ସମୟ ସହିତ କରୋନା ଭାଇରସ ଯେତେ ନିଜର ରୂପ ବଦଳାଉଛି, ମହାମାରୀକୁ ନେଇ ସେତେ ନୂଆ ଲକ୍ଷଣ ମଧ୍ୟ ସାମ୍ନାକୁ ଆସୁଛି । ଏବେ କରୋନା ରୋଗୀଙ୍କ ଠାରେ ଭୟଙ୍କର ଲକ୍ଷଣ ଦେଖିବାକୁ ମିଳିଛି। କରୋନା ଆକ୍ରାନ୍ତଙ୍କ ଠାରେ ସାଇଟୋମେଗାଲୋଭାଇରସ (Cytomegalovirus-CVM) ଅର୍ଥାତ ମଳରେ ରକ୍ତ ପଡିବା ଲକ୍ଷଣ ସାମ୍ନାକୁ ଆସିଛି । ବର୍ତ୍ତମାନ ସୁଦ୍ଧା ସାଇଟୋମେଗାଲୋଭାଇରସ ୫ ଟି ମାମଲା ଚିହ୍ନଟ ହୋଇଛି । କରୋନାର ଦ୍ୱିତୀୟ ଲହର ବେଳେ ଆକ୍ରାନ୍ତଙ୍କ ଠାରେ ଏହି ଲକ୍ଷଣ ଦେଖାଦେଇଥିଲା ।
ସୂଚନା ଅନୁଯାୟୀ ଦିଲ୍ଲୀର ସାର ଗଙ୍ଗାରାମ ହସ୍ପିଟାଲର ଇନଷ୍ଟିଚ୍ୟୁଟ ଅଫ ଲିଭର ଗ୍ୟାଷ୍ଟ୍ରୋଏଣଟ୍ରୋଲୋଜୀ ଆଣ୍ଡ ପାନକ୍ରିୟାଟି କୋବେଲେରୀ ସାଇନ୍ସ ଅନୁଯାୟୀ ଗତ ୪୫ ଦିନରେ ୫ ରୋଗୀ ପେଟଯନ୍ତ୍ରଣା ଓ ମଳରେ ରକ୍ତ ପଡିବା ସମସ୍ୟା ଯୋଗୁଁ ହସ୍ପିଟାଲରେ ଭର୍ତ୍ତି ହୋଇଥିଲେ । ଏହି ଲକ୍ଷଣ ରୋଗୀଙ୍କ ଠାରେ କରୋନା ସଂକ୍ରମଣର ୨୦ ରୁ ୩୦ ଦିନ ପରେ ଦେଖିବାକୁ ମିଳିଛି । ଏହି ଆକ୍ରାନ୍ତଙ୍କ ମଧ୍ୟରୁ ୩ ଜଣ ସୁସ୍ଥ ହୋଇଥିବା ବେଳେ ଜଣଙ୍କର ମୃତ୍ୟୁ ଘଟିଥିଲା । ଦେଶରେ ଆକ୍ରାନ୍ତଙ୍କ ଠାରେ ଏଭଳି ଲକ୍ଷଣ ଦେଖାଦେବାର ଏହା ପ୍ରଥମ ଘଟଣା । ଏହାକୁ ନେଇ ଅଧିକ ଅନୁଧ୍ୟାନ ଓ ବିଶ୍ଳେଷଣ କରାଯାଉଛି । କରୋନା ଲକ୍ଷଣକୁ ଶୀଘ୍ର ଠାବ କରି ଚିକିତ୍ସା କରିବା ଉପରେ ଡାକ୍ତରମାନେ ପରାମର୍ଶ ଦେଇଛନ୍ତି ।
ଅନ୍ୟ ପଟେ ଡାକ୍ତରଙ୍କ କହିବା ଅନୁଯାୟୀ କୋଭିଡ ସଂକ୍ରମଣ ଏବଂ ଏହାର ଚିକିତ୍ସାରେ ବ୍ୟବହୃତ ଔଷଧ, ବିଶେଷତଃ ଷ୍ଟେରଏଡ, ରୋଗୀର ରୋଗ ପ୍ରତିରୋଧକ କ୍ଷମତାକୁ ହ୍ରାସ କରିଥାଏ । ରୋଗୀଙ୍କୁ ଅସାଧାରଣ ସଂକ୍ରମଣରେ ସଂକ୍ରମିତ କରିଥାଏ । ଏହିପରି ସଂକ୍ରମଣ ମଧ୍ୟରୁ ଗୋଟିଏ ହେଉଛି ସାଇଟୋମେଗାଲୋ ଭାଇରସ ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…