ନୁଡଲ୍ସରୁ ବାହାରିଲା ପୋକ । ମଧ୍ୟପ୍ରଦେଶର ଏକ ରେଷ୍ଟୁରାଣ୍ଟରେ ନୁଡଲ୍ସ ଭିତରୁ ପୋକ ବାହାରିବା ପରେ ସେଠାରେ ଉତ୍ତେଜନା ଦେଖାଦେଇଛି । ଲୋକମାନେ ରେଷ୍ଟୁରାଣ୍ଟରେ ହୋହାଲ୍ଲା କରିଥିବା ଜଣାପଡ଼ିଛି । ସେପଟେ ନୁଡଲ୍ସରେ ପୋକ ବାହାରିବାର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ଏହି ଘଟଣା ମଣ୍ଡି ଅଞ୍ଚଳର ବୋଲି କୁହାଯାଉଛି । ଖବର ପାଇ ଖାଦ୍ୟ ବିଭାଗ ଟିମ୍ ରେଷ୍ଟୁରାଣ୍ଟରେ ପହଞ୍ଚି ଖାଦ୍ୟପଦାର୍ଥ ଯାଞ୍ଚ କରିଥିଲା । ଏହା ସହିତ ରେଷ୍ଟୁରାଣ୍ଟରୁ ନୁଡଲ୍ସର ସାମ୍ପଲ୍ ସଂଗ୍ରହ କରି ଯାଞ୍ଚ ପାଇଁ ଭୋପାଳ ଲ୍ୟାବ୍ ପଠାଇଛି ।
ସହରର ମଣ୍ଡି ଅଞ୍ଚଳରେ ଥିବା ଏକ ରେଷ୍ଟୁରାଣ୍ଟରେ ନୁଡଲ୍ସରେ ପୋକ ନଜର ଆସିଥିଲା, ଯାହା ପରେ ସେଠାରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା । ସୂଚନା ଅନୁସାରେ, ଏକ ପରିବାର ଏଠାକୁ ପିଲାମାନଙ୍କ ସହ ଏକାଠି ଖାଇବାକୁ ଆସିଥିଲେ । ହେଲେ ନୁଡଲ୍ସର ଅବସ୍ଥା ଦେଖି ସେମାନେ ଏହାର ଭିଡିଓ କରିଥିଲେ, ଯାହାକି ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
ଘଟଣା ସମ୍ପର୍କରେ ଖାଦ୍ୟ ବିଭାଗରେ ଅଭିଯୋଗ କରାଯାଇଥିଲା । ମାମଲାକୁ ଅବଗତକୁ ନେଇ ବିଭାଗର ଟିମ୍ ରେଷ୍ଟୁରାଣ୍ଟରେ ପହଞ୍ଚି ଖାଦ୍ୟ ଯାଞ୍ଚ କରିଥିଲା । ଏହା ସହିତ ପୂରା ରେଷ୍ଟୁରାଣ୍ଟ ନିରୀକ୍ଷଣ କରିବା ସହ ନୁଡଲ୍ସର ନମୁନା ସଂଗ୍ରହ କରି ଯାଞ୍ଚ ପାଇଁ ଭୋପାଳ ଲ୍ୟାବ୍ ପଠାଇଥିଲା । ତେବେ ଖାଦ୍ୟ ବିଭାଗର ଟିମ୍ ନିରୀକ୍ଷଣ ସମୟରେ ରେଷ୍ଟୁରାଣ୍ଟର ବ୍ୟବସ୍ଥା ଏବଂ ସଫାସୁତରାକୁ ନେଇ ଅସନ୍ତୁଷ୍ଟ ପ୍ରକାଶ କରିଥିଲା ।
ମାମଲାକୁ ନେଇ ବିଭାଗର ଅଧିକାରୀ ସରିକା ଗୁପ୍ତା କହିଛନ୍ତି ଯେ ରେଷ୍ଟୁରାଣ୍ଟରେ ନୁଡଲ୍ସରୁ ପୋକ ବାହାରିବାର ଅଭିଯୋଗ ମିଳିଥିଲା । ନୁଡଲ୍ସର ସାମ୍ପଲ ନେଇ ଯାଞ୍ଚ ପାଇଁ ପଠାଯାଇଛି ଏବଂ ରେଷ୍ଟୁରାଣ୍ଟକୁ ନିରୀକ୍ଷଣ କରାଯାଇଛି । ଯଦି ଯାଞ୍ଚ ବେଳେ ନୁଡଲ୍ସ ଖରାପ ବୋଲି ଜଣାପଡ଼େ, ତା’ ହେଲେ ରେଷ୍ଟୁରାଣ୍ଟ ସଞ୍ଚାଳକଙ୍କ ଉପରେ ନିୟମ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…