ଉତ୍ତର ପ୍ରଦେଶରେ ଏକ ଆଶ୍ଚର୍ଯ୍ୟ କରିଦେବା ଭଳି ମାମଲା ସାମ୍ନାକୁ ଆସିଛି। ଏଠାରେ ଏକ ୩୦ ବର୍ଷୀୟ ବ୍ୟକ୍ତି ସେଭିଂ କରିବାରେ ବ୍ୟବହୃତ ବ୍ଲେଡ୍ରେ ଜଣେ ଗର୍ଭବତୀ ମହିଳାଙ୍କ ସିଜରିଆନ୍ ସେକ୍ସନ୍ ଅପରେସନ୍ କରିଛି। ଫଳରେ ଉକ୍ତି ମହିଳାଙ୍କ ସମେତ ନବଜାତକର ମଧ୍ୟ ମୃତ୍ୟୁ ଘଟିଛି।
ରିପୋର୍ଟ ମୁତାବକ, ମଲ୍ଲାନର ପୁରବା ଗାଁର ପୁନମ୍ ଗର୍ଭବତୀ ଥିଲେ। ମଙ୍ଗଳବାର ରାତିରେ ପରିଜନମାନେ ତାଙ୍କୁ ମା’ ଶାରଦା ମେଡିକାଲକୁ ନେଇଥିଲେ। ସେଠାରେ ନକଲି ଡାକ୍ତର ପୁନମ୍ଙ୍କ ଅପରେସନ୍ କରିଥିଲେ। ଏ ଅବସରରେ ପୁନମ୍ଙ୍କର ପ୍ରବଳ ରକ୍ତସ୍ରାବ ଯୋଗୁ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିଯାଇଥିଲା। ଡାକ୍ତର ତାଙ୍କୁ ବିନା କାଗଜପତ୍ରରେ ଲକ୍ଷ୍ନୌ ସ୍ଥାନାନ୍ତର କରିଥିଲେ। କିନ୍ତୁ ରାସ୍ତାରେ ହିଁ ଉଭୟ ମା’ ଓ ଛୁଆର ମୃତ୍ୟୁ ହୋଇଥିଲା। ପରେ ପରିବାର ଲୋକେ ଏ ନେଇ ଥାନାରେ ଅଭିଯୋଗ କରିଥିଲେ।
ପୋଲିସ ମାମଲାର ତଦନ୍ତ କରିବାରୁ ଜାଣିବାକୁ ପାଇଛି ଯେ, ଯେଉଁ ଡାକ୍ତର ମହିଳାଙ୍କ ଅପରେସନ୍ କରିଥିଲେ ତାଙ୍କ ପାଖରେ କୌଣସି ଡାକ୍ତରୀ ଡିଗ୍ରୀ ନାହିଁ। ସେ କେବଳ ୮ମ ପାସ୍ କରିଛନ୍ତି। ସେହିପରି ତାଙ୍କ ସହଯୋଗୀ ୫ମ ଶ୍ରେଣୀ ପାସ୍ କରିଥିବା ଜଣାଯାଇଛି। ତଦନ୍ତ ବେଳେ ଜଣାପଡ଼ିଛି ଯେ ମେଡିକାଲର ସଞ୍ଚାଳକ ମଧ୍ୟ ଦ୍ୱାଦଶ ପାସ୍। ପୋଲିସ ତିନି ଜଣ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରି ସେମାନଙ୍କୁୁ ଗିରଫ କରିଛି। ତେବେ ନକଲି ଡାକ୍ତରଙ୍କ ଯୋଗୁ ଦୁଇଟି ଅମୂଲ୍ୟ ଜୀବନ ଚାଲିଯାଇଥିବାରୁ ଗାଁରେ ଶୋକର ବାତାବରଣ ଦେଖାଦେଇଛି।
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…
ଚାନ୍ଦବାଲି: ବର୍ବରତାର ସୀମା ଟପିଛି ଭଦ୍ରକ ଜିଲ୍ଲା ଚାନ୍ଦବାଲି ପୋଲିସ୍ । ଯାହାର ଭିଜୁଆଲ୍ କ୍ୟାମେରାରେ କଏଦ ହୋଇଥିଲେ ସୁଦ୍ଧା…