ବିଜେପିରୁ ବହିଷ୍କୃତ ନେତା ନୂପୁର ଶର୍ମାଙ୍କୁ ବନ୍ଧୁକର ଲାଇସେନ୍ସ ମିଳିଛି। କୁହାଯାଉଛି ଯେ ଆତ୍ମରକ୍ଷା ପାଇଁ ତାଙ୍କୁ ଏହି ଲାଇସେନ୍ସ ମିଳିଛି। ନୂପୁର ଶର୍ମା ବିଜେପିରେ ପ୍ରବକ୍ତା ଥିଲେ। ଏକ ଟିଭି ଡିବେଟ୍ରେ ପ୍ରଫେଟ୍ ମହମ୍ମଦଙ୍କ ବିରୋଧରେ ବିବାଦୀୟ ଟିପ୍ପଣୀ ଦେଇ ସେ ଚର୍ଚ୍ଚାକୁ ଆସିଥିଲେ। ଏହାପରେ ସାରା ଦେଶରେ ଅନେକ ବିରୋଧ ହୋଇଥିଲା। ପରେ ବିଜେପି ତାଙ୍କୁ ଦଳରୁ ବହିଷ୍କାର କରି ଦେଇଥିଲା।
ନୂପୂର ଶର୍ମାଙ୍କ ବିରୋଧରେ ଅନେକ ରାଜ୍ୟରେ ମାମଲା ମଧ୍ୟ ରୁଜୁ ହୋଇଥିଲା। ତାଙ୍କୁ କ୍ରମାଗତ ଭାବେ ଜୀବନରୁ ମାରିଦେବାର ଧମକ ମିଳୁଥିଲା। ନୂପୁର ଶର୍ମା ୨୦୨୨ ଜୁନ୍ରେ ଏକ ଟିଭି ଡିବେଟ୍ରେ ପ୍ରଫେଟ୍ ମହମ୍ମଦ ଏବଂ ତାଙ୍କର ତୃତୀୟ ପତ୍ନୀଙ୍କ ବିଷୟରେ ବିବାଦୀୟ ବୟାନ ଦେଇଥିଲେ, ଯାହାକୁ ନେଇ ଖୁବ୍ ହଙ୍ଗାମା ହୋଇଥିଲା।
ଦେଶର କେତେକ ରାଜ୍ୟରେ ନୂପୁରଙ୍କ ବୟାନକୁ ନେଇ ହିଂସାତ୍ମକ ପରିସ୍ଥିତି ସୃଷ୍ଟି ହୋଇଥିଲା। ଏତିକି ହିଁ ନୁହେଁ, ମୁସ୍ଲିମ ଦେଶଗୁଡ଼ିକ ଏହି ବୟାନର କଡ଼ା ନିନ୍ଦା କରିଥିଲେ। ଏହାପରେ ବିଜେପି ତାଙ୍କୁ ନିଲମ୍ବିତ କରି ଦେଇଥିଲା। ଯଦିଓ ବିବାଦ ବଢ଼ିବା ପରେ ନୂପୁର କ୍ଷମା ପ୍ରାର୍ଥନା କରି ନେଇଥିଲେ।
ଏପଟେ ଅନେକ ରାଜ୍ୟରେ ନୂପୁର ଶର୍ମାଙ୍କ ବିରୋଧରେ ଧାର୍ମିକ ଭାବନାକୁ ଆଘାତ ପହଞ୍ଚାଇବା ଅଭିଯୋଗରେ ମାମଲା ରୁଜୁ ହୋଇଛି। ସୁପ୍ରିମ୍ କୋର୍ଟ ନୂପୁରଙ୍କୁ ବଡ଼ ଆଶ୍ୱସ୍ତି ଦେବାକୁ ଯାଇ ତାଙ୍କ ଗିରଫଦାରୀ ଉପରେ ରୋକ୍ ଲଗାଇଛନ୍ତି। ଏଥି ସହିତ ସାରା ଦେଶରେ ତାଙ୍କ ବିରୋଧରେ ଦାୟର ହୋଇଥିବା ମାମଲାଗୁଡ଼ିକୁ ମଧ୍ୟ ଗୋଟିଏ ଜାଗାକୁ ଟ୍ରାନ୍ସପର କରି ଦେଇଛନ୍ତି।
କିନ୍ତୁ ଏଥି ପୂର୍ବରୁ ସୁପ୍ରିମ୍ କୋର୍ଟ ନୂପୁର ଶର୍ମାଙ୍କୁ କଡ଼ା ଚେତାବନୀ ଦେଇଥିଲା। ସୁପ୍ରିମ୍ କୋର୍ଟଙ୍କ ଜଜ୍ ଜଷ୍ଟିସ୍ ପାରଦିଓ୍ଵାଲା କଡ଼ା ଟିପ୍ପଣୀ କରି କହିଥିଲେ ଯେ ଦେଶରେ ବିଗୁଡ଼ୁଥିବା ପରିସ୍ଥିତି ପାଇଁ ନୂପୁର ଶର୍ମା ଦାୟୀ।
ମୋହନା(କେନ୍ୟୁଜ): ସମ୍ପର୍କୀୟ ଶଳାକୁ ଗୁଳି କରି ହତ୍ୟା କଲା ଭିଣୋଇ । ଏଭଳି ଅଭାବନୀୟ ଘଟଣା ଘଟିଛି ଗଜପତି ଜିଲ୍ଲା ମୋହନା…
ରେଢାଖୋଲ(କେନ୍ୟୁଜ): ଘର ଭିତରେ ମୃତଦେହ। ଉଦ୍ଧାର ହେଲା କନିଷ୍ଠ କିରାଣିଙ୍କ ମୃତଦେହ । ମୃତକ ରେଢାଖୋଲ ନାକଟିଦେଉଳ ତହସିଲ କାର୍ଯ୍ୟାଳୟରେ…
ରାଉରକେଲା(କେନ୍ୟୁଜ): ଚୋରମାନେ ଘର, ଦୋକାନ, ବଜାର ଓ ମନ୍ଦିରରୁ ଚୋରି କରୁଥିବା ତ ଆପଣମାନେ ଜାଣିଥିବେ । କିନ୍ତୁ ଚୋରମାନେ…
ଭଞ୍ଜନଗର(କେନ୍ୟୁଜ): ଓଡ଼ିଶାର ଗଣ ପର୍ବ ରଜ । ଏଥିପାଇଁ ଉତ୍ସବ ମୁଖର ଗାଆଁଠୁ ସହର । ବସୁଧା, ପ୍ରକୃତି ମାତାଙ୍କୁ…
ନୂଆଦିଲ୍ଲୀ:ଚସ୍ପତି ପଦକୁ ନେଇ ତେଜିଲା ବିବାଦ। ଆସନ୍ତା ୨୪ ତାରିଖରୁ ଆରମ୍ଭ ହୋଇ ଜୁଲାଇ ୩ ତାରିଖ ପର୍ଯ୍ୟନ୍ତ ଚାଲିବ…
ଜଳେଶ୍ୱର (କେନ୍ୟୁଜ): ନିଜର ବିବାହ ଉତ୍ସବକୁ ସ୍ମରଣୀୟ କରିବା ପାଇଁ ଆଜିର ଯୁବପିଢୀ ଭିନ୍ନ ଭିନ୍ନ ଢଙ୍ଗରେ ଏହାକୁ ପାଳନ…