photo: indiatv
ରାଜସ୍ଥାନ ଜୟପୁରରେ ବିଦେଶୀ ମହିଳାଙ୍କୁ ଅଶ୍ଳୀଳ ଢଙ୍ଗରେ ଛୁଇଁବା ଏବଂ ଅସଦାଚରଣ କରିବାର ଏକ ମାମଲା ସାମ୍ନାକୁ ଆସିଛି। ଏଠାକାର ଜଣେ ଟ୍ୟାକ୍ସି ଡ୍ରାଇଭରଙ୍କ ନାଁରେ ଏପରି ଅଭିଯୋଗ ହୋଇଛି। ଘଟଣାର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
ସୂଚନା ରହିଛି ଯେ ହୋଟେଲରୁ ଚାଲି ଚାଲି ଫେରୁଥିବା ସମୟରେ ଜଣେ ଟ୍ୟାକ୍ସି ଡ୍ରାଇଭର ବିଦେଶୀ ମହିଳାଙ୍କ ପଛେ ପଛେ ଆସିଥିଲେ। କିଛି ସମୟ ପରେ ସେ ତାଙ୍କ ନିକଟତର ହୋଇଥିଲେ ଏବଂ ମହିଳାଙ୍କ କାନ୍ଧରେ ହାତ ପକାଇ ବାହୁକୁ ଧରି ଅଶ୍ଳୀଳ ହରକତ କରିବାକୁ ଲାଗିଥିଲେ।
ଟ୍ୟାକ୍ସି ଡ୍ରାଇଭରଙ୍କର ଏପରି ହରକତର ଭିଡିଓକୁ ଦିଲ୍ଲୀ ମହିଳା ଆୟୋଗ ଅଧ୍ୟକ୍ଷା ସ୍ୱାତି ମାଲିଓ୍ଵାଲ ଟ୍ୱିଟ କରିଛନ୍ତି। ଏଥିରେ ସେ ଲେଖିଛନ୍ତି, ‘ଏହା ବହୁତ ଲଜ୍ଜାଜନକ ଘଟଣା। ଏପରି ଘଟଣା ଦେଶର ନାଁକୁ ବଦନାମ୍ କରୁଛି’। ସେପଟେ ସ୍ଥାନୀୟ ବିଧାୟକପୁରୀ ଥାନା ପୋଲିସ ମାମଲାର ତଦନ୍ତ ପାଇଁ ଏକ ଟିମ୍ ଗଠନ କରିଛି। ଅଭିଯୁକ୍ତ ଟ୍ୟାକ୍ସି ଡ୍ରାଇଭରଙ୍କ ବିଷୟରେ ସୂଚନା ସଂଗ୍ରହ କରାଯାଉଛି।
ଜୟପୁର ପୋଲିସ କଣ୍ଟ୍ରୋଲ ରୁମ୍ ଭିଡିଓ ଯାଞ୍ଚ ପାଇଁ ସିନ୍ଧି କ୍ୟାମ୍ପ ପୋଲିସ ଷ୍ଟେସନ ପଠାଇଥିଲା ଏବଂ ସ୍ଥାନଟି ବିଧାୟକପୁରୀ ଥାନା ଅଞ୍ଚଳ ବୋଲି ଚିହ୍ନଟ ହୋଇଥିଲା। ଅଧିକାରୀମାନେ କହିଛନ୍ତି ଯେ ମାମଲା ସେଠାକୁ ସ୍ଥାନାନ୍ତର କରାଯାଇଛି। ଅଭିଯୁକ୍ତ ଟ୍ୟାକ୍ସି ଡ୍ରାଇଭରଙ୍କୁ ପୋଲିସ ଖୋଜାଖୋଜି କରୁଛି।
ପୋଲିସ ମୁତାବକ, ଟ୍ୟାକ୍ସି ଡ୍ରାଇଭରଙ୍କ ସହ ଯେଉଁ ବିଦେଶୀ ମହିଳା ପର୍ଯ୍ୟଟକ ଚାଲୁଥିଲେ, ତାଙ୍କ ସହ ଏ ପର୍ଯ୍ୟନ୍ତ ଯୋଗାଯୋଗ ହୋଇପାରି ନାହିଁ। ଭିଡିଓକୁ ମହିଳାଙ୍କର ଜଣେ ପରିଚିତ ଲୋକ ସେୟାର କରିଛନ୍ତି। ପୋଲିସ ଘଟଣାର ତଦନ୍ତ କରୁଛି।
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…