ବୌଦ୍ଧ ଧର୍ମଗୁରୁ ଦଲାଇ ଲାମାଙ୍କ ପ୍ରବଚନ ଶୁଣିବା ପାଇଁ ବିହାରର ଗୟାରେ ଏକଜୁଟ ହେଉଛନ୍ତି ୨୦ ହଜାର ଶ୍ରଦ୍ଧାଳୁ। ଏହାରି ଭିତରେ କରୋନାକୁ ନେଇ ଆସିଛି ଏକ ବଡ଼ ଖବର। ୨୩ ଡିସେମ୍ବରରେ ଗୟା ଆସିଥିବା ବିଦେଶୀ ନାଗରିକମାନଙ୍କର କରୋନା ଟେଷ୍ଟ୍ କରାଯାଇଥିଲା, ଯେଉଁଥିରୁ ୪ ଜଣ ପଜିଟିଭ ବାହାରିଛନ୍ତି। ସେମାନଙ୍କ ମଧ୍ୟରୁ ୨ ଜଣ ଇଂଲଣ୍ଡ ଏବଂ ଜଣେ ଲେଖାଏ ଥାଇଲାଣ୍ଡ ଓ ମିଆଁମାରରୁ ଅଛନ୍ତି। ୪ ଜଣଙ୍କ ରିପୋର୍ଟ ପଜିଟିଭ ଆସିବା ପରେ ଦଲାଇ ଲାମାଙ୍କ ପ୍ରବଚନ କାର୍ଯ୍ୟକ୍ରମକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।
ପାଖାପାଖି ୪୦ ଦେଶର ୨୦ ହଜାରରୁ ଅଧିକ ଶ୍ରଦ୍ଧାଳୁ ପ୍ରବଚନ ପାଇଁ ଗୟାରେ ରହିବେ। ବିହାରରେ ବିଦେଶୀ ପର୍ଯ୍ୟଟକମାନଙ୍କର ସବୁଠାରୁ ବଡ଼ କେନ୍ଦ୍ର ଗୟାରେ କରୋନା ମାମଲା ସାମ୍ନାକୁ ଆସିବା ପରେ ପୂରା ରାଜ୍ୟରେ ଭୟର ବାତାବରଣ ସୃଷ୍ଟି ହୋଇଛି।
ର୍ୟାଣ୍ଡମ୍ ଯାଞ୍ଚରେ କରୋନା ପଜିଟିଭ ମିଳିଥିବା ୪ ବିଦେଶୀଙ୍କୁ ବୋଧଗୟାର ଏକ ହୋଟେଲରେ ଆଇସୋଲେଟ୍ କରାଯାଇଛି। ବିଦେଶୀ ନାଗରିକମାନଙ୍କ ମଧ୍ୟରୁ ୪ ଜଣ ପଜିଟିଭ ମିଳିବା ପରେ ଜିଲ୍ଲା ପ୍ରଶାସନ ଏବଂ ସ୍ୱାସ୍ଥ୍ୟ ବିଭାଗରେ କରୋନାକୁ ନେଇ ଆତଙ୍କ ସୃଷ୍ଟି ହୋଇଛି। ସିଭିଲ୍ ସର୍ଜନ ରଞ୍ଜନ ସିଂ ନିଶ୍ଚିତ କରିଛନ୍ତି ଯେ ୨୩ ଡିସେମ୍ବରରେ ଗୟା ଏୟାରପୋର୍ଟରେ ଆର୍ଟିପିସିଆର୍ ଯାଞ୍ଚ ହୋଇଥିଲା, ଯାହାର ଆଜି ସକାଳେ ରିପୋର୍ଟ ଆସିଥିଲା।
ସଂକ୍ରମଣ ଯେପରି ଅନ୍ୟ ସ୍ଥାନକୁ ନ ଯିବ, ସେଥିପାଇଁ ପଜିଟିଭ ମିଳିଥିବା ୪ ନାଗରିକଙ୍କୁ ହୋଟେଲରେ ଆଇସୋଲେଟ୍ କରି ଦିଆଯାଇଛି। ସେମାନଙ୍କ ପାଖାପାଖି ରହୁଥିବା ଲୋକଙ୍କର ଯାଞ୍ଚ କରାଯାଉଛି। ସେପଟେ ବୋଧଗୟାରେ କରୋନା ଯାଞ୍ଚର କାଉଣ୍ଟର ଖୋଲା ଯାଇଥିବା ବେଳେ ଗୟା ଏୟାରପୋର୍ଟରେ ଯାଞ୍ଚର କାଉଣ୍ଟରକୁ ଆହୁରି ବଢ଼ାଇ ଦିଆଯାଇଛି।
ମେଷ: ଆଜି ପ୍ରତ୍ୟେକ କ୍ଷେତ୍ରରେ ଆପଣଙ୍କୁ ସଫଳତା ମିଳିବ । ଆପଣ କର୍ମକ୍ଷେତ୍ରରେ କୌଣସି ବିତର୍କରୁ ଦୂରେଇ ରହିବା ଉଚିତ୍…
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…