ଚାକିରି ପାଇବା ପାଇଁ ଲୋକେ ଦିନରାତି କଠିନ ପରିଶ୍ରମ କରୁଛନ୍ତି। ଆଉ କର୍ମକ୍ଷେତ୍ରରେ ନିଜର କାର୍ଯ୍ୟଦକ୍ଷତା ଦେଖାଇବା ପାଇଁ ସମୟ ଠାରୁ ଅଧିକ ପରିଶ୍ରମ କରିଛନ୍ତି ଲୋକେ। ଏମିତି କର୍ମଚାରୀଙ୍କୁ କମ୍ପାନୀ ପ୍ରାଥମିକତା ଦେବା ସହିତ ଛୁଟି ମଧ୍ୟ ଦେଇଥାଏ। କେତେକ ସ୍ଥାନରେ ମହିଳାଙ୍କ ଗର୍ଭାବସ୍ଥା ପାଇଁ ମଧ୍ୟ ଛୁଟି ଦିଆଯାଉଛି। ଏହା ମଧ୍ୟରେ ଏମିତି ଏକ ମାମଲା ସାମ୍ନାକୁ ଆସିଛି, ଯେଉଁଠାରେ ମହିଳା ଜଣକ ଲମ୍ବା ଛୁଟି ନେବା ପାଇଁ ମିଛ ଗର୍ଭବତୀ ହେବାର ନାଟକ କରିଛନ୍ତି। ଆଉ ଯେତେବେଳେ ତାଙ୍କ ମିଛ ଧରାପଡିଛି, ଚାକିରି ଚାଲିଯାଇଛି।
ଏମିତି ଘଟଣା ଆମେରିକାର ଏକ ସହରରେ ଘଟିଛି। ରିପୋର୍ଟ ମୁତାବକ, ଏଠାରେ ଏକ ଅଫିସରେ କାମ କରୁଥିବା ମହିଳା ଜଣକ ଅଫିସରେ ଦରମା ବଢାଇବା ଏବଂ ଅଧିକ ଦିନ ଛୁଟି ନେବା ପାଇଁ ନିଜକୁ ଗର୍ଭବତୀ ବୋଲି କହିଥିଲେ। ଆଉ ନିଜକୁ ଗର୍ଭବତୀ ପ୍ରମାଣିତ କରିବା ପାଇଁ ବେବି ବମ୍ପ ମଧ୍ୟ ଲଗାଇଥିଲେ। ଏହା ପରେ ଅଫିସରେ ଛୁଟି ନେବା ପାଇଁ ଆବେଦନ କରିଥିଲେ।
ମହିଳା ଜଣକ ନକଲି ବେବି ବମ୍ପ ସହିତ କିଛିଦିନ ଅଫିସ ମଧ୍ୟ ଯାଇଥିଲେ। କେବଳ ଏତିକି ନୁହେଁ, ମହିଳା ଜଣକ ଆବେଦନ ପତ୍ରରେ ଜଣେ ପାଟର୍ନରଙ୍କ ବିଷୟରେ କହିଥିଲେ, ପରେ ସେ ପାଟର୍ନର ଜଣକ ମଧ୍ୟ ନକଲି ଥିଲେ ବୋଲି ଜଣାପଡିଥିଲା। ମହିଳା ଜଣକ ଅଫିସରେ ଆବେଦନ କରିବା ପରେ ଉପରସ୍ତ କର୍ମଚାରୀ ତାଙ୍କ ଛୁଟିକୁ ମଞ୍ଜୁର କରିଥିଲେ। ଆଉ ଅଧିକ ଛୁଟି ଦେଖି ମହିଳା ଜଣକ ଖୁସି ହୋଇଯାଇଥିଲେ। କିନ୍ତୁ ମହିଳାଙ୍କ ମିଛ ଅଧିକ ସମୟ ପର୍ଯ୍ୟନ୍ତ ଲୁଚି ରହିନଥିଲା।
ମହିଳାଙ୍କ ମିଛ ସେତେବେଳେ ଧରାପଡିଥିଲା, ଯେତେବେଳେ କିଛି ସହକର୍ମୀଙ୍କୁ ତାଙ୍କ ବିଷୟରେ ସନ୍ଦେହ ହୋଇଥିଲା। ମହିଳାଙ୍କ ବେବି ବମ୍ପ ଉପର ତଳ ହେଉଥିବା ଦେଖି କେତେକ ସହକର୍ମୀ ସନ୍ଦେହ କରିଥିଲେ। ସେମାନେ ତୁରନ୍ତ ଉପରସ୍ଥ ଅଧିକାରୀଙ୍କୁ ସୂଚନା ଦେବା ପରେ ସମସ୍ତଙ୍କ ସାମ୍ନାରେ ସତ ଧରାପଡିଥିଲା। ଏହା ପରେ ମହିଳାଙ୍କ ବିରୋଧରେ ଯାଞ୍ଚ ହେବାକୁ ଆଦେଶ ଦିଆଯାଇଥିଲା। ପରେ ତାଙ୍କୁ ଚାକିରିରୁ ବହିଷ୍କୃତ କରି ତାଙ୍କ ବିରୋଧରେ ମାମଲା ଦାଏର ହୋଇଥିଲା।
ସମ୍ବଲପୁର (କେନ୍ୟୁଜ): ସମ୍ବଲପୁର ଗୋପାଲମାଲ ଅଞ୍ଚଳରେ ମା ଝିଅଙ୍କୁ ଆକ୍ରମଣ ଘଟଣା । ଆଖି ବୁଜିଲେ ଝିଅ, ମୃତ୍ୟୁ ସହ…
ଭୀଷଣ ଗରମ ସାଙ୍ଗକୁ ପାଣି ପାଇଁ ଦିଲ୍ଲୀବାସୀ ଝଟପଟ । ଦିଲ୍ଲୀର ଅନେକ ସ୍ଥାନରେ ଜଳାଭାବ ଦେଖାଦେଇଛି । ପାଣି…
ଚଣ୍ଡୀଗଡ-ମନାଲୀ ରାଜମାର୍ଗରେ ମର୍ମନ୍ତୁଦ ସଡ଼କ ଦୁର୍ଘଟଣା । ହିମାଚଳ ଏବଂ ପଞ୍ଜାବ ସୀମାର କିରତପୁର ପାଖରେ ନିର୍ମାଣ ହୋଇଥିବା ଟୋଲ…
ଭଞ୍ଜନଗର (କେନ୍ୟୁଜ): ପୁଣି ବୁଲିଲା ବାଘ । ଗଞ୍ଜାମ ଜିଲ୍ଲା ଭଞ୍ଜନଗରରେ ବାଘ ଆତଙ୍କ । ସହର ନିକଟରେ ଥିବା…
ପଶ୍ଚିମବଙ୍ଗ ଦାର୍ଜିଲିଂରେ ମାଲବାହୀ ଟ୍ରେନ୍ ଧକ୍କାରେ ଦୁର୍ଘଟଣାର ଶିକାର ହୋଇଥିବା କାଞ୍ଚନଜଙ୍ଗା ଏକ୍ସପ୍ରେସ ସିଆଲଦା ଷ୍ଟେସନରେ ପହଞ୍ଚିଛି । ଦୁର୍ଘଟଣାର…
ଯାଜପୁର(କେନ୍ୟୁଜ): ଗମନାଗମନ ସୁବିଧା ପାଇଁ ସରକାର ବିଜୁ ସେତୁ ଯୋଜନା ଆରମ୍ଭ କରିଥିଲେ । ଗ୍ରାମାଂଚଳର ଲୋକେ ଯେପରି ଏହି…