇଥିବା ଏକ ଭିଡିଓରେ ଜଣେ ମହିଳା ଅନ୍ୟ ତିନିଜଣ ମହିଳାଙ୍କ ସହ ବାଦବିବାଦରେ ଲିପ୍ତ ଥିବା ଦେଖାଯାଇଛି । ଆଉ ସେହି ମହିଳା ଜଣଙ୍କ ଉକ୍ତ ତିନିଜଣ ମହିଳାଙ୍କୁ ବିଚ୍ ରାସ୍ତା ଉପରେ ନିର୍ମମ ଭାବେ ମାଡ଼ ମାରିବାରେ ଲାଗିଛନ୍ତି । ବିଧା, ଗୋଇଠା ସାଙ୍ଗକୁ ତାଙ୍କୁ ମୁଥା ପରେ ମୁଥା ମାରି ଚାଲିଛନ୍ତି । କେହି ତାଙ୍କୁ ଆସି ଅଟକାଇବାକୁ ଚେଷ୍ଟା କରୁଥିଲେ ବି ସେ ନ ଅଟକି ଆହୁରି ସେହି ମହିଳା ମାନଙ୍କୁ ମାଡ଼ ମାରିବାରେ ଲାଗିଛନ୍ତି । ତାଙ୍କୁ ଟଣା ଓଟରା କରିବା ସହ ତାଙ୍କ ଡ୍ରେସକୁ ଝିଙ୍କି ପକାଉଥା’ନ୍ତି । ଏହି ସମୟରେ ଜଣେ ମହିଳା ଆକ୍ରମଣରୁ ବର୍ତ୍ତିବା ପାଇଁ ତାଙ୍କୁ ପାଲଟା ଆକ୍ରମଣ ମଧ୍ୟ କରୁଥିବା ଦେଖିବାକୁ ମିଳୁଛି ।
ତେବେ ଯାହା ସୂଚନା ରହିଛି ଏହି ଭିଡିଓଟି ଚଣ୍ଡିଗଡ଼ ସେକ୍ଟର -୩୪ ଅଞ୍ଚଳରୁ ସାମ୍ନାକୁ ଆସିଛି । ମାଡ଼ ମାରୁଥିବା ମହିଳା ଜଣକ ହେଉଛନ୍ତି ଜଣେ କ୍ୟାବ ଡ୍ରାଇଭର । ଯେତେବେଳେ ଏହି ମହିଳା ଜଣକ ଗାଡି ଚଳାଉଥିଲେ ଏବଂ ରାସ୍ତାର ଭୁଲ ପାର୍ଶ୍ୱରେ ଥିଲେ । ସେତିକିବେଳେ ଏହି ବିବାଦ ଆରମ୍ଭ ହୋଇଥିଲା । ସେ ସେହି ଗାଡ଼ିରେ ଥିବା ଅନ୍ୟ ଏକ କାରକୁ ଧକ୍କା ଦେବା ପଥରେ ଥିଲେ । ଅନ୍ୟ କାରର ବସିଥିବା ଲୋକମାନେ ବାହାରକୁ ଯାଇ ବିରୋଧ କରିବା ସହ ତାଙ୍କୁ ରାସ୍ତାର ଭୁଲ ପାର୍ଶ୍ୱରେ ଗାଡି ଚଳାଇବାକୁ ବାରଣ କରିଥିଲେ । ବାସ୍ ଏହି କଥାରୁ ଆରମ୍ଭ ହୋଇଗଲା ଗଣ୍ଡଗୋଳ ।
ନିଜ ଭୁଲ ମାନିବା ବଦଳରେ ଓଲଟା ଆରମ୍ଭ କଲେ ପାଟିତୁଣ୍ଡ, ମାଡପିଟ୍ ଓ ଗଣ୍ଡଗୋଳ । ଦୀର୍ଘ ସମୟ ଏହି ଗଣ୍ଡଗୋଳ ଜାରି ରହିଥିବାରୁ ସେକ୍ଟର -୩୪ ରେ ଟ୍ରାଫିକ ଜାମ୍ ହୋଇଥିଲା । ସେଠାରେ ଉପସ୍ଥିତ ଥିବା ଲୋକମାନେ ଏ ନେଇ ପୋଲିସକୁ ସୂଚନା ଦେଇଥିଲେ । ଏହା ପରେ ପରିସ୍ଥିତିକୁ ଶାନ୍ତ କରିବା ପାଇଁ ଘଟଣାସ୍ଥଳରେ ପୋଲିସ କର୍ମଚାରୀ ପହଞ୍ଚି ଥିଲେ । ଦାୟିତ୍ୱରେ ଥିବା ଷ୍ଟେସନ ଅଫିସରଙ୍କ କହିବା ଅନୁଯାୟୀ, ଉଭୟ ପକ୍ଷ ସନ୍ଧ୍ୟା ସୁଦ୍ଧା ବୁଝାବଣା କରି ଏକ ଚୁକ୍ତି କରିନେଇଥିଲେ । ଏବଂ ପରବର୍ତ୍ତୀ ମୁହୂର୍ତ୍ତରେ ଦେଖିବାକୁ ମିଳୁଛି ଯେ ଦବଙ୍ଗଗିରି ଦେଖାଉଥିବା ଯୁବତୀ ଜଣଙ୍କ ଉକ୍ତ ୩ ଜଣ ମହିଳାଙ୍କୁ ହାତ ଯୋଡି ଭୁଲ ମାଗୁଛନ୍ତି ।
ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ। ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…
ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…
ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…
ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…
ଉମରକୋଟ: ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ । ନବରଙ୍ଗପୁର ଜିଲ୍ଲା ଉମରକୋଟ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ଡାଙ୍ଗରୀଗୁଡାକୁ…