କେନ୍ୟୁଜ୍ ବ୍ୟୁରୋ: କେମିତି ବଞ୍ଚିଲା ୩ ଶହ ୭୯ ଜୀବନ ? ଏହାକୁ ନେଇ ଏବେ ସବୁଠି ଚର୍ଚ୍ଚା ହେଉଛି। ଟୋକିଓର ହାନେଡା ବିମାନବନ୍ଦରରେ କୋଷ୍ଟଗାର୍ଡ ବିମାନ ଓ ଯାତ୍ରୀବାହୀ ବିମାନ ମଧ୍ୟରେ ଧକ୍କା ହେବା ଫଳରେ ଯାତ୍ରୀବାହୀ ବିମାନ ସମ୍ପୂର୍ଣ୍ଣ ଜଳି ଯାଇଥିଲା । ତେବେ ଆଶ୍ଚର୍ଯ୍ୟଜନକ ଭାବେ ସମସ୍ତ ୩ ଶହ ୭୯ ଯାତ୍ରୀ ସୁରକ୍ଷିତ ରହିବା କିଛି ଚମତ୍କାରଠାରୁ କମ୍ ନ ଥିଲା। କାରଣ ୯୦ ସେକେଣ୍ଡ ଭିତରେ ସମସ୍ତ ଯାତ୍ରୀ ସୁରକ୍ଷିତ ଭାବେ ଉଦ୍ଧାର ହୋଇଥିଲେ ।
ତେବେ ଲୋକଙ୍କ ଜୀବନ ବଞ୍ଚାଇଥିବା କୋଷ୍ଟଗାର୍ଡ ବିମାନର ସମସ୍ତ ୬ କ୍ରୁ ମେମ୍ବରଙ୍କ ମୃତ୍ୟୁ ହୋଇଥିଲା । ବିଶେଷଜ୍ଞଙ୍କ ସହାୟତାରେ ଅତ୍ୟନ୍ତ କୌଶଳର ସହ ବିମାନରୁ ଯାତ୍ରୀଙ୍କୁ ବାହାର କରିବା, କ୍ରୁ ସଦସ୍ୟଙ୍କ ଚତୁରତା, ଉପସ୍ଥିତ ବୁଦ୍ଧି ଓ ଯାତ୍ରୀଙ୍କ ଉଚିତ୍ ଆଚରଣ ଯୋଗୁ ଏତେ ଜୀବନ ରକ୍ଷା ହୋଇ ପାରିଥିବା କହିଛନ୍ତି ବିମାନ ଚଳାଚଳ ବିଶେଷଜ୍ଞ ।
ରିପୋର୍ଟ ଅନୁଯାୟୀ, ମାତ୍ର ୯୦ ସେକେଣ୍ଡ ମଧ୍ୟରେ ଉଦ୍ଧାର କାର୍ଯ୍ୟ ହୋଇଥିଲା । ଦୁର୍ଘଟଣାର ୨ ଘଣ୍ଟା ପୂର୍ବରୁ ସମସ୍ତ ଯାତ୍ରୀଙ୍କୁ ସେଫ୍ଟି ଭିଡିଓ ଦେଖାଇଥିଲେ କ୍ରୁ ମେମ୍ବର । କୌଣସି ଜରୁରୀକାଳୀନ ପରିସ୍ଥିତିରେ ଯାତ୍ରୀଙ୍କ ଦାୟିତ୍ବ କ’ଣ, ସେମାନେ କ’ଣ କରିବା କଥା, ତାହା ସେମାନଙ୍କୁ ବୁଝାଯାଇଥିଲା । ପ୍ରଥମେ ଜୀବନ ଓ ପରେ ଲଗେଜ୍ କଥା ଚିନ୍ତା କରିବାକୁ ବିମାନ ଆଟେଣ୍ଡାଣ୍ଟ କହିଥିଲେ ।
ତେବେ ଦୁର୍ଘଟଣା ପରେ କେବିନ କ୍ରୁ ସଦସ୍ୟ ବେଶ୍ ଧୀରସ୍ଥିର ଭାବେ ଚତୁରତାର ସହ ସ୍ଥିତି ସମ୍ଭାଳିଥିଲେ । ଉଦ୍ଧାର କାର୍ଯ୍ୟ କରିବାକୁ ବିମାନର ୩ ଏମର୍ଜେନ୍ସି ସ୍ଲାଇଡସ୍ ଓ ୫ଟି ଏକଜିଟ୍ ଗେଟ୍ ବ୍ୟବହାର କରାଯାଇଥିଲା । ବିମାନରେ ଧୂଆଁ ବଢିବା ଆଗରୁ ସମସ୍ତ ଯାତ୍ରୀଙ୍କୁ ସୁରକ୍ଷିତ ବାହାର କରିବାକୁ ଲାଗି ପଡିଥିଲେ କ୍ରୁ ସଦସ୍ୟ ।
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…
ପୁରୀ (କେନ୍ୟୁଜ) : ଆଜି ପବିତ୍ର ଦେବସ୍ନାନ ପୂର୍ଣ୍ଣିମା । ଆଜି ସ୍ନାନ ବେଦୀରୁ ଗଜବେଶରେ ଅଗଣିତ ଭକ୍ତଙ୍କୁ ଦର୍ଶନ…