ଛୁଟି ଦେବା ପାଇଁ ରାଜି ହେଲାନି ମାଲିକ, ରାମଙ୍କ ଦର୍ଶନ ପାଇଁ ଛାଡ଼ିଦେଲେ ଚାକିରି

ଭାରତୀୟ ଏବଂ ରାମ ଭକ୍ତଙ୍କ ଦୀର୍ଘ ଦିନର ସ୍ୱପ୍ନ ପୂରଣ ହୋଇଛି ଏବଂ ଅଯୋଧ୍ୟାରେ ରାମ ମନ୍ଦିର ନିର୍ମାଣ ହୋଇଯାଇଛି । ୨୨ ଜାନୁଆରୀରେ ରାମଲାଲାଙ୍କ ପ୍ରତିମାକୁ ମନ୍ଦିରରେ ସ୍ଥାପିତ କରାଯାଇଛି । କେବଳ ଭାରତ ନୁହେଁ ଅନ୍ୟାନ୍ୟ ଦେଶର ଲୋକମାନେ ମଧ୍ୟ ଏହି ଐତିହାସିକ ମୁହୂର୍ତ୍ତର ସାକ୍ଷୀ ହେବା ପାଇଁ ଦୂର ଦୂରାନ୍ତରରୁ ଆସିଥିଲେ । କିଏ ସାଇକେଲରେ ରାମ ମନ୍ଦିର ପ୍ରତିଷ୍ଠା ଉତ୍ସବରେ ଯୋଗଦେବା ପାଇଁ ଆସିଥିଲା ତ କିଏ ଚାଲି ଚାଲି ଅଯୋଧ୍ୟାରେ ପହଞ୍ଚିଥିଲେ । ରାମ ଭକ୍ତମାନେ ନିଜ ମନର ପ୍ରଭୁଙ୍କୁ ଦର୍ଶନ କରିବା ପାଇଁ କିଛି ବି କରିବାକୁ ପ୍ରସ୍ତୁତ, ଯାହାର ଜ୍ୱଳନ୍ତ ଉଦାହରଣ ଜଣେ ଯୁବକ ନିଜ ଚାକିରି ଛାଡ଼ି ଦେଇଛନ୍ତି । ନିଜ ଚାକିରି କାହାକୁ ବା ପସନ୍ଦ ନୁହେଁ । କିଏ ନିଜ ଚାକିରି ଛାଡ଼ିବାକୁ ବା ଚାହେଁ । କିନ୍ତୁ ରାମଙ୍କ ପ୍ରାଣ ପ୍ରତିଷ୍ଠା ଉତ୍ସବରେ ଯୋଗ ଦେବା ପାଇଁ ସେ ନିଜ ଚାକିରିକୁ ବି ଖାତିର କଲେନି । ଅଯୋଧ୍ୟାରେ ପହଞ୍ଚି ପ୍ରାଣ ପ୍ରତିଷ୍ଠା ଉତ୍ସବର ମୂହୁର୍ତ୍ତକୁ ନିଜ ଆଖିରେ ଦେଖିବାକୁ ଚାହୁଁଥିଲେ । କିନ୍ତୁ କମ୍ପାନୀର ମାଲିକ ଛୁଟି ନଦେବାରୁ ଯୁବକ ଜଣଙ୍କ ନିଜ ଚାକିରିକୁ ଛାଡ଼ି ଚାଲି ଆସିଥିଲେ ଅଯୋଧ୍ୟା । ବ୍ୟକ୍ତି ଜଣକ ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ ଏଭଳି ଘଟଣାକୁ ସେୟାର କରିଛନ୍ତି, ଯାହା ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ।

ଜାନୁଆରୀ ୨୧ରେ ସୋସିଆଲ ମିଡିଆ ପ୍ଲାଟଫର୍ମ X ବା ପୂର୍ବ ଟ୍ୱିଟରରେ @desimojito ନାମକ ଏକ ଆକାଉଣ୍ଟ ଦ୍ୱାରା ଏକ ପୋଷ୍ଟ ସେୟାର କରାଯାଇଥିଲା । ଏହି ପୋଷ୍ଟରେ ୟୁଜର କହିଥିଲେ ଯେ, ‘ମୁଁ ମୋର ଛୁଟି ଅଧାରୁ ଶେଷ କରି ଗତକାଲି’ ନ୍ୟୁ ଇଣ୍ଡିଆ ‘ଦେଖିବା ପାଇଁ ୧୬ ଘଣ୍ଟାର ଯାତ୍ରା କରିଥିଲି । ଏହି ପୋଷ୍ଟରେ ରିଟ୍ୱିଟ କରି ଗଗନ ତିୱାରୀ ନାମକ ଜଣେ ବ୍ୟକ୍ତି ତାଙ୍କ ହ୍ୟାଣ୍ଡେଲ (@ ତୁହେନା) ରୁ ଏକ ପୋଷ୍ଟ ସେୟାର କରି ଲେଖିଛନ୍ତି, ‘ଭାଇ, ମୁଁ ଆଜି ଚାକିରି ଛାଡିଛି । ମୋ କମ୍ପାନୀର ମାଲିକ ମୋତେ ୨୨ ଜାନୁଆରୀ ପାଇଁ ଛୁଟି ଦେବାକୁ ମନା କରିଦେଇଥିଲେ । ଜାନୁଆରୀ ୨୨ ରେ ଗଗନ୍ ଏହି ପୋଷ୍ଟ୍ ସେୟାର କରିଥିଲେ ଯାହା ବତ୍ତର୍ମାନ ବହୁତ ଭାଇରାଲ୍ ହେଉଛି ।

ଏହି ପୋଷ୍ଟକୁ ଲକ୍ଷ ଲକ୍ଷ ଲୋକ ଦେଖି ସାରିଛନ୍ତି । ଲୋକମାନେ ନିଜର ପ୍ରତିକ୍ରିୟା ଦେଉଛନ୍ତି । ରାମ ପ୍ରତିଷ୍ଠା ଉତ୍ସବରେ ଯୁବକଙ୍କୁ ଛୁଟି ମିଳିନଥିବାରୁ ଅନ୍ୟ ଲୋକମାନେ କ୍ରୋଧ ପ୍ରକାଶ କରିଛନ୍ତି ।

ତେବେ ଲୋକଙ୍କ ମନରେ ରାମଙ୍କୁ ନେଇ ରହିଛି ଅଜସ୍ର ଭକ୍ତି । ରାମଙ୍କ ଦର୍ଶନ ପାଇଁ ଲୋକମାନେ ଦୂର ଦୂରାନ୍ତରୁ ଆସୁଛନ୍ତି । ରାମଙ୍କ ପ୍ରାଣ ପ୍ରତିଷ୍ଠା ଉତ୍ସବରେ ଅନେକ ଲୋକ କୋଟି କୋଟି ଟଙ୍କାର ଜିନିଷ ଦାନ କରିଛନ୍ତି । ଲୋକମାନେ ଯିଏ ଯାହା ପାରୁଛନ୍ତି ମନ୍ଦିର ପାଇଁ ଦାନ କରୁଛନ୍ତି । ତେବେ ଏହି ଅନୁସାରେ ଏ ଯୁବକ ମଧ୍ୟ ନିଜ ଚାକିରି ଛାଡ଼ି ଥିବା ଜଣା ପଡ଼ିଛି ।