photo: AutoGuide.com
ମୁମ୍ବାଇର ଏକ କୋର୍ଟ ଦୁର୍ଘଟଣାଜନିତ ମୃତ୍ୟୁ ମାମଲାରେ ଜଣେ ଅଭିଯୁକ୍ତ ଅଟୋ ଚାଳକଙ୍କୁ ଦୋଷମୁକ୍ତ କରିଛନ୍ତି। କୋର୍ଟ କହିଛନ୍ତି କି, ଯଦି ରାସ୍ତା ଖରାପ ଅଛି, ତ ମୃତ୍ୟୁ ପାଇଁ ଚାଳକଙ୍କୁ ଦୋଷୀ ବୋଲି ଗ୍ରହଣ କରାଯାଇ ପାରିବ ନାହିଁ। ସୂଚନାଥାଉ କି, ସ୍ଥାନୀୟ ଆରେ କଲୋନୀରେ ୧୧ ବର୍ଷ ତଳେ ଜଣେ ଅଟୋ ଚାଳକ ଭାରସାମ୍ୟ ହରାଇ ଏକ ଖମ୍ବରେ ନିଜ ଅଟୋକୁ ପିଟି ଦେଇଥିଲେ। ଫଳରେ ଅଟୋରେ ଥିବା ଯାତ୍ରୀଙ୍କ ମଧ୍ୟରୁ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୩ ଆହତ ହୋଇଥିଲେ। ଏହି ମାମଲାରେ ଚାଳକଙ୍କ ଉପରେ କେସ୍ ଚାଲିଥିଲା।
ମାମଲାର ଶୁଣାଣି ବେଳେ କୋର୍ଟ କହିଛନ୍ତି, ରାସ୍ତା ଆବଡ଼ାଖାବଡ଼ା ଥିଲେ ଚାଳକଙ୍କ ବିନା ଭୁଲ୍ରେ ବି ଦୁର୍ଘଟଣା ଘଟିପାରେ। ତେଣୁ କୋର୍ଟ ଅଭିଯୁକ୍ତ ଡ୍ରାଇଭରଙ୍କୁ ନିର୍ଦ୍ଦୋଷ ଘୋଷଣା କରିଛନ୍ତି। ସେତେବେଳେ ଡ୍ରାଇଭରଙ୍କ ଉପରେ ଅଭିଯୋଗ ଆସିଥିଲା କି, ସେ ଜିଗ୍ଜ୍ୟାଗ୍ ତରିକାରେ ଅଟୋ ଚଲାଉଥିଲେ, ଯେଉଁ କାରଣରୁ ଏହି ଦୁର୍ଘଟଣା ଘଟିଥିଲା। କୋର୍ଟ କହିଛନ୍ତି, ଯେଉଁ ରାସ୍ତାରେ ଅଭିଯୁକ୍ତ ଅଟୋରିକ୍ସା ଚଲାଉଥିଲେ, ତାହା ଖରାପ ଥିଲା। ଏହିଭଳି ରାସ୍ତାରେ ଡ୍ରାଇଭର ଠିକ୍ ଭାବେ ଅଟୋରିକ୍ସା ଚଲାଇ ପାରି ନ ଥାଏ।
ମୃତକ ନାସିନ୍ ବଗଦାଦୀଙ୍କ ଝିଅ ସ୍ନେହଲ ଦେସାଇ ଏବଂ ତାଙ୍କର ଦୁଇ ନାତି ଦାନେଶ ଓ ସାହିଲ ଏହି ଦୁର୍ଘଟଣାରେ ଆହତ ହୋଇଥିଲେ। ଦୁର୍ଘଟଣା ପାଇଁ ଡ୍ରାଇଭର ସୂରଜ କୁମାର ଜାୟସଓ୍ଵାଲଙ୍କ ବିରୋଧରେ ଦାୟିତ୍ୱହୀନତାରୁ ମୃତ୍ୟୁ ମାମଲା ରୁଜୁ କରାଯାଇଥିଲା। ସ୍ନେହଲ ଦେସାଇ ୭ ଜୁନ୍ ୨୦୧୦ରେ ପୋଲିସକୁ କହିଥିଲେ ଯେ ସେମାନେ ମୀରା ରୋଡ୍ସ୍ଥିତ ସମ୍ପର୍କୀୟଙ୍କ ଘରକୁ ଯାଉଥିଲେ। ଅଭିଯୁକ୍ତ ଦ୍ରୁତ ଗତିରେ ଅଟୋରିକ୍ସା ଚଲାଉଥିଲେ। ଆରେ କଲୋନୀରେ ଥିବା ଏକ ଜଳାଶୟ ସାମ୍ନାରେ ଡ୍ରାଇଭର ଜଣକ ଅଟୋରିକ୍ସ ଉପରୁ ନିୟନ୍ତ୍ରଣ ହରାଇ ଦେଇଥିଲେ, ଯାହା ପରେ ଅଟୋ ଏକ ଖମ୍ବ ସହ ଧକ୍କା ହୋଇଥିଲା।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…