ହିମାଚଳ ପ୍ରଦେଶ କୁଲ୍ଲୁରେ ପ୍ରକୃତିର ତାଣ୍ଡବ ଜାରି ରହିଛି । ପ୍ରବଳ ବର୍ଷା ଯୋଗୁଁ ଆନି ଠାରେ ବହୁତଳ ପ୍ରାସାଦ ଭୁଶୁଡି ପଡିଛି। ଭୟଙ୍କର ଭାବେ ଭୁଶୁଡି ପଡୁଥିବା ବିଲିଡିଂରେ ଲୋକଙ୍କ ଚିତ୍କାର ଶୁଣିବାକୁ ମିଳିଥିଲା । ଲୋକଙ୍କ ଜୀବନ ବଞ୍ଚାଇବା ପାଇଁ ସ୍ଥାନୀୟ ଲୋକ ଦୌଡିଆସିଥିଲେ । ଅନେକ ଲୋକ ମାଟିତଳେ ଦବିଥିବା ଆଶଙ୍କା କରାଯାଉଛି ।
କିଛି ସେକେଣ୍ଡ ମଧ୍ୟରେ ତାସ ଘର ଭଳି ଭୁଶୁଡି ପଡୁଛି ବଡ ବଡ କୋଠା । ନିମିଷକେ ଧୋଇଯାଇଛି କୋଟି କୋଟି ଟଙ୍କାର ସମ୍ପତ୍ତି । ବାସହରା ହୋଇଛନ୍ତି ଶହ ଶହ ଲୋକ । କିଛିଦିନ ତଳେ ଏହି ବିଲିଡିଂରେ ଫାଟ ସୃଷ୍ଟି ହୋଇଥିଲା । ତେଣୁ ୩ ଦିନ ପୂର୍ବରୁ ଅନେକ ଘରୁ ଲୋକମାନଙ୍କୁ ଖାଲି କରାଯାଇଥିଲା ।
ହିମାଚଳରେ ଲଗାତାର ଗତ ୨୪ ଘଣ୍ଟା ହେଲାଣି ପ୍ରବଳ ବର୍ଷା ହେଉଛି । ଏପର୍ଯ୍ୟନ୍ତ ୧୧ ଜଣ ଲୋକଙ୍କ ଜୀବନ ଗଲାଣି । ଏଠାରେ ୫ଟି ଜାତୀୟ ରାଜପଥ ସହିତ ୮୫୦ ରାସ୍ତା ବନ୍ଦ ରହିଛି । ୨୫ ଅଗଷ୍ଟ ପର୍ଯ୍ୟନ୍ତ ପ୍ରବଳ ବର୍ଷା ଆଶଙ୍କା କରିଛି ପାଣିପାଗ ବିଭାଗ ।
ସେପଟେ କୁଲୁ- ମଣ୍ଡି ରାସ୍ତା ଧୋଇ ଯାଇଥିବାରୁ ବହୁ ସଂଖ୍ୟା ଗାଡି ଅଟକି ରହିଛି। ରାଜ୍ୟର ୯ ଜିଲ୍ଲା ସିମଲା, ସିରମୋର, କାଂଗ୍ରା, ଚାମ୍ବା, ମଣ୍ଡି, ହମିରପୁର, ସୋଲାନ, ବିଳାସପୁର ଓ କୁଲୁ ଜିଲାକୁ ରେଡ ୱାର୍ଣ୍ଣିଂ ଜାରି କରିଛି ଭାରତୀୟ ପାଣିପାଗ ବିଭାଗ । ଆଗକୁ ପରିସ୍ଥିତ ଆହୁରି ଭୟଙ୍କର ହେବା ଆଶଙ୍କା କରାଯାଉଛି। ରାଜ୍ୟ ସରକାରଙ୍କ ଆକଳନ ଅନୁଯାୟୀ ହିମାଚଳରେ ପ୍ରାକୃତିକ ବିପର୍ଯ୍ୟୟ ଯୋଗୁ ୧୦ ହଜାର କୋଟି କ୍ଷତି ହୋଇସାରିଛି ।
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…