କରୋନା ଭାଇରସକୁ ଦୂର କରିବା ପାଇଁ ଗତ 28 ଦିନ ହେବ ଦେଶରେ ଲକଡାଉନ ଜାରି ରହିଛି। ଏହି ସମୟରେ ରାସ୍ତାରେ ଲୋକଙ୍କ ଗହଳିକୁ ଏଡ଼ାଇବା ପାଇଁ ପୋଲିସ କର୍ମୀମାନେ ଟାଣ ଖରାରେ ଛିଡ଼ାହୋଇ ନିଜ ଡ୍ୟୁଟି କରୁଛନ୍ତି। କେରଳରେ ଏମିତି କରୋନା ଯୋଦ୍ଧା ପୋଲିସ କର୍ମୀମାନଙ୍କୁ ସାହାଯ୍ୟ କରିବା ପାଇଁ ଜଣେ ବୃଦ୍ଧ ବ୍ୟକ୍ତି ଆଗେଇ ଆସିଛନ୍ତି। ବ୍ୟକ୍ତି ଜଣକ ପ୍ରତ୍ୟେକ ଦିନ ପୋଲିସମାନଙ୍କୁ ଖାଦ୍ୟ ଏବଂ ପାଣି ଯୋଗାଇ ଦେଉଛନ୍ତି।
କେରଳର ଅଲାପୁଝାର କଲାବୁରରେ ରହୁଥିବା ଗିରିଶ ନାମକ ଏହି ବ୍ୟକ୍ତି ଜଣେ ନଡ଼ିଆ ଗଛ ଚଢାଳି। ସେ କୁହନ୍ତି, ‘ମୁଁ ଅଧିକ ରୋଜଗାର କରୁନାହିଁ। କିନ୍ତୁ ଚେଷ୍ଟା କରୁଛି, ଯେପରି ଖରାରେ ଲୋକଙ୍କ ସେବା କରୁଥିବା କିଛି ପୋଲିସ କର୍ମୀଙ୍କୁ ସାହାଯ୍ୟ କରିବାକୁ। ନିଜ ରୋଜଗାରର ଏକ ଅଂଶ ପୋଲିସମାନଙ୍କ ପାଇଁ ଖର୍ଚ୍ଚ କରୁଛି, ଯିଏ ଆମର ସେବା କରୁଛନ୍ତି। ମୋର ଅଧିକ ରୋଜଗାର ନ ଥିବାରୁ ସେମାନଙ୍କୁ କେବଳ କଦଳୀ ଏବଂ ସୋଡ଼ାର ଗୋଟିଏ ବୋତଲ ଦେଉଛି’।
ତେବେ ଗିରିଶଙ୍କର ଏଭଳି ସେବା ମନୋବୃତ୍ତି ଦେଖି ଯେ କେହି ତାଙ୍କୁ ନେଇ ଗର୍ବ ଅନୁଭବ କରୁଛନ୍ତି। କଲାବୁରର ସବ ଇନ୍ସପେକ୍ଟର ଟଲସନ ଜୋସେଫ କହିଛନ୍ତି, ‘ମୁଁ ପ୍ରତିଦିନ ଏହି ବ୍ୟକ୍ତିଙ୍କୁ ତାଙ୍କ ଦୁଇଚାକିଆ ଯାନରେ ଯାତ୍ରା କରୁଥିବାର ଦେଖୁଛି। ଯେତେବେଳେ ମୁଁ ତାଙ୍କ ବିଷୟରେ ପଚରା ଉଚରା କରିଥିଲି, ପୋଲିସ କର୍ମୀମାନେ ମୋତେ କହିଥିଲେ କି, ଏହି ବ୍ୟକ୍ତି ପ୍ରତିଦିନ ସେମାନଙ୍କୁ ପାଣି ଓ ଜଳଖିଆ ଦେଉଛି। ଆମକୁ ଏଭଳି ଲୋକମାନଙ୍କ ଉପରେ ପୂରା ଗର୍ବ ଏବଂ ଆମେ ସମସ୍ତେ ଏହି ଲୋକମାନଙ୍କ ପାଇଁ ନିଜ ଡ୍ୟୁଟିକୁ ପୂରା ଦାୟିତ୍ୱର ସହ ସମ୍ପାଦନ କରୁଛୁ’।
ତେବେ ସୋସିଆଲ ମିଡିଆରେ ମଧ୍ୟ ଏହି ଖବରକୁ ନେଇ ଲୋକେ ଖୁବ ପ୍ରଶଂସା କରିଛନ୍ତି। ଜଣେ ୟୁଜର ଲେଖିଛନ୍ତି, ‘ଆପଣଙ୍କୁ ପ୍ରଶଂସା କରିବା ପାଇଁ ଆମ ପାଖରେ ଶବ୍ଦ ନାହିଁ’। ଏହାପୂର୍ବରୁ ଆନ୍ଧ୍ର ପ୍ରଦେଶରେ ଠିକ ସମାନ ଘଟଣା ଦେଖିବାକୁ ମିଳିଥିଲା। ଏଠାରେ ଜଣେ ମହିଳା ପ୍ରତ୍ୟେକ ଦିନ କୋଲଡ ଡ୍ରିଙ୍କସ ବୋତଲ ନେଇ ପହଞ୍ଚୁଥିଲେ ଏବଂ ଡ୍ୟୁଟିରେ ମୁତୟନ ଥିବା ପୋଲିସ କର୍ମୀଙ୍କୁ ଦେଉଥିଲେ। ସୋସିଆଲ ମିଡିଆରେ ଭାଇରଲ ହୋଇଥିବା ଏହି ମହିଳାଙ୍କ ବିଷୟରେ ଜଣାପଡିବା ପରେ ଔରାରପୁର ପୋଲିସ ମହାନିର୍ଦ୍ଦେଶକ ଗୌତମ ସମ୍ବାଗ ତାଙ୍କୁ ଧନ୍ୟବାଦ ଦେଇଥିଲେ।
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…