କାର କିଣି ପଇସା ସୁଝିପାରିଲେ ନାହିଁ ପାକିସ୍ତାନର ରେଳମନ୍ତ୍ରୀ, ପଇସା ମାଗିବା ପାଇଁ ପାର୍ଲିଆମେଣ୍ଟ ପହଁଚିଲେ ବ୍ୟକ୍ତି ଦେଖନ୍ତୁ ଭିଡିଓ

ପାକିସ୍ତାନର ରେଳମନ୍ତ୍ରୀ ଶେଖ ରସିଦ ପ୍ରାୟତଃ ଚର୍ଚ୍ଚାରେ ରହିଥାନ୍ତି । ବର୍ତ୍ତମାନ ସେ ପୁଣିଥରେ ସୋସିଆଲ ମିଡିଆରେ ନିଜର ଏକ ନୂଆ ଭିଡିଓ ସହ ଭାଇରଲ ହୋଇଛନ୍ତି । ଏହି ଭିଡିଓରେ ଜଣେ ବ୍ୟକ୍ତି ପାକିସ୍ତାନୀ ସଂସଦ ଭବନ ପରିସରରେ ଶେଖ ରସିଦଙ୍କୁ କାରର ପଇସା ମାଗୁଥିବାର ଦେଖାଯାଇଛି । ସେହି ସମୟରେ ଶେଖ ରସିଦ ବ୍ୟକ୍ତି ଜଣଙ୍କୁ ଶାନ୍ତ କରାଇ ନିଜ ପିଛା ଛଡ଼ାଇବାକୁ ଚେଷ୍ଟା କରୁଛନ୍ତି । କିନ୍ତୁ ବ୍ୟକ୍ତି ଜଣକ ନିଜ କଥାରେ ଅଡ଼ି ବସିଛନ୍ତି । ଏହି ସମୟରେ ସେଠାରେ କିଛି ମିଡ଼ିଆ ବ୍ୟକ୍ତି ଏହି ଘଟଣାକୁ କ୍ୟାମେରାରେ ରେକର୍ଡ଼ କରିଛନ୍ତି ।

ଭାଜପା ପ୍ରବକ୍ତା ସମ୍ବିତ ପାତ୍ର ସୋମବାର ଏହି ଭିଡିଓକୁ ନିଜ ଟ୍ୱିଟର ଆକାଉଣ୍ଟରେ ସେୟାର କରି ଲେଖିଥିଲେ ” ଏହା ହେଉଛି ପାକିସ୍ତାନର ହାଲତ । ପାକିସ୍ତାନର ରେଳମନ୍ତ୍ରୀ (ଶେଖ ରସିଦ ଅହମଦ) ଯାହାଙ୍କୁ କିଛିଦିନ ପୂର୍ବରୁ କରେଣ୍ଟ ଲାଗିଥିଲା, ସେ ନିଜ କାରର ପଇସା ସୁଝି ନାହାନ୍ତି ଏବଂ ଯାହାଠାରୁ ପଇସା ଆଣିଥିଲେ ସେ ପାକିସ୍ତାନ ପାର୍ଲିଆମେଣ୍ଟ ଆସି ମନ୍ତ୍ରୀଙ୍କୁ ପଇସା ମାଗୁଛି । ଏହା ସହିତ ସମ୍ବିତ ପାତ୍ର ପରମାଣୁ ବୋମା ଆଟାକକୁ ନେଇ ପାକିସ୍ତାନକୁ ତୀକ୍ଷ୍ଣ କଟାକ୍ଷ କରିଥିଲେ ।

ସୂଚନା ଅନୁଯାୟୀ ଭାରତ ସରକାରଙ୍କ ଦ୍ୱାରା ଜାମ୍ମୁ କାଶ୍ମୀର ଉପରୁ ଆର୍ଟିକିଲ 370 ହଟାଯିବାପରେ ପାକିସ୍ତାନକୁ ବହୁତ ବଡ଼ ଝଟକା ଲାଗିଛି । ଏହି ସମୟରେ ପାକିସ୍ତନରେ ଏକ ଜନସଭାକୁ ସମ୍ବଧିତ କରିବା ସମୟରେ ଶେଖ ରସିଦ ଭାରତ ବିରୋଧରେ ବୟାନ ଦେଇଥିଲେ ଓ ଠିକ ସେହି ସମୟରେ ତାଙ୍କୁ ମାଇକରୁ କରେଣ୍ଟ ଲାଗିଯାଇଥିଲା । ଏହି ଘଟଣାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରଲ ହୋଇଥିଲା ।

କରେଣ୍ଟ ଲାଗିବା ପରେ ଶେଖ ରସିଦ କହିଥିଲେ ମୋଦି ଏହି ପ୍ରକ୍ରିୟାକୁ ସଫଳ କରିପାରିବେ ନାହିଁ । ଶେଖ ରସିଦଙ୍କ ଏହି ବୟାନ ଉପରେ ଲୋକମାନେ ବହୁତ ହସିଥିଲେ । ଏହା ପୂର୍ବରୁ ମଧ୍ୟ ଶେଖ ରସିଦ ଅନେକ ଥର ଭାରତ ବିରୋଧରେ ବୟାନ ଦେଇଛନ୍ତି । ରସିଦଙ୍କୁ ପାକିସ୍ତାନୀ ସେନାଙ୍କର ବହୁତ ନିକଟତର ବୋଲି କୁହାଯାଇଥାଏ ।