ନୂଆ ସହଯୋଗୀଙ୍କୁ ଆକୃଷ୍ଟ କରିବାକୁ କଂଗ୍ରେସର ଗ୍ରୀନ୍‌ ସିଗନାଲ, ପ୍ରଧାନମନ୍ତ୍ରୀ ପଦ ନ ମିଳିଲେ ବି ଦଳକୁ ଅସୁବିଧା ନାହିଁ

କେଉଁ ଦଳକୁ ବହୁମତ ମିଳିବ କି। ଏ ପ୍ରଶ୍ନକୁ ନେଇ ଚର୍ଚ୍ଚା ଜୋର। ସେପଟେ ଉଭୟ କଂଗ୍ରେସ ଓ ବିଜେପି ନିଜ ନିଜ ସହଯୋଗୀ ଧରି ନୂଆ ସାଥି ଖୋଜୁଛନ୍ତି। ଏଭଳି ସ୍ଥିତିରେ କଂଗ୍ରେସ, ଆଗୁଆ ନିଜ ସ୍ଥିତି ସ୍ପଷ୍ଟ କରିଛି। ବରିଷ୍ଠ ନେତା ଗୁଲାମନବୀ ଆଜାଦ କହିଛନ୍ତି, ଏଥର ମୋଦି ଦ୍ୱିତୀୟ ଥର ପ୍ରଧାମନ୍ତ୍ରୀ ହେବା ପାଇଁ ରାସ୍ତା ବନ୍ଦ ହୋଇଯାଇଛି। ଯେଉଁ ସରକାର ହେବ ତାହା ଅଣ ଏନଡିଏ ଓ ଅଣ ବିଜେପି ସରକାର ହେବ। ଯଦି ସହମତି ହେବ ତେବେ କଂଗ୍ରେସରୁ ପ୍ରଧାନମନ୍ତ୍ରୀ ହେବ। କିନ୍ତୁ ପ୍ରଧାନମନ୍ତ୍ରୀ ପଦ ନ ମିଳିଲେ ବି ଦଳର କୌଣସି ଅସୁବିଧା ନାହିଁ। ଅଣ କଂଗ୍ରେସ ଦଳଗୁଡିକ ମଧ୍ୟରେ ଯେଉଁ ସହମତି ହେବ ଦଳ ତାକୁ ସମର୍ଥନ କରିବ।

ଏଥର ନିର୍ବାଚନରେ କଂଗ୍ରେସ ଉତ୍ତରପ୍ରଦେଶରେ ମେଣ୍ଟ କରି ପାରିଲା ନାହିଁ। ମାୟା-ଅଖିଲେଶ ସାଥି ହୋଇ ରାହୁଲଙ୍କୁ ଏକା ଛାଡି ଦେଲେ। କଂଗ୍ରେସ ପାଇଁ ମୈଦାନକୁ ଓହ୍ଲାଇଥିଲେ ପ୍ରିୟଙ୍କା। ସେହିପରି ଆନ୍ଧ୍ରରେ ଟିଡିପି ସହ କଂଗ୍ରେସ ମେଣ୍ଟ କରି ନାହିଁ। ଦିଲ୍ଲୀରେ ମଧ୍ୟ ଆପ୍‌ ସହ ସମ୍ପର୍କ ହୋଇ ପାରିଲା ନାହିଁ। ତୃମମୂଳ କଂଗ୍ରେସର କଂଗ୍ରେସ ସହ ମତାନ୍ତର ରହିଛି। ଅର୍ଥାତ ମୋଦି ବିରୋଧୀ, ମହାମେଣ୍ଟ କରିବାରେ ବିଫଳ ହେଲେ। ସେପଟେ ଟିଆରଏସ୍‌ ଏକ ଫେଡେରାଲ ଫ୍ରଣ୍ଟ ପାଇଁ ଉଦ୍ୟମ କରୁଛିି। ଏଭଳି ସ୍ଥିତିରେ କଂଗ୍ରେସର ବରିଷ୍ଠ ନେତା ଗୁଲାମନବୀ ଆଜାଦଙ୍କ ବୟାନ, କଂଗ୍ରେସକୁ ପ୍ରଧାନମନ୍ତ୍ରୀ ପଦ ନ ମିଳିଲେ ବି କୌଣସି ଅସୁବିଧା ନାହିଁ, ବିଜେପି ବିରୋଧୀ ଅଣ କଂଗ୍ରେସ ଦଳଗୁଡିକ ଉତ୍ସାହିତ କରିବା ଅନୁମାନ କରାଯାଉଛି।

ପୂର୍ବରୁ କର୍ଣ୍ଣାଟକ ବିଧାନସଭା ନିର୍ବାଚନ ସମୟରେ, କଂଗ୍ରେସ ଏପରି ଏକ ଗେମ୍‌ ପ୍ଲାନ ପ୍ରସ୍ତୁତ କରିଥିଲା। ଗଣତି ଚାଲିଥିବା ବେଳେ ହିଁ, କଂଗ୍ରେସ ଜେଡିଏସ୍‌କୁ ମୁଖ୍ୟମନ୍ତ୍ରୀ ପଦ ପାଇଁ ପ୍ରସ୍ତାବ ଦେଇଥିଲା। ଅଲଗା ଅଲାଗ ନିର୍ବାଚନ ଲଢିଥିବା କଂଗ୍ରେସ-ଜେଡିଏସ୍‌ ମେଣ୍ଟ ହେଲା। ଫଳରେ ନିର୍ବାଚନରେ ବିଜେପି ଅଧିକ ଆସନ ପାଇ ମଧ୍ୟ ସରକାର ଗଠନ କରି ପାରିଲା ନାହିଁ। ଏବେ ଚର୍ଚ୍ଚା ହେଉଛି କୌଣସି ଦଳକୁ ବହୁମତ ମିଳିବନି। ତେଣୁ କଂଗ୍ରେସ,ବିଜେପିକୁ ପ୍ରତିହତ କରିବାକୁ ଆଗୁଆ ପ୍ରସ୍ତୁତ ହେଉଥିବା ଜଣା ପଡୁଛିି।

KNews Bureau

Recent Posts

ଆଜିର ରାଶିଫଳ : ଜାଣନ୍ତୁ ଆଜି କେଉଁ ରାଶିର ଛାତ୍ରଛାତ୍ରୀଙ୍କ ପାଇଁ କିପରି କଟିବ ଦିନ

ମେଷ: ଆଜିର ଦିନ ଭଲରେ କଟିବ । ଉତ୍ତମ ସ୍ୱାସ୍ଥ୍ୟ ପାଇଁ ବ୍ୟାୟାମ ଜାରି ରଖନ୍ତୁ । କୌଣସି ନୂଆ…

2 hours ago

ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ, ନିଷ୍ପତ୍ତି ନେଲେ ରାଜ୍ୟ ସରକାର

ଭୁବନେଶ୍ୱର : ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ। ହକି ଇଣ୍ଡିଆ ସହ ଆଲୋଚନା…

5 hours ago

ବାଲେଶ୍ବର ସହରରେ କର୍ଫ୍ୟୁ କୋହଳ, ଆସନ୍ତାକାଲି ଠାରୁ ଲ୍ୟାଣ୍ଡ ଲାଇନ୍ based internet ହେବ କୋହଳ

ବାଲେଶ୍ଵର :  ବାଲେଶ୍ଵର ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀ । ବାଲେଶ୍ବର ସହରରେ କର୍ଫ୍ୟୁ ପରିସ୍ଥିତି ଉପରେ ସାମ୍ବାଦିକ ସମ୍ମିଳନୀ ।…

5 hours ago

ପିସିସି ସଭାପତିଙ୍କୁ କାଳିମାଡ଼, କଂଗ୍ରେସ ଭବନରେ ପଶି କଲେ କାଳିମାଡ଼

ଭୁବନେଶ୍ୱର : ପିସିସି ସଭାପତିଙ୍କୁ କାଳିମାଡ଼ । କଂଗ୍ରେସ ଭବନରେ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼। ଆଜି କଂଗ୍ରେସ…

5 hours ago

ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଣେ ମୃତ

ଲମତାପୁଟ : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ଯୁ । ମୃତ ବ୍ୟକ୍ତି ଜଣକ ଲମତାପୁଟ ବ୍ଲକ…

6 hours ago

ଓଡ଼ିଶାର ୨୪ଟି ଜିଲ୍ଲାକୁ ଛୁଇଁଲା ମୌସୁମୀ, ୨ ଦିନ ଭିତରେ ସାରା ରାଜ୍ୟକୁ ଛୁଇଁବ

ଅଗ୍ରସର ହେଲା ମୌସୁମୀ । ଓଡ଼ିଶାର ୨୪ଟି ଜିଲ୍ଲାକୁ ଛୁଇଁବା ସହ ଅଧିକ ଅଗ୍ରସର ହେଉଛି ଦକ୍ଷିଣପଶ୍ଚିମ ମୌସୁମୀ ବାୟୁ…

7 hours ago