ଏମିତି ବି ଆସେ ମୃତ୍ୟୁ। କାମ କରୁ କରୁ ଟଳି ପଡ଼ିଲେ ୨୮ ବର୍ଷୀୟ ଯୁବକ। ଇନ୍ଦୋରର ଚନ୍ଦନ ନଗରରେ ଘଟିଛି ଏହି ଦୁଃଖଦାୟକ ଘଟଣା। ଘରେ ରଙ୍ଗ କାମ କଲାବେଳେ ହଠାତ୍ ହାର୍ଟ ଆଟାକ୍ ଆସିବାରୁ ଏଠାରେ ଜଣେ ପେଣ୍ଟର୍ଙ୍କ ମୃତ୍ୟୁ ଘଟିଛି। ପାଖରେ ଲାଗିଥିବା ସିସିଟିଭି କ୍ୟାମେରାରେ ଏହି ପୂରା ଦୃଶ୍ୟ କଏଦ ହୋଇଛି। ଖବର ପାଇ ପୋଲିସ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି।
ଚନ୍ଦନ ନଗର ପୋଲିସ ସୂଚନା ମୁତାବକ, ମୃତକ ହେଲେ, ଆଶିଷ ସିଂ। ସେ ନିକଟସ୍ଥ ଏକ ଘରେ ରଙ୍ଗ କାମ କରୁଥିଲେ। ହେଲେ ଏହି ସମୟରେ ହଠାତ୍ ତାଙ୍କ ଛାତିରେ ଯନ୍ତ୍ରଣା ହୋଇଥିଲା ଏବଂ ସେ ଏକ ଜାଗାରେ ବସି ପଡ଼ିଥିଲେ। ଏହାର କିଛି ସମୟ ପରେ ସେଇଠି ହିଁ ସେ ପଛୁଆ ପଡ଼ିଯାଇଥିଲେ। ଘଟଣାସ୍ଥଳରେ ରଙ୍ଗ କାମ କରୁଥିବା ଅନ୍ୟ ସାଥୀମାନେ ତାଙ୍କୁ ତୁରନ୍ତ ଏକ ଘରୋଇ ହସ୍ପିଟାଲ ନେଇଯାଇଥିଲେ। ଏହାପରେ ତାଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇଥିଲା। ହେଲେ ଏହା ପୂର୍ବରୁ ହଁ ଯୁବକଙ୍କ ମୃତ୍ୟୁ ହୋଇସାରିଥିଲା।
ଡାକ୍ତରଙ୍କ କହିବା ଅନୁଯାୟୀ, କାର୍ଡିୟାକ୍ ଅରେଷ୍ଟରେ ଏପରି ହୋଇଥାଏ। ଗ୍ୟାସ୍, ଏସିଡିଟି ଏବଂ ଧୂମପାନ କାରଣରୁ ଅଧିକାଂଶ ହୃଦ୍ଘାତ ମାମଲା ସାମ୍ନାକୁ ଆସିଥାଏ। ଏବେ ଚନ୍ଦନ ନଗର ପୋଲିସ ମୃତକଙ୍କ ବ୍ୟବଚ୍ଛେଦ ରିପୋର୍ଟକୁ ଅପେକ୍ଷା କରିଛି। ପୋଲିସ ଘଟଣାସ୍ଥଳରେ ଲାଗିଥିବା ସିସିଟିଭି ଫୁଟେଜ୍ ସଂଗ୍ରହ କରି ମାମଲାର ତଦନ୍ତ ଜାରି ରଖିଛି।
ଜଳେଶ୍ବର (କେନ୍ୟୁଜ): ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ । ରୋଗୀ ସମେତ ୪ ଜଣ ଆମ୍ବୁଲାନ୍ସ କର୍ମଚାରୀ ଗୁରୁତର…
ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ। ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…
ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…
ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…
ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…