ଅଭିନନ୍ଦନଙ୍କ ପରି ରଖିବାକୁ ଚାହୁଁଥିଲେ ନିଶ, ହେଲେ ସେଲୁନ ବାଲା ପୁରା କରିଦେଲା ସଫା . . . ଥାନାରେ ପହଂଚିଲେ ଗ୍ରାହକ

ଅଭିନନ୍ଦନଙ୍କ ପରି ରଖିବାକୁ ଚାହୁଁଥିଲେ ନିଶ । ହେଲେ ସେଲୁନ ବାଲା ପୁରା କରିଦେଲା ସଫା । ଏହା ପରେ ଉକ୍ତ ସେଲୁନ ବାଲାଙ୍କ ବିରୋଧରେ ମାମଲା ରୁଜୁ କରିଛନ୍ତି ଗ୍ରାହକ ଜଣକ । ଘଟଣାଟି ଘଟିଛି ନାଗପୁରରେ ।

ସୂଚନା ଅନୁସାରେ, କିରନ ଠାକୁର ନାମକ ଜଣେ ବ୍ୟକ୍ତି ସ୍ଥାନୀୟ ଏକ ସେଲୁନକୁ ଯାଇ ଅଭିନନ୍ଦନଙ୍କ ପରି ନିଶ କାଟିବାକୁ କହିଥିଲେ । ହେଲେ ସେଲୁନ ବାଲା ପୁରା ନିଶ ଉଡାଇ ଦେଲେ । ଏପରିକି ଏହାକୁ ବିରୋଧ କରିବାରୁ ଓଲଟା ଧମକ ଦେବାକୁ ଲାଗିଥିଲେ । କିରଣଙ୍କ ଅଭିଯୋଗ ଯେ ସେଲୁନ ବାଲା ଜାଣିଶୁଣି ପୁରା ନିଶ କାଟିଦେଇଛି । ଅନ୍ୟପଟେ ସେଲୁନ ବାଲାର କହିବା ଅନୁଯାୟୀ ନିଶ ଭୁଲରେ କଟିଯାଇଛି ।

ଅନ୍ୟପଟେ କିଛି ଦିନ ତଳେ ଅଭିନନ୍ଦନଙ୍କ ନିଶକୁ ରାଷ୍ଟ୍ରୀୟ ନିଶ ଘୋଷଣା କରିବା ପାଇଁ ଦାବି କରିଥିଲେ କଂଗ୍ରେସ୍ ନେତା ଅଧୀର ରଞ୍ଜନ ଚୌଧୁରୀ । ଏହା ସହ କହିଥିଲେ, ବାଲାକୋଟରେ ବାୟୁସେନା ଯେଉଁ ଏୟାରଷ୍ଟ୍ରାଇକ୍ କରିଥିଲା ତାକୁ ସମର୍ଥନ କରୁଛି କଂଗ୍ରେସ୍ । ତେଣୁ ତାଙ୍କର ଦାବି ୱିଙ୍ଗ୍ କମାଣ୍ଡର ଅଭିନନ୍ଦନଙ୍କୁ ପୁରସ୍କୃତ କରାଯିବା ସହ ତାଙ୍କର ନିଶକୁ ରାଷ୍ଟ୍ରୀୟ ନିଶ ଘୋଷଣା କରାଯିବା ଉଚିତ୍ । ଏହା ଦ୍ବାରା ଦେଶର ଯୁବପିଢି ପ୍ରେରଣା ପାଇବେ । ତେବେ ଅଧୀର ରଞ୍ଜନଙ୍କ ଏହି ଦାବିରେ ଲୋକସଭାରେ ବାଜିଥିଲା ଜୋରଦାର ତାଳି ।