ନିର୍ଭୟା ଗଣଦୁଷ୍କର୍ମ ମାମଲାର ୪ ଦୋଷୀଙ୍କ ଉପରୁ କିଛି ଦିନ ପାଇଁ ଉଠିଛି ଫାଶୀ ଦଣ୍ଡାଦେଶ। ଏଣୁ ୨୨ ତାରିଖରେ ହେବାକୁ ଥିବା ଫାଶୀ ଅନିର୍ଦ୍ଦିଷ୍ଟ କାଳ ପାଇଁ ଘୁଞ୍ଚିଛି। ବର୍ତ୍ତମାନ ତିହାର ଜେଲରେ ରାତି କାଟୁଛନ୍ତି ୪ ଅଭିଯୁକ୍ତ। ଇତି ମଧ୍ୟରେ ସମସ୍ତଙ୍କ ବ୍ୟବହାରରେ ପରିବର୍ତ୍ତନ ପରିଲକ୍ଷିତ ହୋଇଛି। ଏହି ୭ ବର୍ଷର କାରାଦଣ୍ଡ ମଧ୍ୟରେ ଏହି ଦୋଷୀମାନଙ୍କ ବ୍ୟବହାର କେମିତି ଥିଲା ଓ କିଏ ସବୁଠାରୁ ଅଧିକ ନିୟମ ଉଲ୍ଲଂଘନ କରି ଅଧିକ ଦଣ୍ଡ ଭୋଗୁଛି ସେ ନେଇ ତଥ୍ୟ ପଦାକୁ ଆସିଛି। ଆସନ୍ତୁ ଜାଣିବା ଚାରି ଅଭିଯୁକ୍ତଙ୍କ କାରିନାମା ସମ୍ପର୍କରେ…
ତିହାର ଜେଲରେ ଜେଲଦଣ୍ଡ ଭୋଗୁଥିବା ଅଭିଯୁକ୍ତ ବିନୟକୁ ଜେଲ ରହଣି ମଧ୍ୟରେ ସବୁଠାରୁ ଅଧିକ ଥର ଦଣ୍ଡ ମିଳିଛି। ତାଙ୍କ ପରେ ପବନ ଓ ମୁକେଶଙ୍କୁ ଦଣ୍ଡିତ କରାଯାଇଥିବା ବେଳେ ଅକ୍ଷୟ ସବୁଠାରୁ କମ୍ ଥର ଦଣ୍ଡିତ ହୋଇଛନ୍ତି। ଜେଲରୁ ମିଳିଥିବା ସୂଚନାନୁଯାୟୀ, ଜେଲରେ ମାରପିଟ୍ କରିବା ଓ ଅଧିକାରୀଙ୍କ ନିର୍ଦ୍ଦେଶକୁ ନମାନିବା କାରଣରୁ କଏଦୀଙ୍କୁ ଦଣ୍ଡିତ କରାଯାଏ।
ନିର୍ଭୟା ଦୋଷୀ ବିନୟ ଜେଲରେ ରହିବା ଦିନଠୁ ଏବେ ପର୍ଯ୍ୟନ୍ତ ପ୍ରାୟ ୧୧ ଥର ନିୟମ ଉଲ୍ଲଂଘନ କରିଛନ୍ତି। ପ୍ରଶାସନ ତରଫରୁ ତାଙ୍କୁ ୧୧ ଥର ଦଣ୍ଡ ଦିଆଯାଇଛି। ସେହିପରି ପବନଙ୍କୁ ଆଠ ଥର, ମୁକେଶଙ୍କୁ ତିନି ଥର ଓ ଅକ୍ଷୟଙ୍କୁ ମାତ୍ର ଥରେ ହିଁ ଦଣ୍ଡିତ କରାଯାଇଛି।
ରିପୋର୍ଟ ମୁତାବକ ଅକ୍ଷୟ, ପବନ ଓ ବିନୟ ଜେଲ୍ରେ ରହିବା ଭିତରେ ବହୁତ କାମ ମଧ୍ୟ କରିଛନ୍ତି। ଏହି କାମ ପାଇଁ ତାଙ୍କୁ ପ୍ରଶାସନ ପକ୍ଷରୁ ଦରମା ବି ମିଳିଛି। ସମସ୍ତଙ୍କ ମଧ୍ୟରୁ ଅକ୍ଷୟ ସବୁଠାରୁ ଅଧିକ ଟଙ୍କା ରୋଜଗାର କରିଛନ୍ତି। ଏବେ ପର୍ଯ୍ୟନ୍ତ ଅକ୍ଷୟ ୬୯ ହଜାର, ବିନୟ ୩୯ ହଜାର ଓ ପବନ ୨୯ ହଜାର ଟଙ୍କା ରୋଜଗାର କରିଛନ୍ତି। ତେବେ ବର୍ତ୍ତମାନ ପର୍ଯ୍ୟନ୍ତ ଏହି ଅର୍ଥକୁ ସେମାନେ କିଛି ଖର୍ଚ୍ଚ କରିନଥିବାରୁ ତାହା ଜେଲ କର୍ତ୍ତୃପକ୍ଷଙ୍କ ପାଖରେ ରହିଛି। ଫାଶୀ ପର୍ଯ୍ୟନ୍ତ ଯଦି ସେମାନେ ଏହି ଟଙ୍କାରେ କିଛି ନ କଲେ ତେବେ ତାହାକୁ ପରିବାରକୁ ଦିଆଯିବ ବୋଲି କର୍ତ୍ତୃପକ୍ଷ ସୂଚନା ଦେଇଛନ୍ତି।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…