photo: FAO
ନିକଟରେ ଚୀନ ସରକାର ନିଜ ଦେଶବାସୀଙ୍କୁ ଏକ ଅପିଲ କରଛନ୍ତି। ସରକାର ଅପିଲ କରି କହିଛନ୍ତି କି, ସମୟ ପୂର୍ବରୁ ତୁରନ୍ତ ଖାଦ୍ୟ ସାମଗ୍ରୀ ଏବଂ ଦୈନନ୍ଦିନ ବ୍ୟବହୃତ ଜିନିଷଗୁଡ଼ିକୁ ଘରେ ଗଚ୍ଛିତ କରି ରଖି ଦିଅନ୍ତୁ। ମୁଖ୍ୟତଃ ଶୀତଦିନେ ଏ ସବୁ ଜିନିଷର ଅଭାବ ଏବଂ ଦରଦାମ୍ ବୃଦ୍ଧିରୁ ବଞ୍ଚିବା ପାଇଁ ସରକାର ଦେଶର ଜନତାଙ୍କୁ ଏମିତି କରିବାକୁ କହିଛନ୍ତି। ବିଗତ କିଛିଦିନ ଧରି ଚୀନରେ ପ୍ରବଳ ବର୍ଷା ଏବଂ ତୋଫାନ ଯୋଗୁ ଚାରିଆଡ଼େ ଛାରଖାର ଅବସ୍ଥା ସୃଷ୍ଟି ହୋଇଥିଲା, ଯେଉଁ କାରଣରୁ ହଜାର ହଜାର ହେକ୍ଟର ଚାଷଜମି ବର୍ବାଦ ହୋଇଯାଇଥିଲା। ଆଗାମୀ ଦିନମାନଙ୍କରେ ଯେପରି ଲୋକଙ୍କୁ କୌଣସି ସମସ୍ୟା ନ ହେବ, ସେଥିପାଇଁ ସରକାର ଏବେଠାରୁ ସାବଧାନତା ଅବଲମ୍ବନ କରୁଛନ୍ତି।
ଏ ସମ୍ବନ୍ଧରେ ଦେଶର ବାଣିଜ୍ୟ ମନ୍ତ୍ରାଳୟ ଗତକାଲି ବିଳମ୍ବିତ ରାତିରେ ଏକ ବିବୃତ୍ତି ଜାରି କରିଛି। ଏଥିରେ ମନ୍ତ୍ରାଳୟ ସାମଗ୍ରୀର ସ୍ଥିର ମୂଲ୍ୟ ସୁନିଶ୍ଚିତ କରିବା ଏବଂ ଯୋଗାଣକୁ ନେଇ କୌଣସି ବି ସମସ୍ୟା ସମ୍ପର୍କରେ ତୁରନ୍ତ ଜଣାଇବାକୁ ଅନୁରୋଧ କରିଛି। ଚୀନର ସବୁଠାରୁ ଗୁରୁତ୍ୱପୂର୍ଣ୍ଣ ଚନ୍ଦ୍ର ନବବର୍ଷ (ଆସନ୍ତା ବର୍ଷ ଫେବୃଆରୀ) ପୂର୍ବରୁ ସତେଜ ପନିପରିବା ଓ ଘୁଷୁରୀ ମାଂସ ଯୋଗାଣକୁ ପ୍ରୋତ୍ସାହନ ଦେବା ପାଇଁ ସରକାର ସାଧାରଣତଃ ଅତିରିକ୍ତ ପ୍ରୟାସ କରି ଥାଆନ୍ତି। କିନ୍ତୁ ଚଳିତ ବର୍ଷ ଚୀନରେ ପ୍ରବଳ ବର୍ଷା ଓ ତୋଫାନ ଅନେକ କ୍ଷୟକ୍ଷତି ଘଟାଇଛି, ଯେଉଁ କାରଣରୁ ଲୋକଙ୍କୁ ଆଗାମୀ ଦିନରେ ଏହାକୁ ସହିବାକୁ ହିଁ ପଡ଼ିବ। ସରକାର ଏଭଳି ସ୍ଥିତିକୁ ଏଡ଼ାଇବା ପାଇଁ ଯେତେ ସମ୍ଭବ ସାବଧାନତା ଅବଲମ୍ବନ କରିବାରେ ଲାଗି ପଡ଼ିଛନ୍ତି। ଏତଦ୍ ବ୍ୟତୀତ ଦେଶର ଅନେକ ଅଞ୍ଚଳରେ କରୋନା ଭାଇରସ୍ ସଂକ୍ରମଣ ମାମଲା ମଧ୍ୟ ଦ୍ରୁତ ଗତିରେ ବଢ଼ିବାରେ ଲାଗିଛି, ଯେଉଁ କାରଣରୁ ସେହି ସବୁ ଅଞ୍ଚଳରେ ବର୍ତ୍ତମାନ ଲକ୍ଡାଉନ ଲଗାଯାଇଛି। ଏହି କାରଣରୁ ଖାଦ୍ୟ ଯୋଗାଣ ଯଥେଷ୍ଟ ପ୍ରଭାବିତ ହେବାର ଆଶଙ୍କା ରହିଛି।
ଗତ ସପ୍ତାହରେ କାକୁଡ଼ି, ପାଳଙ୍ଗ, ବ୍ରୋକଲିର ଦାମ୍ ଅକ୍ଟୋବର ପ୍ରଥମ ସପ୍ତାହ ତୁଳନାରେ ଦୁଇ ଗୁଣାରୁ ଅଧିକ ହୋଇ ଯାଇଥିଲା। ଶାନଡୋଙ୍ଗ୍ର ଏକ ପ୍ରମୁଖ ବାଣିଜ୍ୟିକ କେନ୍ଦ୍ର ଶୌଗୁଆଙ୍ଗ୍ରେ ଗୋଟିଏ ପରିବାର ମୂଲ୍ୟ ସୂଚକାଙ୍କ ଅନୁସାରେ, ଘୁଷୁରୀ ମାଂସ ତୁଳନାରେ ପାଳଙ୍ଗ ପ୍ରତି କିଲୋଗ୍ରାମ ପିଛା ୧୬.୬୭ ୟୁଆନ ($ 2.60) ଅଧିକ ମହଙ୍ଗା ଥିଲା। ଯଦିଓ ନିକଟ ଅତୀତରେ ଏହାର ମୂଲ୍ୟ ହ୍ରାସ ପାଇଛି। ମହାମାରୀ ଯୋଗୁ ବେଜିଙ୍ଗ୍ରେ ଖାଦ୍ୟ ସୁରକ୍ଷା ଉପରେ ଅଧିକ ଧ୍ୟାନ କୈନ୍ଦ୍ରିତ କରାଯାଉଛି। ବର୍ତ୍ତମାନ ସରକାର ଏକ ଖାଦ୍ୟ ସୁରକ୍ଷା ଆଇନର ଖସଡ଼ା ପ୍ରସ୍ତୁତ କରୁଛନ୍ତି। ଏଥି ସହିତ ଖାଦ୍ୟ ଆବର୍ଜନା ସମସ୍ୟାକୁ ରୋକିବା ପାଇଁ ମଧ୍ୟ ନୂଆ ଉଦ୍ୟମର ରୂପରେଖ ପ୍ରସ୍ତୁତ କରିଛନ୍ତି।
ନୂଆପଡା(କେନ୍ୟୁଜ): ସାଧାରଣତଃ ନିର୍ବାଚନରେ ବିଜୟୀ ହେବା ପରେ ପ୍ରାୟତଃ ଜନପ୍ରତିନିଧିମାନେ ପ୍ରଚୁର ଅର୍ଥ ଉପାର୍ଜନ କରି ଗାଡି ଓ ବଙ୍ଗଳା…
ନରସିଂହପୁର: ବିପଦରେ ଗଜରାଜ । ତାଙ୍କୁ ଦେଖିବା ପାଇଁ ଲୋକଙ୍କର ନାହିଁ ନଥିବା ଭିଡ଼ । କିଏ ହୋ ହୋ…
ମୟୁରଭଞ୍ଜ : ଜମି ଜମା ବିବାଦକୁ ନେଇ କରୁଣ ପରିଣିତି । ସାନ ଭାଇକୁ ଖଣ୍ଡାରେ ହାଣିଲା ବଡ଼ ଭାଇ…
ବିହାରରେ ବଡ଼ ଧରଣର ନୌକା ଦୁର୍ଘଟଣା । ପାଟନାର ବାଢ଼ରେ ଉମାନାଥ ଘାଟରେ ଏକ ଯାତ୍ରୀବାହୀ ଡଙ୍ଗା ଗଙ୍ଗା ନଦୀରେ…
କାମାକ୍ଷାନଗର : ହାତୀ ଆକ୍ରମଣରେ ମହିଳା ଗୁରୁତର । ଗୁରୁତର ମହିଳା ହେଲେ କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ମୁକ୍ତାପଶି ଗ୍ରାମର…
ବୌଦ୍ଧ ହରଭଙ୍ଗା : ବୌଦ୍ଧ ଅବକାରୀ ବିଭାଗର ଜିଲ୍ଲା ମୋବାଇଲ୍ ୟୁନିଟ୍ ପକ୍ଷରୁ ମହାନଦୀ ୫୭ ନମ୍ବର ଜାତୀୟ ରାଜପଥର…