image credit: ntvtelugu.com
ଜୟପୁର ସରକାରୀ କାର୍ଯ୍ୟାଳୟରୁ ବାହାରିଲା ଟଙ୍କା ଓ ସୁନା । ୨.୩୧ କୋଟି ଟଙ୍କା ଏବଂ କେଜିଏ ସୁନା ବିସ୍କୁଟ ମିଳିଥିବା ଖବର ମିଳିଛି । ଯାହାକୁ ଗଣି ଗଣି ହାଲିଆ ହୋଇପଡିଲେ ଅଧିକାରୀ । ରାଜସ୍ଥାନର ସଚିବାଳୟ ନିକଟରେ ଥିବା ଏକ ସରକାରୀ କାର୍ଯ୍ୟାଳୟରୁ ଏହି ଟଙ୍କା ବାହାରିଛି । ପୋଲିସ ଏହାର ତଦନ୍ତ କରିଥିବା ବେଳେ ୮ ଜଣଙ୍କୁ ଅଟକ ରଖି ପଚରାଉଚରା କରୁଛି ।
ରାଜସ୍ଥାନର ଜୟପୁର ସ୍ଥିତ ଯୋଜନା ଭବନର ବେସମେଣ୍ଟରେ ଥିବା ଆଲମାରିରେ କିଛି ସନ୍ଦିଗ୍ଧ ଜିନିଷ ଥିବା ପୋଲିସ ସୂଚନା ପାଇଥିଲା । ଏହାପରେ ଗତ ରାତିରେ ପୋଲିସ ଟିମ୍ ଚଢ଼ଉ କରି ଏକ ବ୍ୟାଗ ଜବତ କରିଥିଲା । ସେଥିରେ ପୁଳା ପୁଳା ଟଙ୍କା ଓ ସୁନା ଥିବା ଦେଖିବାକୁ ପାଇ ଏନେଇ ଆୟକର ବିଭାଗକୁ ଖବର ଦେଇଥିଲା ପୋଲିସ । ୭,୨୯୮ଟି ୨ ହଜାର ଟଙ୍କିଆ ନୋଟ, ୧୭,୧୦୭ଟି ୫୦୦ ଟଙ୍କିଆ ନୋଟ, ମିଳିଛି । ଆଉ ଯେଉଁ ସୁନା ମିଳିଛି ‘ମେଡ୍ ଇନ୍ ସ୍ୱିଜରଲ୍ୟାଣ୍ଡ’ ଲେଖାଯାଇଛି । ଆୟକର ବିଭାଗ ଅଧିକାରୀ ପହଞ୍ଚି ଘଟଣାର ଯାଞ୍ଚ କରିଛନ୍ତି ।
ଜୟପୁର ପୋଲିସ କମିସନର୍ ଆନନ୍ଦ ଶ୍ରୀବାସ୍ତବ ଘଟଣା ସ୍ଥଳରେ ପହଞ୍ଚିଛନ୍ତି । ଜୟପୁରସ୍ଥିତ ସରକାରୀ କାର୍ଯ୍ୟାଳୟ ଯୋଜନା ଭବନର ବେସମେଣ୍ଟ (ତଳଘରେ) ଥିବା ଆଲମାରିରେ ରଖାଯାଇଥିବା ଗୋଟାଏ ବ୍ୟାଗ୍ରୁ ୨.୩୧ କୋଟିରୁ ଅଧିକ ନଗଦ ଟଙ୍କା ଏବଂ ପ୍ରାୟ ୧ କିଲୋ ସୁନା ବିସ୍କୁଟ୍ ମିଳିଛି । ସିଆରପିସି ଧାରା ୧୦୨ ଅନୁଯାୟୀ, ପୋଲିସ ଉକ୍ତ ନୋଟଗୁଡ଼ିକୁ ଜବତ କରିଛି ।
ପୋଲିସ ଘଟଣାର ୮ ଜଣକୁ ଅଟକ ରଖି ପଚରାଉଚରା କରୁଛି । ଏହାସହିତ ସିସିଟିଭି ଫୁଟେଜ ମଧ୍ୟ ଯାଞ୍ଚ କରାଯାଉଛି । ତେବେ ଏତେ ମାତ୍ରାରେ ଟଙ୍କା କେଉଁଠୁ ଆସିଲା ତାହାକୁ ନେଇ ଅନେକ ପ୍ରଶ୍ନ ଆସୁଛି ।
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…