ଚୀନ୍ର ବୁହାନ ସହରରୁ ସୃଷ୍ଟ କରୋନା ଏବେ ସାରା ଦୁନିଆରେ ବ୍ୟାପିବାକୁ ଲାଗିଲାଣି। ଖୁବ ଦ୍ରୁତ ଗତିରେ ବ୍ୟାପୁଥିବା ଏହି ବିଷାଣୁ ଏବେ ଆମ ଦେଶରେ ମଧ୍ୟ ପ୍ରବେଶ କରିସାରିଲାଣି। ବର୍ତ୍ତମାନ ଭାରତର ୨୯ ଜଣଙ୍କ ଠାରେ କରୋନା ବିଷାଣୁ ଚିହ୍ନଟ ହୋଇଛି। ଏହି ସଂଖ୍ୟା ବଢ଼ିପାରେ ବୋଲି ଡାକ୍ତରମାନେ ମତ ଦେଇଛନ୍ତି। କରୋନା ପୀଡ଼ିତଙ୍କ ଜୀବନ ବଞ୍ଚାଇବା ପାଇଁ ଶତାଧିକ ଡାକ୍ତର ଓ ନର୍ସ ନିଜ ଜୀବନକୁ ବାଜିରେ ଲଗାଇ କାମରେ ଲାଗିପଡ଼ିଛନ୍ତି। ଚୀନ୍ର ବୁହାନରେ କରୋନା ଭାଇରସ୍ରୁ ଲୋକଙ୍କ ଜୀବନ ବଞ୍ଚାଇବା ପାଇଁ ଟିଆନ୍ ଫାଙ୍ଗଫାଙ୍ଗ ନାମ୍ନୀ ଜଣେ ନର୍ସ ନିଜ ଆଡ଼ୁ ଆଗକୁ ଆସିଥିଲେ।
ରିପୋର୍ଟ ମୁତାବକ ଟିଆନ୍ଙ୍କ ପିତା ମଧ୍ୟ ଜଣେ ମେଡିକାଲ କର୍ମଚାରୀ ଥିଲେ। ୨୦୦୩ ମସିହାରେ ସାର୍ସ ବେଳେ ସେ ଶତାଧିକ ଚୀନ୍ ବାସିନ୍ଦାଙ୍କୁ ସାହାଯ୍ୟ କରି ତାଙ୍କ ଜୀବନ ବଞ୍ଚାଇଥିଲେ। ପିତାଙ୍କ ପଦାନୁସରଣ କରି ଟିଆନ୍ ଏବେ କରୋନା ପୀଡ଼ିତଙ୍କ ଚିକିତ୍ସା କରିବାରେ ଲାଗିପଡ଼ିଛନ୍ତି। ତେବେ ଏହା ବଦଳରେ ସେ ସରକାରଙ୍କୁ ଏକ ଅଜବ ଜିନିଷ ମାଗିଛନ୍ତି। ଟିଆନ୍ କହିଛନ୍ତି ଯେ ମୁଁ ଏତେ ଲୋକଙ୍କ ଜୀବନ ବଞ୍ଚାଇଛି ଏହା ପ୍ରତି ବଦଳରେ ସରକାର କେବଳ ମତେ ଗୋଟିଏ ବୟଫ୍ରେଣ୍ଡ ଦିଅନ୍ତୁ। ଚୀନ୍ର ଲୋକପ୍ରିୟ ସୋସିଆଲ ମିଡିଆ ସାଇଟ୍ Weiboରେ ସେ ଏହା କହିଛନ୍ତି।
ଟିଆନ୍ ଲେଖିଛନ୍ତି ଯେ ମୁଁ ଆଶା କରୁଛି କରୋନା ଭାଇରସ୍ ସମାପ୍ତ ହେବା ପରେ ସରକାର ମତେ ଏକ ବୟଫ୍ରେଣ୍ଡ ଦେବେ। ସେ ଆହୁରି ମଧ୍ୟ ଲେଖିଛନ୍ତି ଯେ ମୁଁ ଅଧିକାଂଶ ନର୍ସଙ୍କ ଡ୍ରେସ ପଛପଟେ ‘ମତେ ବୟଫ୍ରେଣ୍ଡ ଦରକାର’ ବୋଲି ଲେଖାଥିବା ଦେଖିଛି। ଏଣୁ ଏହି ମେସେଜ୍ ସେ ସକାରାତ୍ମକ ମନୋଭାବରେ ଲେଖିଛନ୍ତି ଫଳରେ ଲୋକମାନେ ଏକ ସୁନ୍ଦର ଭବିଷ୍ୟତ ଆଶା କରିପାରିବେ।
ଏହି ପୋଷ୍ଟ ପରେ ସେ ଆଉ ଏକ ପୋଷ୍ଟରେ ଲେଖିଛନ୍ତି ଯେ ସତରେ ମୁଁ ବୟଫ୍ରେଣ୍ଡ ଖୋଜୁଛି କିନ୍ତୁ ଏବେ ମୋର ସମ୍ପୂର୍ଣ୍ଣ ଧ୍ୟାନ କାମ ଉପରେ ଅଛି। ମୋ ଉଦ୍ଦେଶ୍ୟ ଏବେ ଲୋକଙ୍କ ସାହାଯ୍ୟ କରିବା ଓ ଏହି କଠିନ ପରିସ୍ଥିତିକୁ ସାମ୍ନା କରିବା।
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…