Photo credit: NDTV.com
ଦିଲ୍ଲୀ ପ୍ରଗତି ମଇଦାନ ଅଣ୍ଡରପାସ ନିକଟରେ ଗତକାଲି ହୋଇଥିବା ଲୁଟ୍ ଘଟଣାରେ ୫ ଜଣଙ୍କୁ ଗିରଫ କରିଛି ପୋଲିସ । ଲୁଟ୍ର ମାଷ୍ଟରମାଇଣ୍ଡ ନିଜ ସାଥିଙ୍କ ସହିତ ବୁରାଡୀ ଅଞ୍ଚଳରେ ଏକ ଭଡା ଘରେ ରହୁଥିଲା । ଲୁଟ୍ର ଗୋଟେ ଦିନ ପୂର୍ବରୁ ସମସ୍ତେ ମିଶି ମଦ ପାର୍ଟି କରିବା ପରେ ଏହି ପ୍ଲାନ୍ କରିଥିଲେ ।
ପୋଲିସ ସିସିଟିଭି ଆଧାରରେ ୫ ଅଭିଯୁକଙ୍କୁ ଗିରଫ କରିଛି । ଲୁଟର ପୂର୍ବଦିନ ସେମାନେ ସମସ୍ତେ ମଦ ପାର୍ଟି କରିଥିଲେ । ଏହି ସମୟରେ ନିଶାଗ୍ରସ୍ତ ଅବସ୍ଥା ଜଣେ ଅନ୍ୟ ଜଣକୁ ଗୁଳି ମାରିଦେଇଥିଲେ । ଏହାପରେ ଗୁଳିର ଶିକାର ହୋଇଥିବା ବ୍ୟକ୍ତିଙ୍କୁ ଏକ ଆପାଚି ମଟର ସାଇକେଲରେ ହସପିଟାଲ ନେଇଥିଲେ । ସେମାନେ ଆହତ ଯୁବକଙ୍କୁ ହସପିଟାଲରେ ଭର୍ତ୍ତି କରିବା ପରେ ସେଠାରୁ ଫେରିଯାଇଥିଲେ ।
ଆଉ ସେମାନେ ଯେଉଁ ଆପାଚି ବାଇକରେ ଆହତ ଯୁବକଙ୍କୁ ହସପିଟାଲ ନେଇଥିଲେ, ସେହି ବାଇକରେ ଲୁଟ୍ କାଣ୍ଡ ସମୟରେ ବ୍ୟବହାର କରିଥିଲେ । ସିସିଟିଭି ଫୁଟେଜ ଭାଇରଲ ହେବା ପରେ ବୁରାଡି ଥାନାର ଜଣେ ପୋଲିସ କର୍ମୀ ବାଇକକୁ ଚିହ୍ନିଦେଇଥିଲେ । ପୋଲିସ ଏହାପରେ ହସପିଟାଲ ଯାଇ ପଚରାଉଚରା କରିବା ପରେ ଆହତ ସାଥି ଜଣକ ସବୁ କହିଦେଇଥିଲେ । ପୋଲିସ ଏହାପରେ ୫ ଜଣଙ୍କୁ ଗିରଫ କରିଥିଲା ।
ସୂଚନାଯୋଗ୍ୟ, ଦିଲ୍ଲୀ ପ୍ରଗତି ମଇଦାନ ଟନେଲ ନିକଟରେ ଡେଲିଭରୀ ଏଜେଣ୍ଟଙ୍କ ଠାରୁ ଗତକାଲି କିଛି ଲୁଟେରା ୨ ଲକ୍ଷ ଟଙ୍କା ଲୁଟି ନେଇଥିଲେ । କାରକୁ ଅଟକାଇ ବନ୍ଧୁକ ଦେଖାଇ ଲୁଟିଥିଲେ ଲୁଟେରା । ଯାହାର ସିସିଟିଭି ଫୁଟେଜ ଭାଇରଲ ହୋଇଥିଲା । ଆଉ ସିସିଟିଭି ଫୁଟେଜ ଆଧାରରେ ପୋଲିସ ୫ ଜଣ ଅଭିଯୁକ୍ତକୁ ଗିରଫ କରିବାରେ ସକ୍ଷମ ହୋଇଛି ।
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…