Photo credit: Business Today
କଂଗ୍ରେସ ନେତା ରାହୁଲ ଗାନ୍ଧିଙ୍କ ନୂଆ ଲୁକ୍ ସାମ୍ନାକୁ ଆସିଛି । ୧୭୦ ଦିନ ପରେ ନୂଆ ଲୁକରେ ନଜର ଆସିଛନ୍ତି ରାହୁଲ ଗାନ୍ଧି । ଭାରତ ଯୋଡୋ ଯାତ୍ରା ସଂପୂର୍ଣ୍ଣ କରିବା ପରେ ରାହୁଲ ଗାନ୍ଧି ମଙ୍ଗଳବାର ଦିନ ବ୍ରିଟେନ ପହଞ୍ଚିଛନ୍ତି । ଆଉ ଲଣ୍ଡନ ପହଞ୍ଚିବା ପରେ ରାହୁଲଙ୍କ ନୂଆ ଲୁକ୍ ଦେଖିବାକୁ ମିଳିଛି । ସେପ୍ଟେମ୍ବରରୁ ଆରମ୍ଭ ହୋଇଥିବା ଭାରତ ଯୋଡୋ ଯାତ୍ରା ବେଳରୁ ଦାଢି ରଖିଥିଲେ ରାହୁଲ । ଯାହାକୁ ନେଇ ସାରା ଦେଶରେ ଚର୍ଚ୍ଚା ଲାଗି ରହିଥିଲା ।
ତେବେ ରାହୁଲ ଯାତ୍ରା ସଂପୂର୍ଣ୍ଣ କରିବା ପରେ ବିଟ୍ରେନ ପହଞ୍ଚି ନିଜର ଲୁକ୍ ବଦଳାଇଛନ୍ତି । ରାହୁଲ ଗାନ୍ଧି ଦାଢି ନିଶ ଟ୍ରିମ କରିବା ସହିତ ଟାଇ ଏବଂ କୋଟ୍ ପିନ୍ଧିଥିବା ଦେଖିବାକୁ ମିଳିଛି । ଆଉ ଏହି ଲୁକ୍ ଏବେ ଭାଇରଲ ହେବାରେ ଲାଗିଛି ।
ରାହୁଲ ୭ ଦିନ ପାଇଁ ବ୍ରିଟେନ ଯାତ୍ରା କରିଛନ୍ତି । ଏହି ସମୟରେ କେମ୍ବ୍ରିଜ ୟୁନିଭରସିଟିରେ ଲେକ୍ଚର ଦେବେ । ଏହି ସମୟରେ ପ୍ରବାସୀ ଭାରତୀୟଙ୍କୁ ସମ୍ବୋଧନ ଦେବେ । ରାହୁଲ ଗାନ୍ଧି ‘ଲର୍ଣ୍ଣିଂ ଟୁ ଲୁସନ ଇନ ଦ ୨୧ ସେଞ୍ଜୁରୀ’ ବିଷୟରେ ଛାତ୍ରଙ୍କୁ ସମ୍ବୋଧିତ କରିବେ । ସେହିପରି ବିଗ୍ ଡାଟା ଆଣ୍ଡ ଡେମୋକ୍ରାସି ଏବଂ ଭାରତ ଚାଇନା ସଂପର୍କ ବିଷୟରେ ମଧ୍ୟ କହିବେ ।
ରାହୁଲ ଟ୍ଵିଟ୍ କରି କହିଛନ୍ତି, କେମ୍ବ୍ରିଜ ୟୁନିଭରସିଟି ଯାଇ ଲେକ୍ଚର ଦେବାକୁ ନେଇ ଉତ୍ସାହିତ ରହିଛି । ଆଉ ଏଠାରେ ଛାତ୍ରଙ୍କୁ ସମ୍ବୋଧିତ କରିବା ମୋ ପାଇଁ ଗୌରବର ବିଷୟ ।
ସୂଚନାଯୋଗ୍ୟ, ୨୦୨୨ ସେପ୍ଟେମ୍ବର ୭ ତାରିଖରୁ ଭାରତ ଯୋଡୋ ଯାତ୍ରା ଆରମ୍ଭ କରିଥିଲେ ରାହୁଲ ଗାନ୍ଧି । ଦେଶର ଅନେକ ରାଜ୍ୟରେ ଏହି ଯାତ୍ରା ହୋଇଥିଲା। ଏହି ସମୟରେ ରାହୁଲ ନିଜର ଦାଢି ଏବଂ ନିଶ ବଢାଇଥିଲେ ।ଯାହାକୁ ନେଇ ଅନେକ ଚର୍ଚ୍ଚା ଲାଗିଥିଲା। ସେ ପ୍ରଧାନମନ୍ତ୍ରୀକୁ ନକଲ କରୁଛନ୍ତି ବୋଲି ଲୋକେ କହୁଥିଲେ । ରାହୁଲଙ୍କ ଲୁକ୍ ଦେଖି ସାଧୁ ସନ୍ଥ ଠାରୁ ଆରମ୍ଭ କରି ଅନ୍ୟ ସବୁ କିଛି ଲୋକେ କହୁଥିଲେ ।
ଖାଦ୍ୟରୁ ବାହାରିଲା ମଲା ସାପ । ଏମିତି ଅଭିଯୋଗ ଆଣିଛନ୍ତି ବିହାରର ଏକ ଇଞ୍ଜିନିୟରିଂ କଲେଜର ଛାତ୍ରଛାତ୍ରୀ । ବିହାରର…
ରାଜ୍ୟର ପ୍ରତି ମହିଳାଙ୍କୁ ମିଳିବ ୫୦ହଜାର ଟଙ୍କା । ମଧ୍ୟପ୍ରଦେଶ ଓ ଛତିଶଗଡରେ ସଫଳ ହୋଇଥିବା ଯୋଜନା ଏବେ ଓଡିଶାରେ…
ଏୟାର ଇଣ୍ଡିଆର ଏକ ବିମାନରେ ପରସା ଯାଇଛି ଅଧାରନ୍ଧା ଖାଦ୍ୟ । ଏଭଳି ଅଭିଯୋଗ ଆଣିଛନ୍ତି ବିମାନରେ ଯାତ୍ରା କରୁଥିବା…
ଟି୨୦ ବିଶ୍ୱକପ ୨୦୨୪ରେ ସୁପର-୮ ଟିମ୍ ଘୋଷଣା ହୋଇସାରିଛି । ଭାରତ ବିପକ୍ଷରେ ସୁପର ୮ରେ ଅଷ୍ଟ୍ରେଲିଆ, ବାଂଲାଦେଶ ଏବଂ…
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…