କରୋନାଭାଇରସ୍ ଏବଂ ଲକ୍ଡାଉନ୍ ହେତୁ ଦେଶରେ ଅନେକ ବିବାହ ସ୍ଥଗିତ ରଖାଯାଇଥିଲା ଏବଂ ବିବାହ ହେଉଥିଲେ ମଧ୍ୟ ବହୁ କଷ୍ଟରେ କାରଣ ଆପଣ ସରକାରୀ ପାସ୍ ବିନା ବିବାହ କରିପାରିବେ ନାହିଁ । ଏହା ବ୍ୟତୀତ ବିବାହ ବାହାଘରରରେ ସାମିଲ ଲୋକ ସଂଖ୍ୟା ଉପରେ ମଧ୍ୟ ପ୍ରତିବନ୍ଧକ ରହିଛି । ଏହିସବୁ ସମସ୍ୟା ବ୍ୟତୀତ ଅନ୍ୟାନ୍ୟ ସମସ୍ୟା ମଧ୍ୟ ରହିଛି ତେଣୁ ଆଜିକାଲି ଲୋକମାନେ ବିବାହ ସ୍ଥଗିତ ରଖିବାକୁ ହିଁ ଠିକ ବୋଲି ଭାବୁଛନ୍ତି କିନ୍ତୁ ଦେଶରେ ଏପରି ଅନେକ ଲୋକ ଅଛନ୍ତି ଯେଉଁମାନେ ଏହାର ଯୁଗାଡ଼ ଖୋଜି ଦେଉଛନ୍ତି । ଏପରି ଏକ ଅନନ୍ୟ ବିବାହ ହୋଇଛି ତାମିଲନାଡୁ-କେରଳ ସୀମାରେ । ଏହି ବିବାହ ରାଜ୍ୟର ବର୍ଡ଼ରରେ ଏଥିପାଇଁ ହୋଇଥିଲା କାରଣ ବର ଓ କନ୍ୟା ପରିବାର ଲୋକେ ପାସ୍ ଏବଂ କ୍ୱାରେଣ୍ଟାଇନର ଝିନଝଟରେ ପଡ଼ିବାକୁ ଚାହୁଁନଥିଲେ ।
କନ୍ୟା ପ୍ରିୟଙ୍କା କେରଳର ହୋଇଥିବାବେଳେ ବର ତାମିଲନାଡୁରେ ରୁହନ୍ତି । ଏହି ଦୁଇଜଣଙ୍କ ବିବାହ ଚଳିତ ବର୍ଷ 22 ମାର୍ଚ୍ଚରେ ହେବାର ଥିଲା କିନ୍ତୁ ଲକଡାଉନ କାରଣରୁ ସେମାନଙ୍କର ସବୁ ପ୍ଲାନ ବିଫଳ ହୋଇଥିଲା । ଲକଡାଉନରେ କୋହଳ ହେବା ପରେ ବିବାହ ପାଇଁ ପୁଣି ଥରେ ଶୁଭ ମୁହୂର୍ତ୍ତ ବାହାର କରାଯାଇଥିଲା କିନ୍ତୁ ବରଯାତ୍ରୀ ମାନଙ୍କୁ ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ନେବା ସହଜ ନଥିଲା । ଏଭଳି ପରିସ୍ଥିତିରେ କେରଳ-ତାମିଲନାଡୁ ସୀମାରେ ଥିବା ଇଡୁକି ଜିଲ୍ଲାର ଚିନ୍ନର ଅଭୟାରଣ୍ୟ ନିକଟରେ ଏହି ବିବାହ ଅନୁଷ୍ଠିତ ହୋଇଥିଲା । ଏଥିପାଇଁ ସ୍ୱତନ୍ତ୍ର ଅନୁମତି ନିଆଯାଇଥିଲା । ତେବେ ଯଦି ସେ ବିବାହରେ ବରଯାତ୍ରୀ ନେଇଥାନ୍ତେ ତାହେଲେ ଘରକୁ ଫେରିବା ପରେ ତାଙ୍କୁ ଦୁଇ ସପ୍ତାହ ପର୍ଯ୍ୟନ୍ତ କ୍ୱାରେଣ୍ଟାଇନରେ ରହିବାକୁ ପଡିଥାନ୍ତା ।
ବର ପକ୍ଷରୁ ଏହି ବିବାହରେ 12 ଜଣ ଲୋକ ଯୋଗ ଦେଇଥିବାବେଳେ କନ୍ୟା ପକ୍ଷରୁ 25 ଜଣ ଲୋକ ଥିଲେ । ବିବାହ ସମୟରେ ସାମାଜିକ ଦୂରତାକୁ ଗୁରୁତ୍ତ୍ୱ ଦିଆଯାଇଥିଲା । ସ୍ୱାସ୍ଥ୍ୟ ଇନ୍ସପେକ୍ଟର ଅବଦୁଲ ମାଜିଦଙ୍କ କହିବା ଅନୁଯାୟୀ ଯଦି ଦୁଇ ପକ୍ଷର ଲୋକ ବିବାହ ମଣ୍ଡପ ନିକଟରେ ପହଂଚିଥାନ୍ତେ ତାହେଲେ ସମସ୍ତଙ୍କୁ କ୍ୱାରେଣ୍ଟାଇନରେ ରହିବାକୁ ପଡିଥାନ୍ତା । ତେଣୁ ଉଭୟ ପାର୍ଶ୍ଵର ଲୋକ ନିଜ ନିଜ ରାଜ୍ୟର ବର୍ଡ଼ର ନିକଟରେ ରହି ବିବାହ ଦେଖୁଥିଲେ ଏବଂ ଏହି ବିବାହ ବହୁତ ସ୍ୱତନ୍ତ୍ର ଥିଲା ।
ବିବାହ ଉତ୍ସବ ସକାଳ 8.30 ରୁ ଆରମ୍ଭ ହୋଇ ଅଧ ଘଣ୍ଟା ମଧ୍ୟରେ ଶେଷ ହୋଇଥିଲା । ସ୍ଥାନୀୟ ସ୍ୱାସ୍ଥ୍ୟ ନିରୀକ୍ଷକଙ୍କ ତତ୍ତ୍ୱାବଧାନରେ ଏହି ଦମ୍ପତିଙ୍କ ବିବାହ ସମାରୋହ ଶେଷ ହୋଇଥିଲା । ବିବାହ ପରେ ପ୍ରିୟଙ୍କାଙ୍କୁ ତାଙ୍କ ଶ୍ବଶୁର ଘର ଯିବାକୁ ପାସ୍ ଦିଆଯାଇଥିଲା । ପୂର୍ବତନ ବିଧାୟକ ଏ.କେ ମଣି ଏହି ବିବାହକୁ ବର୍ଡ଼ରରେ କରିବାରେ ସାହାଯ୍ୟ କରିଥିଲେ । ସେ କହିଛନ୍ତି ଯେ ଉଭୟ ରାଜ୍ୟରୁ ଅନୁମତି ପାଇବା ପରେ ସେମାନେ ସୀମାରେ ବିବାହ କରିଥିଲେ ।
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…
ସୁନ୍ଦରଗଡ଼ : ବଜ୍ରକାପ୍ତା ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଳିପୋଷ ରେଞ୍ଜର କୁଢେଇକଳା ବିଟର ବନଲତା ଗାଁରୁ ଉଦ୍ଧାର କରାଯାଇଛି…
ଲୋକସଭାରେ ବିରୋଧୀ ନେତା ହେବେ ରାହୁଲ ଗାନ୍ଧି । ଇଣ୍ଡିଆ ବ୍ଲକ୍ ଏହା ଉପରେ ମୋହର ମାରିଛି । କଂଗ୍ରେସର…
ପୁଣି ଲୋକସଭାର ବାଚସ୍ପତି ଭାବେ ନିର୍ବାଚିତ ହେଲେ ଓମ୍ ବିର୍ଲା । ବାଚ୍ନିକ ଭୋଟରେ ନିର୍ବାଚିତ ହେଲେ ଓମ୍ ବିର୍ଲା…