photo credit: punjabkesari.in
ନୀମଚ : କରୋନା ଯୁଦ୍ଧରେ ଆମ ଦେଶର ନାଗରିକ ପୁରା ତାକତର ସହ ଲଢ଼ିଛନ୍ତି । ତେବେ ଏଥିରେ ଡାକ୍ତରଙ୍କ ଭୂମିକା ସର୍ବୋପରି । ଦେଶର ନାଗରିକ ଏହି କରୋନା ଯୋଦ୍ଧାଙ୍କୁ ବିଭିନ୍ନ ଢ଼ଙ୍ଗରେ ସମ୍ମାନ ପ୍ରଦର୍ଶନ କରିଛନ୍ତି । ମଧ୍ୟପ୍ରଦେଶର ଜଣେ ଯୁବକ କରୋନା ଯୋଦ୍ଧାଙ୍କୁ ସମ୍ମାନ ପ୍ରଦର୍ଶନ କରି ଏମିତି କିଛି କରିଛନ୍ତି ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ ।
ମଧ୍ୟ ପ୍ରଦେଶ ନୀମଚ ଜିଲ୍ଲାର କୁଚଦୌଡ ନାମକ ଏକ ଛୋଟ ଗାଁରେ ରୁହନ୍ତି ୩୦ ବର୍ଷୀୟ ରାହୁଲ ଲୋହାର । ରାହୁଲ ଏକ ମାସ୍କ ଉପରେ ୪୪ ଜଣ ଡାକ୍ତରଙ୍କ ଚିତ୍ର ଆଙ୍କିଛନ୍ତି ଯେଉଁମାନେ କରୋନା ଯୁଦ୍ଧରେ ଲଢ଼ି କରି ସହିଦ ହୋଇଯାଇଛନ୍ତି । ଚୀନ୍ର ବୁହାନରେ ସହିଦ ହୋଇଥିବା ଡାକ୍ତରଙ୍କ ଠାରୁ ଆରମ୍ଭ କରି ଦେଶର ବିଭିନ୍ନ ଭାଗରେ ସହିଦ ହୋଇଥିବା ୪୪ ଜଣ ଡାକ୍ତରଙ୍କ ପୋଟ୍ରେଟ୍ ଅତି ସୁନ୍ଦର ଭାବରେ ଏକ ମାସ୍କ ଉପରେ ଆଙ୍କିଛନ୍ତି । କରୋନା ସମୟରେ ବିଭିନ୍ନ ପ୍ରକାର ମାସ୍କ ଡିଜାଇନ୍ କରାଯାଇଛି ।
ତେବେ ଲୋହାରଙ୍କ ଏହି ପେଣ୍ଟିଂ ମାସ୍କ କିଛି ଭିନ୍ନ ପ୍ରକାରର । ରାହୁଲ ପ୍ରାୟ ୧୨ ଘଣ୍ଟା ପରିଶ୍ରମ କରି ଏହି ପେଣ୍ଟିଂ ବନାଇଛନ୍ତି । ସେ ଏଥିରେ ଇକୋ ଫ୍ରେଣ୍ଡ୍ଲି ଓ୍ଵାଟର କଲର୍ ବ୍ୟବହାର କରିଛନ୍ତି । ରାହୁଲଙ୍କ ଏହି ମାସ୍କ ଇଣ୍ଟରନେଟ୍ ମାଧ୍ୟମରେ ଲୋକଙ୍କ ନିକଟରେ ପହଞ୍ଚିବା ପରେ ଏହାକୁ ଖୁବ୍ ପ୍ରଶଂସା କରାଯାଇଛି ।
ରାହୁଲ ଏକ ମଧ୍ୟମ ବର୍ଗ ପରିବାରରୁ ଆସିଥିବା ବେଳେ ପିଲାଦିନରୁ ତାଙ୍କର ପେଣ୍ଟିଂ ପ୍ରତି ଆକର୍ଷଣ ଥିଲା । ଆଜି ସେ ଏକ ୫x ୮ ଇଞ୍ଚ୍ର ମାସ୍କରେ ୧୨ ଘଣ୍ଟା ପରିଶ୍ରମ କରି ଏହି ସୁନ୍ଦର ମାସ୍କ ତିଆରି କରିପାରିଛନ୍ତି । ରାହୁଲ ଏହି ପେଣ୍ଟିଂ ମାଧ୍ୟମରେ ସବୁଠି ପରିଚିତ ହେବାକୁ ଲାଗିଛନ୍ତି ।
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…