photo: India.com
ଭାଗ୍ୟ ବଦଳିବାକୁ ବେଶି ବିଳମ୍ବ ହୁଏନାହିଁ…ଏ କଥା ମୁମ୍ବାଇର ବସ୍ତି ଅଞ୍ଚଳରେ ରହୁଥିବା ୧୪ ବର୍ଷୀୟା ଜଣେ ବାଳିକା କ୍ଷେତ୍ରରେ ସତ ପ୍ରମାଣିତ ହୋଇଛି। ଯାହାକୁ କେବେ ସମ୍ଭ୍ରାନ୍ତ ଶ୍ରେଣୀର ଲୋକେ ଜାଣି ସୁଦ୍ଧା ନ ଥିଲେ, ତା’ ବିଷୟରେ ଏବେ ଲକ୍ଷ ଲକ୍ଷ ଲୋକ ଚର୍ଚ୍ଚା କରୁଛନ୍ତି। ସୋସିଆଲ ମିଡିଆରେ ତା’ର ଫଟୋ ସବୁ ଭାଇରାଲ ହେଉଛି। ତ ଆସନ୍ତୁ ଜାଣିବା କିଏ ଏହି ବାଳିକା ‘ମଲିଶା ଖାର୍ଓ୍ଵା’ ଏବଂ କ’ଣ ତା’ର କାହାଣୀ…
ମଲିଶା ମୁମ୍ବାଇର ଧରାଭି ବସ୍ତିରେ ରୁହନ୍ତି। ଗରିବ ଘରୁ ଆସିଥିବା ଏହି କୁନି ଝିଅଟିକୁ ନିକଟରେ ଜଣାଶୁଣା ମହଙ୍ଗା ବ୍ୟୁଟି ବ୍ରାଣ୍ଡ ‘ଫରେଷ୍ଟ୍ ଏସେନ୍ସିଆଲ୍ସ’ ନିଜର ବ୍ରାଣ୍ଡ ଆମ୍ବାସାଡର କରିଛି। ମଲିଶା ଫରେଷ୍ଟ୍ ଏସେନ୍ସିଆଲ୍ସର ‘ଦ ଯୁବତୀ’ କଲେକ୍ସନର ଚେହେରା ପାଲଟି ଯାଇଛନ୍ତି, ଯାହା ପରଠାରୁ ସେ ସୋସିଆଲ ମିଡିଆରେ ଏକ୍ଦମ ଛାଇ ଯାଇଛନ୍ତି। ଲୋକେ ମଧ୍ୟ ତାଙ୍କ ବିଷୟରେ ଜାଣିବା ପାଇଁ ବେଶ୍ ଉତ୍ସାହୀ ଅଛନ୍ତି।
ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ମଲିଶା ଫରେଷ୍ଟ୍ ଏସେନ୍ସିଆଲ୍ସର ଷ୍ଟୋର୍ରେ ପହଞ୍ଚୁଛନ୍ତି। ସେଠାରେ ନିଜର ବ୍ୟାନର ଦେଖି ଖୁସିରେ ନାଚି ଉଠୁଛନ୍ତି। ବୋଧହୁଏ ସେ କେବେ ବିଶ୍ୱାସ କରି ନ ଥିଲେ ଯେ କୌଣସି ସେଲିବ୍ରିଟିଙ୍କ ଭଳି ତାଙ୍କର ବ୍ୟାନର ବି ଲାଗିବ ଏବଂ ତାଙ୍କ ଫଟୋ କୌଣସି ପ୍ରଡକ୍ଟ ଉପରେ ଛପିବ। ଭିଡିଓଟିକୁ ଏ ପର୍ଯ୍ୟନ୍ତ ୫୦ ଲକ୍ଷରୁ ଅଧିକ ଭ୍ୟୁ ମିଳି ସାରିଲାଣି।
ରିପୋର୍ଟ ମୁତାବକ, ମଲିଶାଙ୍କ ମଡେଲିଂ କ୍ୟାରିୟର ୨୦୨୦ରୁ ଆରମ୍ଭ ହୋଇଥିଲା। ସେହି ସମୟରେ ତାଙ୍କୁ ହଲିଉଡ୍ ଆକ୍ଟର ରବର୍ଟ ହଫ୍ମ୍ୟାନ ସ୍ପଟ୍ କରିଥିଲେ। ବାସ୍ତବରେ, ରବର୍ଟ ମୁମ୍ବାଇରେ ଏକ ମ୍ୟୁଜିକ୍ ଭିଡିଓ ସୁଟ୍ କରିବାକୁ ଆସିଥିଲେ। ସେତେବେଳେ ତାଙ୍କର ନଜର କୁନି ଝିଅଟି ଉପରେ ପଡ଼ିଥିଲା। ସେ ମଲିଶାଙ୍କୁ ସାହାଯ୍ୟ ପାଇଁ ଏକ କ୍ରାଉଡ୍ ଫଣ୍ଡିଂ ଆକାଉଣ୍ଟ ମଧ୍ୟ ତିଆରି କରିଥିଲେ, ଯାହା ଜରିଆରେ ଏ ପର୍ଯ୍ୟନ୍ତ ପାଖାପାଖି ୧୦.୭ ଲକ୍ଷ ଟଙ୍କା ସଂଗୃହୀତ ହୋଇ ପାରିଛି।
ମଲିଶା ଅନେକ ମଡେଲିଂ ଇଭେଣ୍ଟସ୍ରେ ଭାଗ ନେଇଛନ୍ତି। ସେ ଏକ ଶର୍ଟ ଫିଲ୍ମ ‘Live Your Fairy Tale’ର ମଧ୍ୟ ନଜର ଆସିଛନ୍ତି। ଇନ୍ଷ୍ଟାଗ୍ରାମରେ ତାଙ୍କର ୨ ଲକ୍ଷରୁ ଅଧିକ ଫଲୋୟର୍ସ ଅଛନ୍ତି। ବର୍ତ୍ତମାନ ମଲିଶା ମଡେଲିଂ ସହିତ ନିଜ ପାଠପଢ଼ା ଉପରେ ବି ଫୋକସ୍ କରୁଛନ୍ତି।
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…
ଆମେରିକାରେ ଫାଦର୍ସ ଡେ ରେ ଆୟୋଜିତ ହେଇଥିବା କାର୍ଯ୍ୟକ୍ରମରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହି ଘଟଣାରେ ବିମାନରେ ଥିବା…
ପୋଲସରା(କେନ୍ୟୁଜ): ଅସହ୍ୟ ଗରମରେ ଭକ୍ତମାନେ ଛୁଟି ଆସିଛନ୍ତି ମନ୍ଦିର । ମା’ଙ୍କ ଅପୂର୍ବ ଆଳତି ଦର୍ଶନ କରିବାର ସୌଭାଗ୍ୟ ନେଇଛନ୍ତି…
ଉତ୍ତର ପ୍ରଦେଶର ମେରଠରେ ଥିବା ଏକ ଓ୍ଵାଟର ପାର୍କରେ ଘଟିଛି ବଡ଼ ଦୁର୍ଘଟଣା । ଏଠାରେ ସ୍ଲାଇଡିଂ କରିବା ସମୟରେ…
କରଞ୍ଜିଆ : କେନ୍ଦୁଝର ଓ ମୟୂରଭଞ୍ଜରେ ୨୭ ଟିକିଆ ହାତୀପଲଙ୍କ ଉତ୍ପାତ । ଲୋକଙ୍କ ଆଖିରୁ ନିଦ ହଜି ଗଲାଣି…