Photo credit: Patrika.com
ଚଳନ୍ତା ଟ୍ରେନରେ ଡକାୟତି । ଯାତ୍ରୀଙ୍କୁ ମାରପିଟ କରି ମୋବାଇଲ ଓ ପର୍ସ ଏବଂ ଗହଣା ଲୁଟିନେଲେ ର୍ଦୁବୃତ୍ତ । ଯାତ୍ରୀଙ୍କୁ ଭୟଭୀତ କରିବା ପାଇଁ ର୍ଦୁବୃତ୍ତ ୮ରୁ ୧୦ ରାଉଣ୍ଡ ଫାୟାରିଂ ମଧ୍ୟ କରିଥିଲେ । ଆଉ ଏଭଳି କରିବା ପରେ ଟ୍ରେନ ଚେନ୍ ପୁଲିଂ କରି ଫେରାର ହୋଇଗଲେ ।
ଖବର ମୁତାବକ, ଝାରଖଣ୍ଡରେ ସମ୍ବଲପୁର-ଜମ୍ମୁ ତାଓ୍ଵି ଏକ୍ସପ୍ରେସର ବଗି ନଂ ୯ରେ ପଶିଥିଲେ ୮ରୁ ୧୦ ଡକାୟତ । ଚଳନ୍ତା ଟ୍ରେନ ଭିତରେ ପଶି ଯାତ୍ରୀଙ୍କ ଭୟଭୀତ କରିବା ପାଇଁ ଗୁଳି ଚଳାଇଥିଲେ । ଗୁଳି ଚଳାଇବା ପରେ ଯାତ୍ରୀଙ୍କ ଠାରୁ ମୋବାଇଲ, ପର୍ସ ଏବଂ ଗହଣା, ଟଙ୍କା ପଇସା ସବୁ ଛଡାଇ ନେଇଥିଲେ । ଭୟଭୀତ ହୋଇ ଯାତ୍ରୀ ସବୁକିଛି ର୍ଦୁବୃତ୍ତକୁ ଦେଇଦେଇଥିଲେ । ଝାରଖଣ୍ଡ ଲାତେହାର ଷ୍ଟେସନ ଏବଂ ବରବାଡିହ ଷ୍ଟେସନ ମଝିରେ ଏଭଳି କାଣ୍ଡ ଘଟିଥିଲା ।
ଯେଉଁ ଯାତ୍ରୀମାନେ ଏହାକୁ ବିରୋଧ କଲେ, ସେମାନଙ୍କ ସହିତ ଡକାୟତମାନେ ମାରପିଟ କରିଥିଲେ । ସବୁକିଛି ଲୁଟିବା ପରେ ଅଧା ରାସ୍ତାରେ ଟ୍ରେନର ଚେନ୍ ପୁଲିଂ କରି ଫେରାର ହୋଇଯାଇଥିଲେ ଡକାୟତ । ପାଖାପାଖି ୨ ଘଣ୍ଟା କାଳ ଟ୍ରେନଟି ସେଭଳି ଠିଆ ହୋଇଥିଲା ।
ଘଟଣା ବିଷୟରେ ସୂଚନା ମିଳିବା ପରେ ଆରପିଏଫ ଯବାନ ଏବଂ ରେଳ ଅଧିକାରୀ ଘଟଣା ସ୍ଥଳରେ ପହଞ୍ଚିଥିଲେ । ଏହାପରେ ଟ୍ରେନ ଡାଲଟନଗଞ୍ଜ ଷ୍ଟେସନରେ ପହଞ୍ଚିବା ପରେ ଯାତ୍ରୀମାନେ ହଙ୍ଗାମା କରିଥିଲେ । ଯେଉଁମାନେ ଆହତ ହୋଇଥିଲେ, ସେମାନଙ୍କୁ ପ୍ରାଥମିକ ଚିକିତ୍ସା କରାଯାଇଥିଲା । ଏହାପରେ ରେଳ ପୋଲିସ ଦ୍ୱାରା ମାମଲା ରୁଜୁ କରାଯାଇଛି । ପୋଲିସ ଡକାୟତ କରିଥିବା ଲୋକମାନଙ୍କୁ ଖୋଜିବାରେ ଲାଗିଛି ।
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…
ଆପଣ ପ୍ରତ୍ୟେକ ଦିନ ଅନେକ ରିଲ୍ସ ନିଶ୍ଚିତ ଦେଖୁଥିବେ । ଲୋକମାନେ ରିଲ୍ସ କରିବା ପାଇଁ ନିଜ ଜୀବନକୁ ବାଜି…
ପିପିଲି : ପାଣିରେ ଭାସୁଛନ୍ତି କୁଢ଼ କୁଢ଼ ମାଛ । ରାଜୁଆ ନଦୀରେ ମରି ପଡିଛନ୍ତି ମଲା ମାଛ ।…
ବିବାହ ସମାରୋହରେ ହେଲା ମହାଭାରତ । ବର ବାହା ହେବ କଣ ଗଣ୍ଡଗୋଳରେ ମାତିଗଲା । ଯିଏ ଯାହାକୁ ପାରିଲା…
ବାଲେଶ୍ୱର : ବାଲେଶ୍ଵରରେ ସ୍ଵାଭାବିକ ହେଉଛି ସ୍ଥିତି । ଆଜିଠୁ ଆହୁରି କୋହଳ ହୋଇଛି କଟକଣା । ଟାଉନ୍ ଥାନା…
ଭୁବନେଶ୍ୱର: ଅନେକ ସମୟରେ ଜନସାଧାରଣ ସାଇବର ଠକେଇର ଶିକାର ହେଉଥିବା ନଜର ଆସିଛି । ଚୋର ଠାରୁ ପୋଲିସ ଯେତେ ଚାଲାକ୍…