କେନ୍ୟୁଜ୍(ବ୍ୟୁରୋ): ୧ ହଜାର ୧ କୋଟିର ଘର କିଣିଲେ ଅରବପତି ରାଧାକିଶନ ଦମାନି । ଖୁଚୁରା କମ୍ପାନୀ ଡି-ମାର୍ଟର ପ୍ରତିଷ୍ଠାତା ରାଧାକିଶନ ଦମାନି ଭାରତର ସବୁଠୁ ମହଙ୍ଗା ଘର କିଣିଛନ୍ତି । ଦକ୍ଷିଣ ମୁମ୍ବାଇର ଆଲିସାନ୍ ଅଞ୍ଚଳ ମାଲାବାର ହିଲଠାରେ ୧ ହଜାର ୧ କୋଟି ଟଙ୍କା ଦେଇ ଘର କିଣିଥିବା ଜଣାପଡ଼ିଛି । ଗ୍ରାଉଣ୍ଡ ପ୍ଲସ ଦୁଇ ମହଲା ବିଶିଷ୍ଟ ଏହି ବଙ୍ଗଳା ମଧୁକୁଞ୍ଜ ନାରାୟଣ ଡାଭୋଲକର ମାର୍ଗରେ ୧.୫ ଏକରରୁ ଅଧିକ ଜମିରେ ବ୍ୟାପିଛି । ପାଖାପାଖି ୬୦ ହଜାର ବର୍ଗଫୁଟ୍ ଅଞ୍ଚଳରେ ଏହି ବିଲିଡିଂ ତିଆରି ହୋଇଛି ।
ରେଡି ରେକନର ରେଟ୍ ଆଧାରରେ ସମ୍ପତ୍ତିର ବଜାର ମୂଲ୍ୟ ୭୨୪ କୋଟି ଟଙ୍କା ହେବ । ଦମାନି ପରିବାର କାର୍ଯ୍ୟାଳୟ ଏଥିପାଇଁ ଷ୍ଟାମ୍ ଡ୍ୟୁଟି ବାବଦରେ ୩୦ କୋଟି ଟଙ୍କା ଦେଇଛନ୍ତି । ଏହି ସମ୍ପତ୍ତିର ପୁନଃ ବିକାଶ ହେବ କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଦେଶର ଏହି ସର୍ବାଧିକ ମୂଲ୍ୟର ଆବାସିକ କାରବାର ଚଳିତ ସପ୍ତାହରେ ହୋଇଥିଲା । ଅରବପତି ଦମାନି ଗତ ଦୁଇ ମାସ ମଧ୍ୟରେ ଗୃହ ସମ୍ପତ୍ତିର ୩ଟି ବଡ଼ କାରବାର କରିଛନ୍ତି । ଥାନେଠାରେ ମୋଣ୍ଡଲିଜ୍ ଇଣ୍ଡିଆଠାରୁ ୮ ଏକରର ଜମି କଣିଥିଲା ଦମାନି କମ୍ପାନୀ । ଏଥିପାଇଁ ୨୫୦ କୋଟି ଟଙ୍କାର କାରବାର ହୋଇଥିଲା । ୧୯ ମାର୍ଚ୍ଚରେ ଦମାନି ୩୯ ହଜାର ବର୍ଗଫୁଟର ଏକ ଜମି ୧୧୩ କୋଟି ଟଙ୍କା ମୂଲ୍ୟରେ କିଣିଥିଲେ ।
ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୧ ଟଙ୍କା ୦୫ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…
ପୁରୀ: ଆଜି ଅନୁଷ୍ଠିତ ହେବ ରଥଯାତ୍ରାର ଦ୍ୱିତୀୟ ସମନ୍ୱୟ ବୈଠକ । ପୁରୀ ପୌରସଦନ ଠାରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ…
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…
ବାଲେଶ୍ଵର: ହଟିଲା ଦିନ କର୍ଫ୍ୟୁ, ରାତି କର୍ଫ୍ୟୁ ବଳବତ୍ତର । ବାଲେଶ୍ଵରରେ ଆଜିଠୁ ରାତ୍ରିକାଳୀନ କର୍ଫ୍ୟୁ । ରାତି ୯ଟାରୁ…