ଗୁଳିମାଡରେ ଜାପାନର ପୂର୍ବ ପ୍ରଧାନମନ୍ତ୍ରୀ ସିଂଜୋ ଆବେ ମୃତ । ନାରା ସହରରେ ଭାଷଣ ଦେବା ବେଳେ ତାଙ୍କ ଛାତିରେ ଗୁଳିମାଡ ହୋଇଥିବା ନେଇ ସୂଚନା ମିଳିଛି । ନିର୍ବାଚନ ପ୍ରଚାର ନେଇ ଏକ ସଭାରେ ଭାଷଣ ଦେବା ବେଳେ ତାଙ୍କ ଉପରେ ଦୁଇ ରାଉଣ୍ଡ ଗୁଳିମାଡ ହୋଇଥିଲା । ଆଜି ସକାଳ ସମୟରେ ଏହି ଘଟଣା ଘଟିଥିଲା । ଆବେଙ୍କ ପଛ ପଟୁ ଏହି ଗୁଳିମାଡ ହୋଇଥିଲା । ଘଟଣା ଘଟିବା ପରେ ହସ୍ପିଟାଲରେ ଗୁଳିମାଡରେ ତାଙ୍କ ମୃତ୍ୟୁ ହୋଇଥିବା ନେଇ ଜଣାଯାଇଛି ।
ସେପଟେ ଆବେଙ୍କ ଉପରେ ଗୁଳିମାଡ଼ ଘଟଣାରେ ବିଶ୍ୱର ପ୍ରମୁଖ ନେତା ଉଦ୍ବେଗ ପ୍ରକାଶ କରିଛନ୍ତି। ତାଙ୍କ ସ୍ୱାସ୍ଥ୍ୟାବସ୍ଥା ଉପରେ ନଜର ରଖିବା ସହ ଆବେଙ୍କ ଆରୋଗ୍ୟ କାମନା କରିଛନ୍ତି । ଏକ ପ୍ରତିଷ୍ଠିତ ରାଜନୈତିକ ପରିବାରରେ ଜନ୍ମଗ୍ରହଣ କରିଥିଲେ ସିଞ୍ଜୋ ଆବେ । ସିଞ୍ଜୋ ଆବେଙ୍କ ଜେଜେବାପା କିଶି ନୋବୁସ୍କେ ୧୯୫୭ରୁ ୧୯୬୦ ଯାଏ ଜାପାନର ପ୍ରଧାନମନ୍ତ୍ରୀ ଭାର ସମ୍ଭାଳିଥିଲେ । ତାଙ୍କ ବାପା ବୈଦେଶିକ ମନ୍ତ୍ରୀ ଭାବେ କାର୍ଯ୍ୟ କରିଛନ୍ତି । ୧୯୯୩ରେ ପିତାଙ୍କ ମୃତ୍ୟୁ ପରେ ଆବେ ସାଧାରଣ ନିର୍ବାଚନ ଲଢିବା ସହ ଜାପାନ ରାଜନୀତିରେ ଜଣେ ଅଗ୍ରଣୀ ବ୍ୟକ୍ତି ଭାବେ ପ୍ରତିଷ୍ଟିତ ହୋଇଥିଲେ । ଜାପାନର ୫୭ତମ ତଥା ୨୦୧୨ ଲିବରାଲ ଡେମୋକ୍ରେଟିକ୍ ପାର୍ଟିର ଚେୟାରମ୍ୟାନ୍ ଭାବେ କାର୍ଯ୍ୟ କରିଛନ୍ତି ଆବେ । ଏହା ପୂର୍ବରୁ ଆବେ ୨୦୦୬ରୁ ୨୦୦୭ ପର୍ଯ୍ୟନ୍ତ ଜାପାନର ପ୍ରଧାନମନ୍ତ୍ରୀ ଭାର ସମ୍ଭାଳିଛନ୍ତି ।
୨୦୦୬ରେ ଜାତୀୟ ସଂସଦର ଏକ ସ୍ୱତନ୍ତ୍ର ଅଧିବେସନ ଦ୍ୱାରା ନିର୍ବାଚିତ ହୋଇଥିଲେ ଆବେ । ୫୨ ବର୍ଷ ବୟସରେ ଜାପାନର ସର୍ବ କନିଷ୍ଠ ପ୍ରଧାନମନ୍ତ୍ରୀ ଓ ୨ୟ ବିଶ୍ୱଯୁଦ୍ଧ ପରେ ପ୍ରଥମ ଜାପାନ ପ୍ରଧାନମନ୍ତ୍ରୀ ହୋଇଥିଲେ । ସ୍ୱାସ୍ଥ୍ୟଗତ କାରଣରୁ ଆବେ ସେପ୍ଟେମ୍ବର ୨୦୦୭ରେ କାର୍ଯ୍ୟରୁ ଇସ୍ତଫା ଦେଇଥିଲେ । ସମୟକ୍ରମେ ତାଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ଆସିଥିଲା । ଏହାପରେ ଆବେ ୨୦୧୨ ଲୋୟର ହାଉସ୍ ନିର୍ବାଚନରେ ଜିତି ପୁଣି ଥରେ ପ୍ରଧାନମନ୍ତ୍ରୀ ଭାର ସମ୍ଭାଳିଥିଲେ । ଆବେ ତାଙ୍କ ଦଳକୁ ଅନେକ ନିର୍ବାଚନରେ ଜିତାଇ ଜାପାନର ଦୀର୍ଘତମ ପ୍ରଧାନମନ୍ତ୍ରୀ ହୋଇଥିଲେ । ସେ ଦେଶରେ ଅର୍ଥନୀତିକୁ ପୁନର୍ଜୀବିତ କରିବାକୁ ଲକ୍ଷ୍ୟ ରଖିଥିବା ତାଙ୍କର ଆବେନାମିକ୍ସ ନୀତି ପାଇଁ ଜଣାଶୁଣା । ଏବଂ ସେ କୁଟନୈତିକ ସାମ୍ମୁଖ୍ୟରେ ଜଣେ ଚତୁର ଅପରେଟର ଥିଲେ । ଜାପାନରେ ସର୍ବାଧିକ ସମୟ ପ୍ରଧାନମନ୍ତ୍ରୀ ଭାବେ ଦାୟିତ୍ୱ ତୁଲାଇଛନ୍ତି ଆବେ। ୨୦୦୬-୨୦୦୭ ଓ ୨୦୧୨-୨୦୨୦ ଯାଏ ଆବେ ପ୍ରଧାନମନ୍ତ୍ରୀ ଥିଲେ।
ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ। ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…
ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…
ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…
ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…
ଉମରକୋଟ: ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ । ନବରଙ୍ଗପୁର ଜିଲ୍ଲା ଉମରକୋଟ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ଡାଙ୍ଗରୀଗୁଡାକୁ…