ଫିଲ୍ମ ‘ଦ କଶ୍ମୀର ଫାଇଲ୍ସ’କୁ ପ୍ରଶଂସା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସଂସଦୀୟ ଦଳ ବୈଠକରେ ଏହି ଫିଲ୍ମ ବିଷୟରେ କହିବା ଅବସରରେ ମୋଦି ଦ କଶ୍ମୀର ଫାଇଲ୍ସକୁ ଖୁବ୍ ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ ମୋଦି କହିଛନ୍ତି, ଦେଶ ସ୍ୱାଧୀନ ହେବା ପରର ମୁଖ୍ୟ ଘଟଣା ଓ ବିଶିଷ୍ଟ ଲୋକଙ୍କ ଉପରେ ଫିଲ୍ମ ତିଆରି ହେବା ଦରକାର। ଯେମିତି କି ‘କଶ୍ମୀର ଫାଇଲ୍ସ’ ତିଆରି ହୋଇଛି। ଏହା ଦ୍ୱାରା ଲୋକଙ୍କୁ ସତ୍ୟତା ଜଣାପଡ଼ିବ ଓ ବୁଝାପଡ଼ିବ ଯେ କେଉଁ ଘଟଣା ପାଇଁ କିଏ ଦାୟୀ। କିଏ ଭୁଲ କରିଛି ଓ ଠିକ୍ କରିଛି ସେ ବିଷୟରେ ଜଣାପଡ଼ିବ ବୋଲି ମୋଦି କହିଛନ୍ତି।
ପିଏମ୍ ମୋଦି କହିଛନ୍ତି, ମହାତ୍ମାଗାନ୍ଧୀଙ୍କ ବିଚାର ଓ ଆଦର୍ଶଙ୍କୁ ଦର୍ଶାଉଥିବା ଭଲ ଫିଲ୍ମ ନିର୍ମାଣ ହେବା ଉଚିତ। ଯାହା ଦ୍ୱାରା ସାରା ଦୁନିଆର ଲୋକ ତାଙ୍କ ବିଷୟରେ ଅଧିକରୁ ଅଧିକ ଜାଣିପାରିବେ। ଫଳରେ ସ୍ୱାଧୀନତା ବେଳେ ଘଟିଥିବା ଘଟଣା ଦୁର୍ଘଟଣା ସମ୍ପର୍କରେ ସମସ୍ତେ ଅତି ସ୍ପଷ୍ଟ ଭାବେ ଜ୍ଞାନ ପାଇପାରିବେ। ଏହା ଆମ ଦେଶକୁ ଆହୁରି ସମୃଦ୍ଧ କରିବାରେ ସାହାଯ୍ୟ କରିବ ବୋଲି କହିଛନ୍ତି ମୋଦି।
ସୂଚନାଯୋଗ୍ୟ ଯେ ଏବେ ଫିଲ୍ମ ‘ଦ କଶ୍ମୀର ଫାଇଲ୍ସ’କୁ ନେଇ ଚର୍ଚ୍ଚା ଜୋର୍ ଧରିଛି। କଶ୍ମୀର ପଣ୍ଡିତଙ୍କ ପଳାୟନ ଓ ହତ୍ୟା ଉପରେ ଆଧାରିତ ଏହି ଫିଲ୍ମକୁ ନେଇ ସାରା ଦେଶରେ ଆଲୋଚନା ଚାଲିଥିବା ବେଳେ ମଧ୍ୟ ପ୍ରଦେଶ ସରକାର ମଧ୍ୟ ନିକଟରେ ପୋଲିସ କର୍ମଚାରୀଙ୍କୁ ‘ଦ କଶ୍ମୀର ଫାଇଲ୍ସ’ ଦେଖିବାକୁ ଛୁଟି ଦେବାକୁ ଘୋଷଣା କରିଛନ୍ତି। ଦ କଶ୍ମୀର ଫାଇଲ୍ସ ମାର୍ଚ୍ଚ ୧୧ ତାରିଖରେ ସିନେମା ହଲ୍ରେ ରିଲିଜ୍ ହୋଇଛି। ପ୍ରଥମ ଦିନ ହିଁ ଏହି ଫିଲ୍ମ ପାଖାପାଖି ୩.୫୫ କୋଟି ଟଙ୍କା ରୋଜଗାର କରିଛି। ଦିନକୁ ଦିନ ଏହାର ବେପାର ବଢ଼ି ବଢ଼ି ଚାଲିଛି।
ଭୁବନେଶ୍ୱର (କେନ୍ୟୁଜ୍) : ମୋହନ ମାଝୀଙ୍କ ବିଜେପି ସରକାର ଆଜି ଶପଥ ନେବା ପରେ କ୍ୟାବିନେଟରେ ୪ଟି ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ…
ଯାଜପୁର(କେନ୍ୟୁଜ୍): ନୂତନ ମୁଖ୍ୟମନ୍ତ୍ରୀଙ୍କୁ ସ୍ଵାଗତ ସଙ୍ଗୀତ ମାଧ୍ୟମରେ ସ୍ୱାଗତ ଓ ସମ୍ବର୍ଦ୍ଧନା। ଯାଜପୁର ଦଶରଥପୁର ବ୍ଲକ ଅନ୍ତର୍ଗତ ମଙ୍ଗଳପୁରର ଅଗ୍ରଣୀ…
ଭୁବନେଶ୍ୱର(କେନ୍ୟୁଜ୍): ମୋହନ ମାଝୀ ସରକାରଙ୍କ ପ୍ରଥମ କ୍ୟାବିନେଟ ବୈଠକ । ଶପଥ ଗ୍ରହଣ ପରେ ବିଜେପି ସରକାରଙ୍କ ପ୍ରଥମ କ୍ୟାବିନେଟ…
ଦେହ ଅଛି ତ ରୋଗ ଅଛି । ସେଥିଲାଗି ତ କୁହାଯାଏ, ସ୍ୱାସ୍ଥ୍ୟ ହିଁ ସମ୍ପଦ । ପ୍ରତିଟି ଜୀବନ…
ଭୁବନେଶ୍ୱର(କେନ୍ୟୁଜ୍): ସୁରମା ପାଢୀ ହୋଇପାରନ୍ତି ନୂଆ ବାଚସ୍ପତି । ବିଧାନସଭା ବାଚସ୍ପତି ଭାବେ ରଣପୁରର ବିଧାୟିକାଙ୍କ ନାଁକୁ ନେଇ ଚର୍ଚ୍ଚା…
ଭୁବନେଶ୍ୱର(କେନ୍ୟୁଜ୍): ନୂଆ ମୁଖ୍ୟମନ୍ତ୍ରୀ, ନୂଆ କ୍ୟାବିନେଟ। ଶପଥ ଗ୍ରହଣ କରିଛନ୍ତି ମୋହନ ମାଝୀଙ୍କ ଟିମ୍। ଦୁଇ ଉପମୁଖ୍ୟମନ୍ତ୍ରୀ। ୮ କ୍ୟାବିନେଟ…