କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ (ସିପିଆଇ)ର ନ୍ୟାସନାଲ ସେକ୍ରେଟାରୀ ଅତୁଲ କୁମାର ଅଞ୍ଜନଙ୍କ ଶୁକ୍ରବାର ସକାଳେ ଲକ୍ଷ୍ନୌରେ ଦେହାନ୍ତ ହୋଇଛି । ସେ ଦୀର୍ଘ ଦିନରୁ ଅସୁସ୍ଥ ଥିଲେ । ତାଙ୍କୁ ଗତ ଏକ ମାସ ଧରି ଲକ୍ଷ୍ନୌର ମେୟୋ ହସ୍ପିଟାଲରେ ଭର୍ତ୍ତି କରାଯାଇଥିଲା । ୧୯୭୭ ମସିହାରେ ଅତୁଲ କୁମାର ଲକ୍ଷ୍ନୌ ବିଶ୍ୱବିଦ୍ୟାଳୟ ଛାତ୍ର ସଂଘର ସଭାପତି ଭାବରେ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିଲେ । ତାଙ୍କୁ ବାମପନ୍ଥୀ ରାଜନୀତିର ଏକ ବଡ଼ ଚେହେରା ଭାବରେ ବିବେଚନା କରାଯାଉଥିଲା ।
ଅତୁଲ କୁମାର ମାତ୍ର ୨୦ ବର୍ଷ ବୟସରେ ନ୍ୟାସନାଲ କଲେଜ ଷ୍ଟୁଡେଣ୍ଟ ୟୁନିୟନର ଅଧ୍ୟକ୍ଷ ଭାବରେ ନିର୍ବାଚିତ ହୋଇଥିଲେ । ସେ ଲଗାତାର ଚାରିଥର ଲକ୍ଷ୍ନୌ ବିଶ୍ୱବିଦ୍ୟାଳୟ ଛାତ୍ର ସଂଘର ସଭାପତି ପଦ ନିର୍ବାଚନ ମଧ୍ୟ ଜିତିଥିଲେ । ଅତୁଲ କୁମାର ଜଣେ ପ୍ରଭାବଶାଳୀ ବ୍ୟକ୍ତି ଥିଲେ । ୬ରୁ ଊର୍ଦ୍ଧ୍ୱ ଭାଷା ବିଷୟରେ ତାଙ୍କର ଜ୍ଞାନ ଥିଲା । ନିଜ କଲେଜ ସମୟରୁ ହିଁ ସେ ବାମପନ୍ଥୀ ପାର୍ଟିରେ ଯୋଗ ଦେଇଥିଲେ ।
ଉତ୍ତର ପ୍ରଦେଶର ପ୍ରସିଦ୍ଧ ପୋଲିସ-PAC ବିଦ୍ରୋହର ପ୍ରମୁଖ ନେତାମାନଙ୍କ ମଧ୍ୟରୁ ଅତୁଲ କୁମାର ଜଣେ ଥିଲେ । ସେ ନିଜ ରାଜନୈତିକ ଯାତ୍ରା ସମୟରେ ଚାରି ବର୍ଷ ନଅ ମାସ ଜେଲରେ ବିତାଇଥିଲେ । ତାଙ୍କ ବାପା ଡ. ଏପି ସିଂ ଜଣେ ଅନୁଭବୀ ସ୍ୱାଧୀନତା ସଂଗ୍ରାମୀ ଥିଲେ, ଯିଏ ହିନ୍ଦୁସ୍ତାନ ସୋସିଆଲିଷ୍ଟ ରିପବ୍ଲିକାନ୍ ଆସୋସିଏସନ କାର୍ଯ୍ୟକଳାପରେ ଭାଗ ନେଇଥିଲେ । ଏଥିପାଇଁ ବ୍ରିଟିଶ ଜେଲରେ ସେ ଦୀର୍ଘ ଦିନର ଦଣ୍ଡ ଭୋଗିଥିଲେ ।
ରାଷ୍ଟ୍ରୀୟ ଲୋକ ଦଳର ରାଷ୍ଟ୍ରୀୟ ଅଧ୍ୟକ୍ଷ ଜୟନ୍ତ ସିଂ ସୋସିଆଲ ମିଡିଆ ପୋଷ୍ଟରେ କହିଛନ୍ତି ଯେ ‘ଅତୁଲ କୁମାର ଅଞ୍ଜନଙ୍କ ଦେହାନ୍ତରେ ମୁଁ ସ୍ତବ୍ଧ ହୋଇଯାଇଛି । ସେ ଜଣେ ସାହସୀ ଏବଂ ଉତ୍ସର୍ଗୀକୃତ ଲୋକ ସେବକ ଥିଲେ । ତାଙ୍କୁ ମୁଁ ହୃଦୟରୁ ଶ୍ରଦ୍ଧାଞ୍ଜଳି ଅର୍ପଣ କରୁଛି’ ।
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…