photo: janta se rishta
ଜିମ୍ରେ ଓ୍ଵାର୍କ ଆଉଟ୍ ବେଳେ ମୃତ୍ୟୁ ମାମଲା ଦିନକୁ ଦିନ ବଢ଼ି ଚାଲିଛି। ଏବେ ହାଇଦ୍ରାବାଦରୁ ସମାନ ଏକ ମାମଲା ସାମ୍ନାକୁ ଆସିଛି। ଏଠାକାର ଆସିଫ୍ ନଗର ଥାନାରେ ମୁତୟନ ଜଣେ ପୋଲିସ କନେଷ୍ଟବଳଙ୍କର ଜିମ୍ରେ ଏକ୍ସରସାଇଜ୍ ସମୟରେ ମୃତ୍ୟୁ ଘଟିଛି।
ସୂଚନା ମୁତାବକ, ବିଶାଳ ନାମକ ଏହି ୨୪ ବର୍ଷୀୟ କନେଷ୍ଟବଳ ଜିମ୍ରେ ଏକ୍ସରସାଇଜ୍ କରୁଥିଲେ। ଏହି ସମୟରେ ହଠାତ୍ ସେ ତଳେ ପଡ଼ି ଯାଇଥିଲେ ଏବଂ କିଛି ସମୟ ପରେ ତାଙ୍କର ମୃତ୍ୟୁ ଘଟିଥିଲା। ଏହି ଘଟଣା ଗୁରୁବାର ସନ୍ଧ୍ୟାର। କୁହାଯାଉଛି କି, ବିଶାଳଙ୍କୁ କାର୍ଡିୟାକ୍ ଅରେଷ୍ଟ୍ ଆସିଥିଲା। ଜିମ୍ରେ ଲାଗିଥିବା ସିସିଟିଭି କ୍ୟାମେରାରେ ଏହି ପୂରା ଘଟଣା କଏଦ ହୋଇଛି।
କନଷ୍ଟେବଳ ବିଶାଳ ବର୍ଷ ୨୦୨୦ ବ୍ୟାଚ୍ରେ ସିପାହୀ ପଦ ପ୍ରାପ୍ତ କରିଥିଲେ ଏବଂ ସେ ଆସିଫ୍ ନଗର ଥାନାରେ କାର୍ଯ୍ୟରତ ଥିଲେ। ବିଶାଳ ବୋଇନପଲ୍ଲୀରେ ରହୁଥିଲେ। ପ୍ରତିଦିନ ସକାଳେ ସେ ଜିମ୍ ଯାଆନ୍ତି ଏବଂ ସେଠାରେ ଓ୍ଵାର୍କ ଆଉଟ୍ କରନ୍ତି। କିନ୍ତୁ ଗୁରୁବାର ସନ୍ଧ୍ୟାରେ ଓ୍ଵାର୍କ ଆଉଟ୍ ସମୟରେ ହଠାତ୍ ସେ ତଳେ ପଡ଼ିଯାଇଥିଲେ।
ତାଙ୍କର ଜିମ୍ ବନ୍ଧୁମାନେ ତାଙ୍କୁ ତୁରନ୍ତ ନିକଟସ୍ଥ ହସ୍ପିଟାଲ ନେଇଯାଇଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
କହି ରଖୁଛୁ, ଏହା ପୂର୍ବରୁ ମଧ୍ୟ ଉତ୍ତର ପ୍ରଦେଶ ରାଜଧାନୀ ଲକ୍ଷ୍ନୌରେ ଜିମ୍ରେ ଓ୍ଵାର୍କ ଆଉଟ୍ କରିବା ସମୟରେ ଜଣେ ଡାକ୍ତରଙ୍କର ସ୍ୱାସ୍ଥ୍ୟାବସ୍ଥା ବିଗିଡ଼ି ଯାଇଥିଲା, ଯାହା ପରେ ତାଙ୍କର ମୃତ୍ୟୁ ଘଟିଥିଲା। ହାର୍ଟ ଆଟାକ୍ରେ ତାଙ୍କର ମୃତ୍ୟୁ ଘଟିଥିବା ଡାକ୍ତର ମାନେ ଜଣାଇଥିଲେ।
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…
ପୁରୀ: ଆଜି ଅନୁଷ୍ଠିତ ହେବ ରଥଯାତ୍ରାର ଦ୍ୱିତୀୟ ସମନ୍ୱୟ ବୈଠକ । ପୁରୀ ପୌରସଦନ ଠାରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ…
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…
ବାଲେଶ୍ଵର: ହଟିଲା ଦିନ କର୍ଫ୍ୟୁ, ରାତି କର୍ଫ୍ୟୁ ବଳବତ୍ତର । ବାଲେଶ୍ଵରରେ ଆଜିଠୁ ରାତ୍ରିକାଳୀନ କର୍ଫ୍ୟୁ । ରାତି ୯ଟାରୁ…
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…