ନୂଆଦିଲ୍ଲୀ: ତାଲିବାନମାନେ ସମଗ୍ର ଆଫଗାନିସ୍ତାନ ସହ ରାଜଧାନୀ କାବୁଲ ଦଖଲ କରିନେବା ପରେ ଏକ ଅଶାନ୍ତ ଓ ଭୟାକୁଳ ପରିସ୍ଥିତି ସୃଷ୍ଟି ହୋଇଛି । ଏହା ସହ ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରଲ ହେଉଛି ତାଲିବାନଙ୍କ ଦବଦବା । ତାଲିବାନୀ ଆତଙ୍କୀଙ୍କ ସହ ଜଣେ ମହିଳା ସାମ୍ବାଦିକଙ୍କୁ ସାକ୍ଷାତକାର ଦେଇଥିବା ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ତାଲିବାନ ଗତ ରବିବାର ଆଫଗାନିସ୍ତାନର ରାଜଧାନୀ କାବୁଲକୁ କାବୁ କରିଥିଲା । ସେବେଠାରୁ ଆଫଗାନିସ୍ତାନରେ ମହିଳାଙ୍କୁ ପୁଣି ଥରେ ଦମନ କରାଯିବ ବୋଲି ବିପଦ ବଢିବାରେ ଲାଗିଛି ।
ଏହି ଭୟ ପଛର କାରଣ କଣ ତାହା ଏହି ଭିଡିଓରୁ ସ୍ପଷ୍ଟ ହୋଇଛି । ଭିଡିଓରେ ଜଣେ ମହିଳା ସାମ୍ବାଦିକ ତାଲିବାନ ଆତଙ୍କୀଙ୍କୁ ପ୍ରଶ୍ନ କରିଛନ୍ତି, କି ସେମାନଙ୍କ ଅଧୀନରେ ଆଫଗାନିସ୍ତାନରେ ମହିଳାଙ୍କ ଅଧିକାରକୁ ସମ୍ମାନ ଦିଆଯିବ କି ? ସେ କହିଛନ୍ତି ଯେ, ଇସଲାମ ନିୟମ ଅନୁଯାୟୀ ଶାରିଆ ଅନୁଯାୟୀ ମହିଳାମାନେ ସମସ୍ତ ଅଧିକାର ପାଇବେ କି ? ତେବେ ପ୍ରଶ୍ନର ଉତ୍ତର ନ ଦେଇ ତାଲିବାନୀ ଆତଙ୍କୀମାନେ ହସିବାକୁ ଲାଗିଥିଲେ । ଆଉ କହିଥିଲେ ଦୟାକରି କ୍ୟାମେରା ବନ୍ଦ କରନ୍ତୁ ।
ମଙ୍ଗଳବାର ଦିନ କାବୁଲରେ ହୋଇଥିବା ପ୍ରଥମ ସାମ୍ବାଦିକ ସମ୍ମିଳନୀରେ ତାଲିବାନ କହିଛି ଯେ ଇସଲାମିକ ନିୟମ ଅନୁଯାୟୀ ମହିଳାଙ୍କ ଅଧିକାରକୁ ସମ୍ମାନ ଦିଆଯିବ । ଗତ ୨୦ ବର୍ଷ ମଧ୍ୟରେ ତାଲିବାନ ବଦଳିଛି। ଯଦିଓ ସେମାନଙ୍କର ଆଦର୍ଶ ସମାନ ରହିଛି, ଗୋଷ୍ଠୀ ବର୍ତ୍ତମାନ ପରିପକ୍ୱ ହୋଇ କୌଣସି ପ୍ରତିଦ୍ୱନ୍ଦ୍ୱିତା ଏବଂ ପ୍ରତିଶୋଧ ନେବାକୁ ଚାହୁଁ ନାହାଁନ୍ତି |
ସୂଚନା ଯୋଗ୍ୟ ୧୯୯୬ ରୁ ୨୦୦୧ ମଧ୍ୟରେ, ଯେତେବେଳେ ତାଲିବମାନେ ଏକଦା ପ୍ରଗତିଶୀଳ ଦେଶ ଉପରେ ରାଜତ୍ୱ କରିଥିଲେ, ସେତେବେଳେ ବାଳିକା ବିଦ୍ୟାଳୟ ବନ୍ଦ ହେବା ସହିତ ମହିଳାମାନେ ସେମାନଙ୍କର ଅଧିକାରକୁ ଲୁଟ କରାଯାଇଥିଲା । ଏବଂ ମହିଳାମାନେ ଚାକିରୀ ଛାଡିବାକୁ ବାଧ୍ୟ ହୋଇଥିଲେ। ମାତ୍ର ବର୍ତ୍ତମାନ ତାଲିବାନ ମଙ୍ଗଳବାର ଦିନ ତାଲିବାନ ମୁଖପାତ୍ର ଜାବୁଲ୍ଲା ମୁଜାହିଦ୍ କହିଛନ୍ତି ଯେ ମହିଳାମାନେ ମଧ୍ୟ ସମାଜରେ ସକ୍ରିୟ ରହିବେ କିନ୍ତୁ ଇସଲାମିକ୍ ନିୟମ ଅନୁଯାୟୀ । ତେବେ ତାଲିବାନର ଏହି ନିଶ୍ଚିତା ଉପରେ ଅଧିକ ନିର୍ଭର କରିବା ସମ୍ଭବ ନୁହେଁ ।
ପୁରୀ : ଜୁନ ୨୨ରେ ମହାପ୍ରଭୁଙ୍କ ଦେବସ୍ନାନ ପୂର୍ଣ୍ଣମୀ । ୧୦୮ ଗଡୁ ସୁବାସିତ ଜଳରେ ଦିବ୍ୟସ୍ନାନ କରିବେ ମହାପ୍ରୠୁ…
ବାଲେଶ୍ବର : ବାଲେଶ୍ବର ସହରରେ କର୍ଫ୍ୟୁ ପରେ ୪୮ ଘଣ୍ଟା ପାଇଁ ସୋସିଆଲ ମିଡିଆ ବନ୍ଦ । ଗୋଷ୍ଠୀ ସଂଘର୍ଷ…
ବରଗଡ଼ : ସେପଟେ ଓଡ଼ିଶାର ଚାଷୀଙ୍କୁ ପିଏମ୍ କିଷାନ ସମ୍ମାନ ନିଧି କିସ୍ତି ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ…
ଆସ୍କା : ଗଞ୍ଜାମ ଜିଲ୍ଲା ଧରାକୋଟ ଥାନା ଜାନିବିଲି ଗ୍ରାମ ନିକଟରେ ଯାତ୍ରୀବାହି ଅଟୋ ଓଲଟି ଡ୍ରାଇଭର ସମେତ ୫…
ସୋର(କେନ୍ୟୁଜ୍): ଦିଲ୍ଲୀରେ ଚଳାଇଥିଲେ ଲୁଟ୍ର ଆତଙ୍କ । କୋଟି କୋଟି ଟଙ୍କା ଲୁଟି ଦିଲ୍ଲୀରୁ ଛୁ ମାରିଥିଲେ । ସେ…
ସମ୍ବଲପୁର: ପୂର୍ବରୁ ଧରାପଡିଥିଲେ, ପୁଣି ଧରା ହେଲେ । ଲାଞ୍ଚ ନେବା ଅଭିଯୋଗରେ ନାକଟିଦେଉଳ ବ୍ଲକ ଡଇଁଚା ପଞ୍ଚାୟତର ଆରଆଇ…