ପାକିସ୍ତାନୀ ପ୍ରଶାସନ ନିଜର ଜଳୀୟ କ୍ଷେତ୍ରରେ ବେଆଇନ ଭାବେ ମାଛ ଧରିବା ଅଭିଯୋଗରେ ଗିରଫ କରିଥିବା ୧୯୯ ଭାରତୀୟ ମତ୍ସ୍ୟଜୀବୀଙ୍କୁ ମୁକ୍ତ କରିବ। ଜଣେ ଅଧିକାରୀ କହିଛନ୍ତି ଯେ ଏହି ସମୟରେ ଜଣେ ଭାରତୀୟ କଏଦୀଙ୍କର ମୃତ୍ୟୁ ଘଟିଛି, ଯିଏକି ୧୯୯ ମତ୍ସ୍ୟଜୀବୀଙ୍କ ସହ ପ୍ରତ୍ୟାବର୍ତ୍ତନ କରିବାର ଥିଲା।
ସିନ୍ଧରେ ଜେଲ ଏବଂ ସୁଧାର ବିଭାଗର ଜଣେ ବରିଷ୍ଠ ପୋଲିସ୍ ଅଧିକାରୀ କାଜି ନାଜିର କହିଛନ୍ତି, ସମ୍ପୃକ୍ତ ସରକାରୀ ମନ୍ତ୍ରଣାଳୟ ପକ୍ଷରୁ ୧୯୯ ମତ୍ସ୍ୟଜୀବୀଙ୍କୁ ଶୁକ୍ରବାର ମୁକ୍ତ କରିବାକୁ ଏବଂ ସେମାନଙ୍କୁ ସେମାନଙ୍କ ଦେଶକୁ ପଠାଇବା ପାଇଁ ପ୍ରସ୍ତୁତି କରିବାକୁ କୁହାଯାଇଛି। ଏହି ମତ୍ସ୍ୟଜୀବୀମାନଙ୍କୁ ଲାହୋର ପଠାଯିବ ଏବଂ ୱାଘା ସୀମାରେ ଭାରତୀୟ ଅଧିକାରୀମାନଙ୍କୁ ହସ୍ତାନ୍ତର କରାଯିବ। ଏହି ମତ୍ସ୍ୟଜୀବୀମାନେ ବର୍ତ୍ତମାନ ଏଠାରେ ଲାନ୍ଧି ଜେଲରେ ଅଛନ୍ତି।
ପୋଲିସ ଅଧିକାରୀ କହିଛନ୍ତି କି, ଅସୁସ୍ଥତା କାରଣରୁ ଶନିବାର କରାଚୀର ଏକ ଡାକ୍ତରଖାନାରେ ଜଣେ ଭାରତୀୟ କଏଦୀ ଜୁଲଫିକାରଙ୍କ ମୃତ୍ୟୁ ଘଟିଛି। ଜୁଲଫିକାରଙ୍କୁ ମଧ୍ୟ ମତ୍ସ୍ୟଜୀବୀଙ୍କ ସହ ମୁକ୍ତ କରାଯିବାର ଥିଲା।
ସେ କହିଛନ୍ତି, ‘ଲାନ୍ଧି ଜେଲର ଅଧିକାରୀଙ୍କ କହିବା ଅନୁସାରେ, ଭାରତୀୟ କଏଦୀ ପ୍ରବଳ ଜ୍ୱର ସହିତ ଛାତିରେ ଯନ୍ତ୍ରଣା ଅନୁଭବ କରିଥିଲେ। ଗତ ସପ୍ତାହରେ ତାଙ୍କ ଦେହ ଅଧିକ ଖରାପ ହୋଇଯାଇଥିଲା। ଫୁସଫୁସ ସଂକ୍ରମଣ ହେତୁ ତାଙ୍କୁ ଡାକ୍ତରଖାନା ପଠାଯାଇଥିଲା। ହେଲେ ସେଠାରେ ତାଙ୍କର ମୃତ୍ୟୁ ଘଟିଥିଲା।
ଅଧିକାରୀଙ୍କ ମୁତାବକ, ଗୁରୁତର ଅସୁସ୍ଥ ରୋଗୀଙ୍କୁ ଚିକିତ୍ସା କରିବା ପାଇଁ ଜେଲ୍ରେ ଡାକ୍ତର କି ହସ୍ପିଟାଲରେ ଉପଯୁକ୍ତ ସୁବିଧା ଏବଂ ଉପକରଣ ନାହିଁ। ତେଣୁ ସେମାନେ ରୋଗୀଙ୍କୁ ଅନ୍ୟ ହସ୍ପିଟାଲ ସ୍ଥାନାନ୍ତର କରିବାକୁ ପରାମର୍ଶ ଦିଅନ୍ତି। କିନ୍ତୁ ଅନେକ ଥର ଏଥିରେ ବିଳମ୍ବ ହୋଇଯାଏ।
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…
ନୂଆଦିଲ୍ଲୀ: ଆଜି ଲୋକସଭା ବାଚସ୍ପତି ନିର୍ବାଚନ । ସ୍ଵାଧୀନତା ପରେ ପ୍ରଥମ ଥର ପାଇଁ ଲୋକସଭା ବାଚିସ୍ପତି ପଦବୀ ପାଇଁ…
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…