କେନ୍ୟୁଜ୍(ବ୍ୟୁରୋ):ଜଳୁଛି ମଣିପୁର। ସ୍ଥିତି ନିୟନ୍ତ୍ରଣ ପାଇଁ ସୁଟ୍ ଏଟ୍ ସାଇଟ୍ ଅର୍ଡର। ନିର୍ଦ୍ଦେଶନାମାରେ ସ୍ୱାକ୍ଷର କରିଛନ୍ତି ରାଜ୍ୟପାଳ। ଚେତାବନୀ ପରେ ମଧ୍ୟ ଯଦି କେହି ହିଂସା କରୁଛନ୍ତି ତେବେ ଗୁଳି ମାରି ପାରିବେ ସୁରକ୍ଷା କର୍ମୀ। ଗତକାଲିଠାରୁ ରାଜ୍ୟରେ ଆଦିବାସୀ-ଅଣଆଦିବାସୀଙ୍କ ମଧ୍ୟରେ ଆରମ୍ଭ ହୋଇଛି ହିଂସା। ସେନା, ଆସାମ ରାଇଫଲସ, କେନ୍ଦ୍ରୀୟ ରିଜର୍ଭ ଫୋର୍ସ ଓ ରାଜ୍ୟ ପୋଲିସ ମିଳିତ ଭାବେ ହିଂସାକୁ ନିୟନ୍ତ୍ରଣ କରି ପାରିନାହାନ୍ତି। ଏବେ ଏମାନଙ୍କୁ ସହଯୋଗ କରିବାକୁ ୫ଶହ ରାପିଡ୍ ଆକ୍ସନ ଫୋର୍ସ ଇମ୍ପାଲ ଯାଇଛନ୍ତି।
ଇମ୍ଫାଲ ୱେଷ୍ଟ, କାକ୍ଚିଂ, ଥୋଉବଲ, ଜିରିବମ୍ ଓ ବିଷ୍ଣୁପୁର ଜିଲ୍ଲା ସହ ଅନେକ ଆଦିବାସୀ ବହୁଳ ଜିଲ୍ଲାରେ କର୍ଫ୍ୟୁ ଲାଗୁ କରାଯାଇଛି। ଗତକାଲିଠାରୁ ରାଜ୍ୟରେ ୫ ଦିନ ପାଇଁ ଇଣ୍ଟରନେଟ୍ ସେବା ବନ୍ଦ କରିଦିଆଯାଇଛି । ହିଂସା ପ୍ରଭାବିତ ଅଂଚଳରୁ ୯ ହଜାର ଲୋକଙ୍କୁ ସୁରକ୍ଷିତ ସ୍ଥାନାନ୍ତର କରାଯାଇଛି।କେନ୍ଦ୍ର ଗୃହମନ୍ତ୍ରୀ ଅମିତ ଶାହା ସ୍ଥିତି ପ୍ରସଙ୍ଗରେ ମଣିପୁର ମୁଖ୍ୟମନ୍ତ୍ରୀ ବୀରେନ୍ ସିଂଙ୍କ ସହ କଥା ହୋଇଛନ୍ତି।
ରାଜ୍ୟରେ ମୋତେଇ ସମ୍ପ୍ରଦାୟକୁ ଆଦିବାସୀ ତାଲିକାଭୁକ୍ତ କରିବା ପ୍ରସଙ୍ଗ ନେଇ ମଣିପୁର ହାଇକୋର୍ଟରେ ଏକ ପିଟିସନ ଦାଖଲ ହୋଇଥିଲା। ଏହାର ଶୁଣାଣି କରି ଏପ୍ରିଲ ୧୯ରେ ହାଇକୋର୍ଟ ଏ ପ୍ରସଙ୍ଗରେ ବିଚାର କରିବାକୁ, କେନ୍ଦ୍ରକୁ ସୁପାରିଶ କରିବା ପାଇଁ ରାଜ୍ୟ ସରକାରଙ୍କୁ କହିଥିଲେ। ଏହାକୁ ବିରୋଧ କରି ଗତକାଲି ମଣିପୁରର ଅଲ୍ ଟ୍ରାଇବଲ ଷ୍ଟୁଡେଣ୍ଟ ୟୁନିୟନ ଚୁରାଚାନ୍ଦପୁର ଜିଲ୍ଲାର ତେରବଙ୍ଗରେ ଏକ ଆଦିବାସୀ ଏକତା ମାର୍ଚ୍ଚର ଆୟୋଜନ କରିଥିଲା। ଆଉ ଏହି ଆଦିବାସୀ ଏକତା ମାର୍ଚ୍ଚ ପରଠାରୁ ରାଜ୍ୟରେ ହିଂସା ବ୍ୟାପିଛି। ସବୁଠାରୁ ଅଧିକ ହିଂସା ବିଷ୍ଣୁପୁର ଓ ଚୁରାଚାନ୍ଦପୁର ଜିଲ୍ଲାରେ ଦେଖିବାକୁ ମିଳିଛି।
ଭୁବନେଶ୍ୱର : ବାରମ୍ବାର ମୁକୁଳା ଡ୍ରେନରେ ଅଘଟଣ ପରେ ତତ୍ପର ପ୍ରାଶସନ । ମାସକ ଭିତରେ ମୁକୁଳା ଡ୍ରେନ ଉପରେ…
ହଲିଉଡର ଲୋକପ୍ରିୟ ଅଭିନେତା ତମାୟୋ ପେରୀଙ୍କ ମୃତ୍ୟୁ । ଶାର୍କ ଆକ୍ରମଣ କରିବାକୁ ମାତ୍ର ୪୯ ବର୍ଷ ବୟସରେ ତମାୟୋଙ୍କ…
ରାଜଧାନୀ ଦିଲ୍ଲୀର ପ୍ରେମ୍ ନଗରରେ ଘଟିଛି ଏକ ଭୟାବହ ଅଗ୍ନିକାଣ୍ଡ । ଏଠାରେ ଘରେ ନିଆଁ ଲାଗି ପରିବାରର ୪…
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…
ଆପଣ ପ୍ରତ୍ୟେକ ଦିନ ଅନେକ ରିଲ୍ସ ନିଶ୍ଚିତ ଦେଖୁଥିବେ । ଲୋକମାନେ ରିଲ୍ସ କରିବା ପାଇଁ ନିଜ ଜୀବନକୁ ବାଜି…