ଉତ୍ତର ପ୍ରଦେଶ: ବାହାଘରର ଦେଢ଼ ମାସ ପରେ କନ୍ୟାର ଦେହ ଖରାପ ହେଲା, ଆଉ ଚିକିତ୍ସା କରିବାରୁ ଜଣାପଡ଼ିଲା ଯେ ସେ ୪ ମାସର ଗର୍ଭବତୀ। ଏଭଳି ଅଭାବନୀୟ ଘଟଣା ଘଟିଛି ଉତ୍ତର ପ୍ରଦେଶର ମହାରାଜଗଞ୍ଜ ଜିଲ୍ଲାର କୋହ୍ଲଇ ଥାନା ଅନ୍ତର୍ଗତ ଏକ ଗାଁରେ। ଏଠାରେ ନବ ବିବାହିତାଙ୍କ ଅଲ୍ଟ୍ରାସାଉଣ୍ଡ୍ ପରେ ଜଣାପଡ଼ିଥିଲା ଯେ ସେ ୪ ମାସ ଗର୍ଭବତୀ ଅଛନ୍ତି। ତେବେ ସବୁଠୁ ଆଶ୍ଚର୍ଯ୍ୟର କଥା ହେଉଛି ତାଙ୍କ ବିବାହକୁ ଏବେ ମାତ୍ର ଦେଢ଼ ମାସ ହୋଇଛି। ଏ ନେଇ ଜାଣିବା ପରେ ମହିଳାଙ୍କ ସ୍ୱାମୀ ଥାନାରେ ଅଭିଯୋଗ କରିଛନ୍ତି।
ଯୁବକ ଜଣକ ଅଭିଯୋଗରେ କହିଛନ୍ତି ଯେ ଗାଁର ଜଣେ ସମ୍ପର୍କୀୟଙ୍କ ମଧ୍ୟସ୍ଥତାରେ ଗତ ଦେଢ଼ ମାସ ତଳେ ତାଙ୍କ ବିବାହ ପାଖ ଜିଲ୍ଲାର ଯୁବତୀଙ୍କ ସହ ହୋଇଥିଲା। କିନ୍ତୁ ଠିକ୍ ଭାବେ ସଂସାର କରିବା ପୂର୍ବରୁ ହିଁ ତାଙ୍କର ସବୁ କିଛି ଉଜୁଡ଼ି ଯାଇଛି। ସେ ଧୋକାର ଶିକାର ହୋଇଛନ୍ତି। ସେ କହିଛନ୍ତି ଯେ ତାଙ୍କ ବିବାହକୁ ମାତ୍ର ଦେଢ଼ ମାସ ହୋଇଥିବା ବେଳେ ପତ୍ନୀ ଏବେ ୪ ମାସର ଗର୍ଭବତୀ ଅଛନ୍ତି। ଏହି କଥା ଜାଣିବା ପରେ ତାଙ୍କ ପାଦ ତଳୁ ମାଟି ଖସି ଯାଇଛି।
ବାହାଘରର କିଛି ଦିନ ପରେ ନବବିବାହିତାଙ୍କ ପେଟରେ ହଠାତ୍ ଯନ୍ତ୍ରଣା ହେବାରୁ ଶାଶୁ ଘର ଲୋକେ ତାଙ୍କୁ ଔଷଧ ଦେଇଥିଲେ। ତଥାପି ଯନ୍ତ୍ରଣା କମି ନଥିଲା। ଫଳରେ ସେମାନେ ବୋହୂକୁ ସ୍ଥାନୀୟ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ନେଇଥିଲେ। ସେଠାରେ ଡାକ୍ତର ସ୍ତ୍ରୀ ଗର୍ଭବତୀ ଥିବା ନେଇ ଆଶଙ୍କା କରିଥିଲେ। ଏଣୁ ଅଲ୍ଟ୍ରାସାଉଣ୍ଡ କରାଇଥିଲେ। କିନ୍ତୁ ଅଲଟ୍ରାସାଉଣ୍ଡ୍ରେ ଯାହା ରିପୋର୍ଟ ଆସିଥିଲା ତାହା ସମସ୍ତଙ୍କୁ ଦୋହଲାଇ ଦେଇଥିଲା। ଡାକ୍ତର କହିଥିଲେ ଯେ ବୋହୂ ୪ ମାସର ଗର୍ଭବତୀ ଅଛନ୍ତି। ତା’ ପରେ ପାଟି ତୁଣ୍ଡ ହୋଇଥିଲା ଓ ପୁଣିଥରେ ଅଲ୍ଟ୍ରା ସାଉଣ୍ଡ କରାଯାଇଥିଲା। କିନ୍ତୁ ଏଥରକ ବି ରିପୋର୍ଟ ସମାନ ଆସିଥିଲା।
କଥା ଅଧିକ ବିଗିଡ଼ିବାରୁ ଶାଶୁ ଘର ଲୋକ ଝିଅର ବାପ ଘର ଲୋକଙ୍କୁ ଡାକିଥିଲେ ଓ ସେମାନେ ତାଙ୍କୁ ମିଛ କହି ବାହାଘର କରାଇଥିବା କହିଥିଲେ। ଘର ଲୋକ ସତ ଜାଣିଥିଲେ ମଧ୍ୟ ତାଙ୍କୁ ମିଛ କହି ବାହାଘର କରାଇଥିଲେ ବୋଲି ଶାଶୁ ଘର ଲୋକ ଅଭିଯୋଗ କରିଥିଲେ। ତେବେ ପୋଲିସ ଏହି ମାମଲାର ତଦନ୍ତ କରୁଛି ଓ ତଦନ୍ତ ପରେ ପୂରା ସତ୍ୟାସତ୍ୟ ସାମ୍ନାକୁ ଆସିବ ବୋଲି କହିଛି।
Also Read: ଋଣରେ ବୁଡ଼ି ରହିଥିଲେ ଅଭିନେତା କମଲ ହାସନ୍, ଏବେ ଫିଲ୍ମ ସୁପରହିଟ୍ ହେବା ପରେ ସୁଝାଇବେ ଲୋନ୍
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…