ମୁମ୍ବାଇ : ଅମୀରଙ୍କ ଠାରୁ ଆରମ୍ଭ ହୋଇଥିବା ଏହି କରୋନା ମହାମାରୀ ଏବେ ଗରୀବଙ୍କ ପାଇଁ ପାଲଟିଛି ସଙ୍କଟ । କାମଖୋଜ୍ରେ ଗାଁରୁ ସହର ଆସିଥିବା ଏହି ଶ୍ରମିକଙ୍କ ପେଟ ଏବେ ଭୋକିଲା । ଚୁଲିରେ ଲାଗୁନି ନିଆଁ ।
ଲକ୍ଡାଉନ୍ ଏବେ ଭାଙ୍ଗି ଦେଇଛି ସେମାନଙ୍କର ଝାଟିମାଟିର ଘର । ଦାନା ମୁଠାଏ ପାଇଁ ପୁରୁଷ ପୁରୁଷ ଧରି ଏହି ବସ୍ତିରେ ଜୀବନକୁ ଜୁଝୁଥିବା ମଣିଷଟି ପୁଣି ଥରେ ଫେରିଯାଇଛି ଗାଁକୁ । ଆଉ ସେ ଫେରିବ କି ନାହିଁ ଜାଣିନି ।
ବସ୍ତି ଏବେ ଖାଁ ଖାଁ । ସବୁଠି ନିରବତାର ରାଜତ୍ୱ । ଏ ହେଉଛି ମୁମ୍ବାଇ କ୍ରାନ୍ତିନଗର ନିକଟ ରାମଗଡ଼ ବସ୍ତି । ଏଠାରୁ ପ୍ରାୟ ୪୦ ପ୍ରତିଶତ ଲୋକ ଘର ଛାଡ଼ି ଗାଁକୁ ଚାଲିଯାଇଛନ୍ତି । କେହି କେହି ଏଇଠୁ ଜନ୍ମ ହୋଇ ବାର୍ଦ୍ଧକ୍ୟରେ ପହଞ୍ଚିଲେଣି ।
ଜୀବନର ଶେଷ ସମୟରେ ଭୋକର ଜ୍ୱାଳା ସହି ନପାରି ଗାଁକୁ ଫେରିବାକୁ ବାଧ୍ୟ ହୋଇଛନ୍ତି । ଗାଡ଼ି ଭଡ଼ା ନଥିବାରୁ ହଜାର ହଜାର କିଲୋମିଟର ଚାଲିକରି ଯିବାକୁ ପଡ଼ିଛି । ଆଉ ଯିଏ ରହି ଯାଇଛନ୍ତି ଭୋକ ଉପାସରେ ପଡ଼ି ରହିଛନ୍ତି ।
ଏ ହେଉଛନ୍ତି ୭୦ ବର୍ଷ ବୟସ୍କ ଶକୁନ୍ତଳା ପାଲ୍ । କିଛି ବର୍ଷ ତଳେ ସ୍ୱାମୀଙ୍କର ମୃତ୍ୟୁ ହୋଇଯାଇଛି । ଏକାକୀ ରହୁଛନ୍ତି ଏହି ବସ୍ତିରେ । ପୂର୍ବରୁ କାହାର ସହାୟତାରେ ଦୁଇ ଓଳି ଖାଇବାକୁ ମିଳିଯାଉଥିଲା ।
ଏବେ ନିଜର ଅସହାୟତାକୁ ନେଇ ଲୁହ ଗଡ଼ାଇବା ଛଡ଼ା ଆଉ କିଛି ଉପାୟ ନାହିଁ । ସେମିତି ଆଉ ଜଣେ ହେଉଛନ୍ତି ଗୋବିନ୍ଦ । ୧୫ ବର୍ଷ ତଳେ ଗୋରଖପୁରରୁ ଆସିଥିଲେ । ପରିବାରର ୩ ପିଲାଙ୍କ ସହ ୫ ଜଣ ସଦସ୍ୟ ପେଣ୍ଟର କାମ କରି ଚଳୁଥିଲେ ।
ଟିବି ହେବା ପରେ ପତ୍ନୀ ଯାହା ରୋଜଗାର କରି ଆଣୁ ଥିଲେ ପରିବାର ଚଳୁଥିଲା । ଏବେ ଲକ୍ଡାଉନ୍ ପାଇଁ କାମଧନ୍ଦା ବନ୍ଦ । ତେବେ ପରିବାର ଗାଁ ଯିବା ଏକମାତ୍ର ବିକଳ୍ପ ଥିଲେ ହେଁ ଅର୍ଥ ଅଭାବରୁ ତାହା ବି ବନ୍ଦ ।
ଏବେ ଜୀବନ କେମିତି ବିତିବ ସେ ନେଇ ଚିନ୍ତିତ । ଏଥି ପାଇଁ ପ୍ରଶାସନ ଉପରେ କିଛି ଲୋକ ପ୍ରତିକ୍ରିୟା ପ୍ରକାଶ କରିଛନ୍ତି । ଏହା ମାତ୍ର କେତୋଟି ଦୃଷ୍ଟାନ୍ତ । ମୁମ୍ବାଇରେ ଏପରି ଅନେକ ବସ୍ତି ଅଛି ଯେଉଁଠି ଏହା ଠୁ ବି ଭୟଙ୍କର ସ୍ଥିତି । ଏତିକି କୁହାଯାଇ ପାରେ ଏମାନଙ୍କୁ କେବଳ ଭଗବାନ ହିଁ ଭରସା ।
ବିହାରର ପାଟନା ଏୟାରପୋର୍ଟକୁ ବୋମାରେ ଉଡ଼ାଇ ଦେବାକୁ ମିଳିଛି ଧମକ । ଏହି ଧମକ ଇ-ମେଲ୍ ମାଧ୍ୟମରେ ମିଳିଛି, ଯାହାକୁ…
ଭାରତୀୟ ଟିମ୍ ଟି୨୦ ବିଶ୍ୱକପ ୨୦୨୪ ସୁପର-୮ ମ୍ୟାଚ ଖେଳିବାକୁ ୱେଷ୍ଟଇଣ୍ଡିଜରେ ପହଞ୍ଚିସାରିଛି । ଟିମ୍ ବ୍ରିଜଟାଉନରେ କଠିନ ଅଭ୍ୟାସ…
ଆଜିକାଲି ଲୋକମାନେ ବଢୁଥିବା ଓଜନକୁ ନେଇ ଚିନ୍ତିତ ରହୁଛନ୍ତି । ଯଦି ଆପଣ ମଧ୍ୟ ଏକ୍ସରସାଇଜ୍ କରିବା ପରେ ମଧ୍ୟ…
କେନ୍ୟୁଜ (ବ୍ୟୁରୋ) : ଭୁବନେଶ୍ୱର ଡ୍ରେନରେ ଭାସିଯାଇଥିବା ନାବାଳକ ଉଦ୍ଧାର । ଆଜି ୟୁନିଟ ୩ ମସଜିଦ କଲୋନୀ ନିକଟରେ…
ଅଲକା ୟାଗନିକ୍ ଜଣେ ପ୍ରସିଦ୍ଧ ବଲିଉଡ୍ ଗାୟିକା । ସଙ୍ଗୀତ ଦୁନିଆରେ ତାଙ୍କୁ କିଏ ବା ନ ଜାଣେ ।…
ସିକ୍କିମ୍ରେ ବର୍ତ୍ତମାନ ସ୍ଥିତି ସାଂଘାତିକ । ଏଠାରେ କ୍ରମାଗତ ବର୍ଷା ଏବଂ ଭୂସ୍ଖଳନ ଯୋଗୁ ପରିସ୍ଥିତି ଜଟିଳ ହୋଇପଡ଼ିଛି ।…