ଇସ୍ରାଏଲ ଉପରେ ଗତ ରାତିରେ ଇରାନ୍ ୨୦୦ରୁ ଅଧିକ ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣ କରିଛି, ଯାହା ପରେ ବିଶ୍ୱରେ ତୃତୀୟ ବିଶ୍ୱଯୁଦ୍ଧ ନେଇ ଆଶଙ୍କା କରାଯାଉଛି । ଇସ୍ରାଏଲ ଉପରେ ଇରାନ ଆକ୍ରମଣର ତୁରନ୍ତ ପରେ ଆମେରିକା ରାଷ୍ଟ୍ରପତି ଜୋ ବାଇଡେନ ଏକ ଜରୁରୀକାଳୀନ ବୈଠକ କରିଛନ୍ତି । ଏହା ସହିତ ବାଇଡେନ ଇରାନ କରିଥିବା ଆକ୍ରମଣକୁ କଡ଼ା ନିନ୍ଦା କରିଛନ୍ତି ।
ଇସ୍ରାଏଲ ଉପରେ ଇରାନର ଆକ୍ରମଣ ପରେ ଆମେରିକା ବହୁତ ସତର୍କ ହୋଇପଡିଛି ଏବଂ ବର୍ତ୍ତମାନ ଏକ ବଡ଼ ପଦକ୍ଷେପ ନେବାକୁ ଯାଉଛି । ପ୍ରଥମ ପଦକ୍ଷେପ ସ୍ୱରୂପ ଇରାନ-ଇସ୍ରାଏଲ ଯୁଦ୍ଧ ସମ୍ଭାବନାକୁ ଦୃଷ୍ଟିରେ ରଖି ବାଇଡେନ ପରବର୍ତ୍ତୀ ପରିସ୍ଥିତି ଉପରେ ଆଲୋଚନା କରିବା ପାଇଁ ଆଜି ହିଁ ଜି-୭ ନେତାମାନଙ୍କ ବୈଠକ ଡକାଇଛନ୍ତି । ଆମେରିକା ରାଷ୍ଟ୍ରପତି କହିଥିଲେ ଯେ ଇରାନର ଆକ୍ରମଣ ଉପରେ ମିଳିତ କୂଟନୈତିକ କାର୍ଯ୍ୟାନୁଷ୍ଠାନ ପାଇଁ ମୁଁ ଜି-୭ ନେତାଙ୍କ ସହ ବୈଠକ କରିବି ।
ବାଇଡେନଙ୍କ ଏହି ପ୍ରତିକ୍ରିୟା ଭିତରେ ଆମେରିକା ସେନା ଇରାନର ଡ୍ରୋନ୍ ଏବଂ କ୍ଷେପଣାସ୍ତ୍ରକୁ ମାରି ଖସାଇବା ଉଦ୍ୟମରେ ସାହାଯ୍ୟ କରିଛି । ଇସ୍ରାଏଲ୍ କହିଛି ଯେ ସେ ଏବଂ ତା’ର ସହଯୋଗୀ ଦେଶ ଇରାନ ତରଫରୁ ଛଡ଼ାଯାଇଥିବା ୨୦୦ରୁ ଅଧିକ ଡ୍ରୋନ୍ ଏବଂ କ୍ଷେପଣାସ୍ତ୍ର ମଧ୍ୟରୁ ଅଧିକାଂଶକୁ ମଝିରେ ହିଁ ରୋକି ଦେଇଛନ୍ତି ।
ବାଇଡେନ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁଙ୍କ ସହ ଫୋନରେ କଥା ହୋଇଛନ୍ତି । ସେ କହିଛନ୍ତି ଯେ ଆଜି ସକାଳେ ଇରାନ ଏବଂ ୟେମେନ, ସିରିଆ ଓ ଇରାକରେ ଏହାର ସହୃଦୟୀମାନେ ଇସ୍ରାଏଲରେ ସାମରିକ ପ୍ରତିଷ୍ଠାନଗୁଡ଼ିକୁ ଲକ୍ଷ୍ୟ କରି ଆକ୍ରମଣ କରିଛନ୍ତି ।
ଇସ୍ରାଏଲ ପ୍ରଧାନମନ୍ତ୍ରୀଙ୍କ ସହ ଫୋନରେ କଥା ହେବା ପରେ ବାଇଡେନ କହିଛନ୍ତି ଯେ ଆମେ ଇସ୍ରାଏଲକୁ ସମ୍ପୂର୍ଣ୍ଣ ସାହାଯ୍ୟ କରିବୁ । ଗତ ସପ୍ତାହରେ ମଧ୍ୟ ବାଇଡେନଙ୍କ ନିର୍ଦ୍ଦେଶରେ ଆମେରିକା ସେନା ଇସ୍ରାଏଲକୁ ସାହାଯ୍ୟ କରିବା ପାଇଁ ବିମାନ ଏବଂ ବାଲିଷ୍ଟିକ୍ କ୍ଷେପଣାସ୍ତ୍ର ପ୍ରତିରକ୍ଷା ବିଧ୍ୱଂସକ ପଠାଇଥିଲା ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…