ବାଲେଶ୍ବର ବାହାନଗାରେ ହୋଇଥିବା କରମଣ୍ଡଳ ଟ୍ରେନ ଦୁର୍ଘଟଣାର ଛାତିଥରା ଦୃଶ୍ୟ କାହା ମନରୁ ଲିଭିନି । ଲୋକେ ଆଜି ପର୍ଯ୍ୟନ୍ତ ମଧ୍ୟ ନିଜ ମୃତକଙ୍କ ମୃତଦେହକୁ ଘରକୁ ନେଇନାହାନ୍ତି । ଆଜି ବି ଦୁର୍ଘଟଣା ସ୍ଥାନରେ କାମ ଚାଲିଛି । ଉଦ୍ଧାର କାର୍ଯ୍ୟ ଶେଷ ହୋଇଯାଇଥିଲେ ମଧ୍ୟ ରେଳଧାରଣା ମରାମତି କାମ ଚାଲିଛି । ଏହା ମଧ୍ୟରେ ଆଉ ଏକ ଘଟଣା ସାମ୍ନାକୁ ଆସିଛି । ଏହି ଦୁର୍ଘଟଣାରେ ଏନଡିଆରଏଫ ଟିମ୍ ଦିନରାତି ପରିଶ୍ରମ କରି ଲୋକଙ୍କୁ ଉଦ୍ଧାର କରିଥିଲେ । ଏବେ ଏହି ଦଳର ଜଣେ ଯବାନଙ୍କ ସ୍ଥିତି ଜଟିଳ ହୋଇପଡିଛି । ଯବାନ ଜଣକ ପାଣି ଦେଖିବା ମାତ୍ରେ ତାଙ୍କୁ ରକ୍ତ ଭଳି ଦେଖାଯାଉଛି । ଆଉ ଜଣେ ଯବାନଙ୍କୁ ଭୋକ ଲାଗିବା ବନ୍ଦ ହୋଇଯାଇଛି ବୋଲି ଏନଡିଆରଏଫର ମହାନିର୍ଦ୍ଦେଶକ ଅତୁଲ କରୱାଲ କହିଛନ୍ତି । ସେମାନଙ୍କୁ ଏବେ କାଉନସେଲିଂ କରାଯାଉଛି ବୋଲି ଖବର ମିଳିଛି ।
ବାଲେଶ୍ବର ବାହାନଗାରେ ହୋଇଥିବା କରମଣ୍ଡଳ ଏକ୍ସପ୍ରେସ ଦୁର୍ଘଟଣାରେ ୨୭୫ ଲୋକଙ୍କ ଜୀବନ ଚାଲିଯାଇଥିବା ବେଳେ ୧୧୦୦ରୁ ଅଧିକ ଆହତ ହୋଇଛନ୍ତି । ବାହାନଗା ଷ୍ଟେସନରେ ମାଲଗାଡି ଲୁପ୍ ଲାଇନରେ ଥିବା ବେଳେ ମେନ ଲାଇନରେ କରମଣ୍ଡଳ ଏକ୍ସପ୍ରେସକୁ ଗ୍ରୀନ ସିଗନାଲ ମିଳିଥିଲା । କରମଣ୍ଡଳ ମେନ ଲାଇନରେ ଆସୁଥିବା ବେଳେ ହଠାତ୍ ପୁଣି ଲୁପ୍ ଲାଇନରେ ଯିବାକୁ ସିଗନାଲ ମିଳିଥିଲା । ଟ୍ରେନକୁ ଲୁପ୍ ଲାଇନ ସିଗନାଲ ମିଳିବା ପରେ କରମଣ୍ଡଳ ଡ୍ରାଇଭର ଗାଡିକୁ ଲୁପ୍ ଲାଇନକୁ ନେଇଥିଲେ ।
ହେଲେ ସେଠାରେ ପୂର୍ବରୁ ରହିଥିବା ମାଲଗାଡି ସହିତ କରମଣ୍ଡଳର ଧକ୍କା ହୋଇଥିଲା । ଧକ୍କା ଏତେ ଭୟଙ୍କର ଥିଲା ଯେ, ଏକ୍ସପ୍ରେସର ଇଂଜିନ ମାଲଗାଡି ଉପରେ ଚଢିଯାଇଥିଲା । ଆଉ ୨୧ଟି ବଗି ଲାଇନଚ୍ୟୁତ ହୋଇଥିଲା। ବଗିଗୁଡିକୁ ଲାଇନଚ୍ୟୁତ ହୋଇ ଅନ୍ୟ ଲାଇନରେ ପଡିଥିଲା । ଆଉ ଡାଉନ ଲାଇନରେ ଆସୁଥିବା ଯଶବନ୍ତପୁର ହାୱାଡା ଏକ୍ସପ୍ରେସ ଏହି ବଗି ସହିତ ଧକ୍କା ହୋଇଥିଲା । ଫଳରେ ଆଉ ଏକ ଟ୍ରେନ ଦୁର୍ଘଟଣାର ଶିକାର ହୋଇଥିଲା।
ଦୁର୍ଘଟଣା ପରେ ସ୍ଥାନୀୟ ଲୋକ ପ୍ରଥମେ ସହାୟତା ପାଇଁ ଆସିଥିବା ବେଳେ ଏନଡିଆରଏଫ ଟିମ୍, ଓଡିଶା ଉଦ୍ଧାରକାରୀ ଦଳ ସମସ୍ତେ ଆପ୍ରାଣ ଚେଷ୍ଟା କରି ଆହତଙ୍କୁ ଉଦ୍ଧାର କରିଥିଲେ । ମୃତକ ଟ୍ରେନ ତଳେ ଚାପି ହୋଇଥିବା ବେଳେ ଏନଡିଆରଏଫ ଟିମର ଯବାନ ଦିନ ରାତି ପରିଶ୍ରମ କରି ସେମାନଙ୍କୁ ବାହାର କରିଥିଲେ । ତେବେ ଏନଡିଆରଏଫ ଟିମର ଯବାନମାନେ କରିଥିବା ଅକ୍ଲାନ୍ତ ପରିଶ୍ରମ ପରେ ସେମାନଙ୍କ ମାନସିକ ସ୍ଥିତି ଭଲନାହିଁ । ସେମାନଙ୍କୁ ପାଣି ମଧ୍ୟ ରକ୍ତ ଭଳି ଦେଖାଯାଉଛି । ଅନ୍ୟ ଜଣେ ଯବାନଙ୍କୁ ଭୋକ ଲାଗିବା ବନ୍ଦ ହୋଇଯାଇଛି । ତେଣୁ ସେମାନଙ୍କୁ ମନୋବିଜ୍ଞାନ କାଉନସେଲିଂ ଏବଂ ମାନସିକ ସ୍ଥିରତା ଟ୍ରେନିଂ ଦିଆଯାଉଛି ।
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…