ଦେଶ ବିଦେଶ

ବ୍ରାଜିଲରେ ନୂଆ ରାଷ୍ଟ୍ରପତିଙ୍କୁ ବିରୋଧ କରି ହଙ୍ଗାମା, ସଂସଦ ଭବନରେ ଧସେଇ ପଶିଲେ ଆନ୍ଦୋଳନକାରୀ

ବ୍ରାଜିଲର ପୂର୍ବ ରାଷ୍ଟ୍ରପତି ଜାୟର ବୋଲସୋନାରୋଙ୍କ ସମର୍ଥକଙ୍କ ସଂସଦରେ ହଙ୍ଗାମା । ସମର୍ଥକମାନେ ସଂସଦ ଭବନ ଏବଂ ମନ୍ତ୍ରଣାଳୟର ବିଲିଡିଂରେ ଧସେଇ ପଶିଥିଲେ । ସୋସିଆଲ ମିଡିଆରେ ଏବେ ଫଟୋ ଭାଇରଲ ହେବାରେ ଲାଗିଛି । ଭାଇରଲ ଭିଡିଓରେ ଦେଖିବାକୁ ମିଳିଛି, ସମର୍ଥକମାନେ ନୀଳ ଏବଂ ହଳଦିଆ ପତାକା ଧରି ହଜାର ହଜାର ଲୋକ ରାଜଧାନୀର ବ୍ରାସିଲିଆ ସ୍ଥିତ ସଂସଦରେ ଧସେଇ ପସିଥିଲେ । ଭିଡରେ ଥିବା ବହୁତ ଲୋକ ସଂସଦର ଅଧ୍ୟକ୍ଷଙ୍କ ଚେୟାର ଉପରେ ଚଢି ହଙ୍ଗାମା କରିଥିଲେ ।

ରାଷ୍ଟ୍ରପତି ଲୁଇଜ ଇନାସିୟୋ ଲୁଲା ଡି ସିଲଭା ଦାୟିତ୍ୱ ନେବା ପରେ ବିରୋଧ ତେଜୁଛି । ବୋଲସୋନାରୋଙ୍କ ସମର୍ଥକ ରାଜରାସ୍ତାକୁ ଓହ୍ଲାଇଛନ୍ତି । ଆନ୍ଦୋଳନକାରୀ ପୋଲିସ ବ୍ୟାରିକେଡ ଭାଙ୍ଗି କଂଗ୍ରେସ ଭବନ, ରାଷ୍ଟ୍ରପତି ଭବନ ଓ ସୁପ୍ରିମକୋର୍ଟରେ ପ୍ରବେଶ କରିଥିଲେ । ହଳଦିଆ ଓ ନୀଳ ପତାକା ଧରି ହଜାରରୁ ଅଧିକ ପ୍ରଦର୍ଶନକାରୀ କଂଗ୍ରେସ ବିଲ୍ଡିଂରେ ପ୍ରବେଶ କରି ହଙ୍ଗାମା କରିଛନ୍ତି । ବ୍ୟାପକ ଭଙ୍ଗାରୁଜା ବି କରିଛନ୍ତି ଆନ୍ଦୋଳନକାରୀ । ପ୍ରଦର୍ଶନ ସମୟର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି । ସଂସଦ ଭବନରେ ପଶି ସ୍ପିକରଙ୍କ ଚେୟାର ଉପରେ ଚଢିଲେ ଆନ୍ଦୋଳନକାରୀ ।

ଏଥିସହ କିଛି ଆନ୍ଦୋଳନକାରୀ ସେଠାରେ ଖେଳୁଥିବା ମଧ୍ୟ ଦେଖିବାକୁ ମିଳିଛି । ବ୍ରାଜିଲର ରାଜରାସ୍ତାରେ ଜୋରଦାର ବିରୋଧ ପ୍ରଦର୍ଶନ କରିଛନ୍ତି ବୋଲସୋନାରୋଙ୍କ ହଜାର ହଜାର ସମର୍ଥକ । ଦେଶରେ ଆଇନଶୃଙ୍ଖଳା ପରିସ୍ଥିତି ବିଗିଡି ଯାଇଛି ।

ସୂଚନାଯୋଗ୍ୟ, ଗତ ଅକ୍ଟୋବର ମାସ ୩୦ ତାରିଖରେ ହୋଇଥିବା ନିର୍ବାଚନରେ ବୋଲସୋନାରୋଙ୍କୁ ଅତି ସ୍ବଳ୍ପ ଭୋଟ୍‌ ବ୍ୟବଧାନରେ ପରାସ୍ତ କରି ଲୁଲା ରାଷ୍ଟ୍ରପତି ହୋଇଥିଲେ। ଯେହେତୁ ଲୁଲା ଅଳ୍ପ ଭୋଟ୍‌ରେ ବିଜୟୀ ହୋଇଥିଲେ, ତାଙ୍କୁ କ୍ଷମତାସୀନ ନ କରାଇ ଦେବା ଲାଗି ସେନାର ହସ୍ତକ୍ଷେପ ଲୋଡ଼ି କଠୋରପନ୍ଥୀ ବୋଲସୋନାରୋଙ୍କ ସମର୍ଥକମାନେ ବ୍ରାଜିଲ୍‌ ସ୍ଥିତ ‘ଆର୍ମି ବେସ୍‌’ରେ ପ୍ରତିବାଦ ଚଳାଇଥିଲେ।

ରବିବାର ଦିନ ଅସଂଖ୍ୟ ପ୍ରତିବାଦକାରୀ କଂଗ୍ରେସ ଭବନ ଛାତରେ ଚଢ଼ି ଗୋଟାଏ ପତାକା ଉତ୍ତୋଳନ କରିଥିଲେ। ପତାକାରେ ସେନାବାହିନୀକୁ ନିବେଦନ କରି ଲେଖାଯାଇଥିଲା ‘ହସ୍ତକ୍ଷେପ’। ପ୍ରତିବାଦକାରୀମାନେ କବାଟ ଓ ଝରକା ଭାଙ୍ଗି କଂଗ୍ରେସ ଭବନରେ ପ୍ରବଶେ କରିବା ସହିତ ସାଂସଦମାନଙ୍କର କାର୍ଯ୍ୟାଳୟରେ ଭଙ୍ଗାରୁଜା କରିଥିବା କଥା ସୋସିଆଲ ମିଡିଆରେ ଏବେ ଫଟୋ ଭାଇରଲ ହେବାରେ ଲାଗିଛି ।

Swagatika

Recent Posts

ରିଲିୟାନ୍ସ ଜିଓ ସେବା ଡାଉନ, ସୋସିଆଲ ମିଡିଆରେ ଅସନ୍ତୋଷ ପ୍ରକାଶ କଲେ ୟୁଜର୍ସ

ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…

20 seconds ago

ଘାଇଲା କରୁଛି ପାଗଳ ବିଲୁଆ, ଘରୁ ବାହାରିବାକୁ ଡରୁଛନ୍ତି ଲୋକେ

କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…

32 mins ago

ସର୍ବଭାରତୀୟ କବାଡି ପ୍ରତିଯୋଗୀତା ଉଦଯାପିତ, ମହିଳାରେ କିଟ ଏବଂ ପୁରୁଷରେ ସାଉଥ୍ ଇଷ୍ଟର୍ଣ୍ଣ ରେଲୱେ ଦଳ ଚାମ୍ପିଅନ୍

ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…

34 mins ago

ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ, ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା

ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ  । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା  । ଅସହ୍ୟ…

37 mins ago

ଅମରନାଥ ଯାତ୍ରା ପାଇଁ ହେଲିକପ୍ଟର ସେବା ଲାଗି ବୁକିଂ ଆରମ୍ଭ

ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…

43 mins ago

ଇରାନ୍‌: ହସ୍ପିଟାଲରେ ଲାଗିଲା ଭୟଙ୍କର ନିଆଁ, ଦେଖୁ ଦେଖୁ ଜଳିଗଲେ ୯ ଜଣ ରୋଗୀ; ତଦନ୍ତ ପାଇଁ ନିର୍ଦ୍ଦେଶ

ଇରାନ୍‌ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…

58 mins ago