କ’ଣ ଏମିତି ଥିଲା ବାହାଘର ନିଶା, ଯେଉଁଠି ଜନ୍ମ କଲା ବାପାମାଆ ନିଜ କୁନି ଝିଅକୁ ଭୁଲିଗଲେ ? ରାଜସ୍ଥାନର କୋଟାରୁ ଆସିଛି ଏଭଳି ଏକ ହୃଦୟବିଦାରକ ଘଟଣା, ଯାହା ବିଷୟରେ ଜାଣିଲେ ଆପଣ ମଧ୍ୟ ସ୍ତବ୍ଧ ହୋଇଯିବେ । ଜାଣିପାରିବେ ନାହିଁ, କ’ଣ କହିବେ ସେହି ବାପାମାଆଙ୍କୁ । ଏଠାରେ ବନ୍ଦ କାର୍ ଭିତରେ ଶ୍ୱାସରୁଦ୍ଧ ହୋଇ ଜଣେ ୩ ବର୍ଷର କୁନି ଝିଅର ଜୀବନ ଚାଲିଯାଇଛି । ବିବାହ ଉତ୍ସବରେ ଯୋଗଦେବାକୁ ଯାଇଥିବା ବାପାମାଆ ଅଜାଣତରେ କାର୍ ଭିତରେ ଝିଅକୁ ଛାଡ଼ି ପଳାଇଥିଲେ ।
ସୂଚନା ପାଇବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଏହି ଘଟଣା ବୁଧବାର ସନ୍ଧ୍ୟାରେ ଘଟିଛି । ମୃତ ଝିଅର ନାମ ଗୌରଭିକା ନାଗର ବୋଲି ଜଣାପଡିଛି ।
ପୋଲିସ ସୂଚନା ଅନୁସାରେ, କୋଟାର ବାସିନ୍ଦା ପ୍ରଦୀପ ନାଗର ପତ୍ନୀ ଏବଂ ୨ ଝିଅଙ୍କ ସହ ଜୋରାଭରପୁରା ଗାଁରେ ଏକ ବିବାହ ଉତ୍ସବରେ ଯୋଗଦେବାକୁ ଯାଇଥିଲେ । ଯେମିତି ସେମାନେ କାର୍ଯ୍ୟକ୍ରମ ସ୍ଥଳରେ ପହଞ୍ଚିଥିଲେ, ସେତେବେଳେ ମା’ ଓ ବଡ଼ ଝିଅ ପ୍ରଥମେ କାର୍ରୁ ବାହାରି ଯାଇଥିଲେ ଏବଂ ପ୍ରଦୀପ ଗାଡ଼ି ପାର୍କିଂ କରିବାକୁ ପଳାଇଥିଲେ । ପ୍ରଦୀପ ଭାବିଥିଲେ ଯେ ସାନ ଝିଅ ଗୌରଭିକା ହୁଏତ ତା’ ମା’ ସହିତ ଭିତରକୁ ଯାଇଥିବ ।
ସେ ପାର୍କିଂସ୍ଥଳରେ କାର୍ ପାର୍କିଂ କରି ଲକ୍ କରିଦେଇଥିଲେ ଏବଂ କାର୍ଯ୍ୟକ୍ରମରେ ଯୋଗଦେବାକୁ ଯାଇଥିଲେ । ପ୍ରାୟ ଦୁଇ ଘଣ୍ଟା ଧରି ଝିଅର ବାପାମାଆ ବିବାହ ଉତ୍ସବରେ ଅଲଗା ଅଲଗା ହୋଇ ଲୋକଙ୍କ ସହିତ କଥା ହୋଇଥିଲେ ଏବଂ ଖାଦ୍ୟର ମଜା ନେଇଥିଲେ । ମା’ ଭାବିଥିଲା, ସାନ ଝିଅ ବାପା ପାଖରେ ଅଛି ଏବଂ ବାପା ଭାବିଥିଲା, ଗୌରଭିକା ମା’ ପାଖରେ ଅଛି । ତେଣୁ ଏହି ସମୟରେ କେହି ସାନ ଝିଅ କଥା ଭାବି ନ ଥିଲେ ।
ଯେତେବେଳେ ସେମାନେ ଦେଖା ହୋଇ ପରସ୍ପରକୁ ଗୌରଭିକା ବିଷୟରେ ପଚାରିଥିଲେ, ସେତେବେଳେ ଜଣାପଡ଼ିଥିଲା ଯେ ଝିଅ କାହା ସହିତ ନ ଥିଲା । ଏହାପରେ ସେମାନେ ଝିଅକୁ ଖୋଜିବା ଆରମ୍ଭ କରି ଦେଇଥିଲେ । ଯେତେବେଳେ ପାର୍କିଂସ୍ଥଳରେ ପହଞ୍ଚିଥିଲେ, ସେତେବେଳେ ସେମାନେ ଝିଅକୁ କାର୍ ପଛ ସିଟ୍ରେ ବେହୋସ୍ ଅବସ୍ଥାରେ ଦେଖିବାକୁ ପାଇଥିଲେ । ଏହାପରେ ତୁରନ୍ତ ତାକୁ ଡାକ୍ତରଖାନା ନିଆଯାଇଥିଲା, ହେଲେ ସେଠାରେ ଡାକ୍ତର ମୃତ ଘୋଷଣା କରିଥିଲେ । ପୋଲିସ କହିଛି ଯେ ଏହି ଘଟଣା ପରେ ବାପାମାଆ ଝିଅର ମୃତଦେହକୁ ବ୍ୟବଚ୍ଛେଦ କରାଇବା ଏବଂ ମାମଲା ରୁଜୁ କରାଇବାକୁ ମନା କରି ଦେଇଛନ୍ତି ।
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…
ନୂଆଦିଲ୍ଲୀ: ଆଜି ଲୋକସଭା ବାଚସ୍ପତି ନିର୍ବାଚନ । ସ୍ଵାଧୀନତା ପରେ ପ୍ରଥମ ଥର ପାଇଁ ଲୋକସଭା ବାଚିସ୍ପତି ପଦବୀ ପାଇଁ…
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…