ଆଜ୍ ମେର୍ : ପ୍ରେମିକାକୁ ଚାନ୍ଦ ଉପହାର ଦେବା କଥା ନେଇ ପ୍ରେମିକମାନେ କହିଥାନ୍ତି । ଚାନ୍ଦ ଉପହାର ଦେବା ନେଇ ମଧ୍ୟ ଅନେକ ସଂଗୀତ ଶୁଣିବାକୁ ମିଳେ । ହେଲେ ବାସ୍ତବରେ ଚନ୍ଦ୍ରରେ କ’ଣ କିଏ ଉପହାର ଦେଇଛନ୍ତି । ହଁ ଆଜ୍ଞା ଏବେ ପତ୍ନୀଙ୍କୁ ଚନ୍ଦ୍ରରେ ଉପହାର ଦେଇଛନ୍ତି ଜଣେ ବ୍ୟକ୍ତି । ସିଏ ପୁଣି ଏମିତି ସେମିତି ଉପହାର ନୁହେଁ ଚନ୍ଦ୍ରରେ ଗୋଟିଏ ପ୍ଲଟ ଦେଇଛନ୍ତି ପତ୍ନୀଙ୍କୁ । ବିବାହ ବାର୍ଷିକରେ ପତ୍ନୀଙ୍କୁ ୩ ଏକରର ଏକ ପ୍ଲଟ୍ ଦେଇଛନ୍ତି ।
ଏଥିପୂର୍ବରୁ ମଧ୍ୟ ଚନ୍ଦ୍ରରେ ଜାଗା କିଣିଥିବା ତାଲିକାରେ ଅଛନ୍ତି ବଲିଉଡ୍ ଅଭିନେତା ଶାହାରୁଖ୍ ଖାନ୍ ଓ ଦିବଙ୍ଗତ ଅଭିନେତା ସୁଶାନ୍ତ ସିଂହ ରାଜପୁତ । ପତ୍ନୀଙ୍କ ପାଇଁ ଚନ୍ଦ୍ରରେ ପ୍ଲଟ୍ କିଣିଥିବା ଏହି ବ୍ୟକ୍ତି ଜଣକ ହେଲେ ଧର୍ମେନ୍ଦ୍ର ଅନିଜା । ସେ କୁହନ୍ତି ‘ ୨୪ ଡିସେମ୍ବର ରେ ଆମର ବିବାହ ବାର୍ଷିକୀ ଥିଲା । ତେଣୁ ପତ୍ନୀ ପାଇଁ ଏମିତି କିଛି ସ୍ମରଣୀୟ ଉପହାର ଦେବାପାଇଁ ମୁଁ ଚିନ୍ତା କରିଥିଲି । ସମସ୍ତେ ତ କାର୍, ଗହଣା ଦେଇଥାନ୍ତି ତେଣୁ ମୁଁ ଚନ୍ଦ୍ରରେ ଏକ ପ୍ଲଟ୍ ଦେବାପାଇଁ ମନସ୍ଥ କଲି । ତେଣୁ ଆମେରିକା ନ୍ୟୁୟର୍କ ସହରରେ ଥବା ଲୁନା ସୋସାଇଟି ଇଣ୍ଟରନେସ୍ନାଲ୍ ମାଧ୍ୟମରେ ମୁଁ ପତ୍ନୀଙ୍କୁ ୩ ଏକର ଜମି କିଣି ଉପହାର ଦେଇଛି ।
ଏହି ପ୍ରକ୍ରିୟା ପୂରଣ ପାଇଁ ମୋତେ ପ୍ରାୟ ବର୍ଷେ ଲାଗିଥିଲା । ପତ୍ନୀ ସପନା ତାଙ୍କର ପ୍ରତିକ୍ରିୟାରେ କହନ୍ତି ‘ମୋତେ ମାଲୁମ୍ ନଥିଲା ଯେ ସେ ଏପରି ଆଶ୍ଚର୍ଯ୍ୟଜନକ ଉପହାର ଦେବେ ବୋଲି । ମୁଁ ତାଙ୍କ ଠାରୁ ଚନ୍ଦ୍ରରେ କିଣା ଯାଇଥିବା ୩ ଏକର ଜମି ପଟ୍ଟା ପାଇ ଖୁବ୍ ଖୁସି । କିଛି ମାସ ପୂର୍ବରୁ ବୋଧଗୟା ନିବାସୀ ନୀରଜ କୁମାର ଚନ୍ଦ୍ରରେ ଏକପ୍ଲଟ୍ ମଧ୍ୟ କିଣିଥିଲେ ।
ଭାରତରେ ଚନ୍ଦ୍ରରେ ଜମି କିଣାକୁ ବେଆଇନ କୁହାଯାଇଛି । କାରଣ ୧୯୬୭ ରେ ଭାରତ ୧୦୪ ଦେଶ ସହ ଏକ ଚୁକ୍ତି ପତ୍ରରେ ସ୍ୱାକ୍ଷର କରିଥିଲା । ଯେଉଁଥିରେ କୁହାଯାଇଥିଲା ଯେ ଚନ୍ଦ୍ର, ତାରା ଓ ଅନ୍ତରୀକ୍ଷ ଉପରେ କୈାଣସି ଦେଶର ଅଧିକାର ନାହିଁ କିମ୍ବା ଏହା କୈାଣସି ଦେଶର ସମ୍ପତି ନୁହେଁ । ପ୍ରକାଶଯୋଗ୍ୟ ଯେ ଚନ୍ଦ୍ରରେ କିଣିଥିବା ଏହି ଜମିରେ ନା କେହି ଘର କରିପାରିବେ ନା ଏଠାକୁ କେହି ଯାଇପାରିବେ । ହେଲେ ମନ ବୁଝିବା ପାଇଁ ଯାହା ଏହି କିଣା ବିକା । ଫଟୋ- ଏସିଆ ନେଟ୍ ନ୍ୟୁଜ୍
ସୁରକ୍ଷାକର୍ମୀଙ୍କ ଗୁଳିରେ ଟଳିପଡିଲେ ୪ ମାଓବାଦୀ । ଝାଡ଼ଖଣ୍ଡ ଚାଇବାସାରେ ସୁରକ୍ଷାକର୍ମୀଙ୍କ ଏନ୍ କାଉଣ୍ଟରରେ ୪ ମାଓବାଦୀ ନିହତ। ଜଣେ…
ବଜାଜ ନିଜର Pulsar N160ର ଏକ ନୂଆ ଭାରିଆଣ୍ଟ ଲଞ୍ଚ କରିଛି । ଏହା ହେଉଛି ବଜାଜ Pulsar N160…
ପଶ୍ଚିମବଙ୍ଗ ଦାର୍ଜିଲିଂରେ ବଡ଼ ରେଳ ଦୁର୍ଘଟଣା । କାଞ୍ଚନଜଙ୍ଗା ଏକ୍ସପ୍ରେସକୁ ଧକ୍କା ଦେଲା ମାଲବାହୀ ଟ୍ରେନ । ଦୁର୍ଘଟଣାରେ ୫…
ନୂଆ ସରକାର ଆସିବା ପରଠାରୁ ସରକାରଙ୍କ ଠାରୁ ବିଭିନ୍ନ ନୀତିରେ ପରିବର୍ତ୍ତନ ଆଶା କରାଯାଉଛି । ଏହାରି ଭିତରେ ପୁଣି…
ବଣାଇ : ଘାଟିରେ OSRTC ବସ୍ ଦୁର୍ଘଟଣାଗ୍ରସ୍ତ, ୩୫ ଆହତ। ଗୁରୁଣ୍ଡୁଆ ଥାନାର ତାମଡ଼ା ଘାଟିରେ ଦୁର୍ଘଟଣା। ପଙ୍କଢ଼ିହିରୁ ବଣାଇ…
ରିଲାଏନ୍ସ ଜିଓ ହେଉଛି ଦେଶର ସବୁଠାରୁ ବଡ ଟେଲିକମ୍ କମ୍ପାନୀ । ଟେଲିକମ୍ ସେକ୍ଟରରେ ଜିଓର ଅଧିକ ୟୁଜର ଅଛନ୍ତି…